¹ Azan atɔɔɔ gudo ɔ ananiasi vɔsa na mawutɔ daxo kpo tomɛ mɛxo lɛɛ kpo xomɛ tun na amɛ tɔ xé yé nɔ ylɔ dɔ tɛɛ tulusi kpo wa yé wa jɛ ɛ pɔlu sin ahwɛ na tokpɔngan. ² Xé pɔlu Wa tokpɔngan ɔ nukɔn tɛtulusi jɛ ahwɛ doé ji do ɖɔ na tokpɔngan ɔ ɖɔ ɔdo hwi wutu ɔ mi do fifa daxo dé bɔ nunywɛn jɛ nukɔn towé hɛn nukɔn yiyi wa na to mitɔn. ³ Mi nyɔn nu nɛ lɛ bi nyi na wé bo do akpé untɔn do a wé sisi jɛ hɛ feliusi . ⁴ Nɛ mi ma na lɛ do wé té susu a un byɔ wé dɔ hwi nɛ doto un kpo kunun ɛ dagbé kpo. ⁵ Mii mɔ amɛ nɛ xe nyi azɔn nylanylan dé do é nɔ do avancan do jufu lɛ mɛ do agbé lɔmɛ bi sésé bo nɔ do yé fɔn do ji ɔ wu wɛ nyi gan na sinsɛn nazalɛtinu lɛ tɔn. ⁶ E tlɛ tinkpɔn na dusu na cɔcixɔ lɔ bɔ mi do é té wélée. ⁷ Vɔɔ lizasi ahwangan daxo lɔ wa bo yi sɔn alɔ mitɔ mɛ bo kplɛn sɔ yi. ⁸ Hwé xé nu an kan xo byɔ do nu nɛ lɛ ji ɔ a na nywɛn hwi lɔsu nu xé zɔn bɔ mi do hwɛ do é ɔ. ⁹ Jufu lɛ bi do hwɛ pɔlu dɔ xojɔxo wɛ nu nɛ lɛ nyi ¹⁰ Vɔɔ xé tokpɔngan ɔ na gbé pɔlu ɖɔ nɛ ɖɔ xo ɔ pɔlu yi gbé ɖɔ un sé ɖɔ a nyi hwɛ ɛ ɖɔ tɔ na to xé ɔ hwé susu ko wayi amɔ homɛ hu ɖɔ nyɛn lɔsu nɔ na tun nu lɛ mɛ na wé. ¹¹ A hɛn ɔ an ba do na ɖɔ azan wéawé ɖié wayi ɔ un yi jéluzalɛmu bo na yi sɛn mawu . ¹² Vɔɔ ɔ xé yé mɔ un do cɔcixɔ lɔ mɛ ɔ un ma do xo ɖɔ xé amɛ dé gɛ mɔɔmké un ma do amɛ lɛ fɔn do ji do kplɔngbasa alo toho ɔ mɛ gɛ. ¹³ Amɔ yé ma kpéwu na dé hlɛ oxo ohwɛ xé yé do do un lɔ mɛ dé lɛ dé tɔn hlɛ din gɛ. ¹⁴ Vɔɔ un yi gbé do nukɔn towé ɖɔ un sɛn mii togbo lɛ sin mawu gbɔn ali xé yé do ylɔ dɔ alimasɔgbé a ji un do gbé ji na nu xé yé ko wlan do ɖɔɖanyi wéma kpo sɛn wema lɔ mɛ dé. ¹⁵ Un do kandeji dokpo ɔ do mawu ji di alé xé amɛ xé lɛ do din gbɔn dé do fɔn sɔn ku lɔ mɛ na hwɛ hu tɔ lɛ kpo amɛ jlɔjlɔ lɛ tɔn kpo. ¹⁶ Wu wɛ zɔn bɔ un nɔ blo nu lɛ bi nɛ ayixa ce nɛ ma xo avun xé un do . ¹⁷ Do hwé susu wayi mɛ ɔ un wa bo hɛn alɔgɔ wa na to cé kpo akwɛ kpo nu ni na kpo mɛ. ¹⁸ Xé un blo nu nɛ ɔ jufu dé lɛ xé zɔn azi ɔ yé mɔ un do wiwé sin lilɛ ɛ lɔ tɛnmɛ do cɔcixo lɔ mɛ é ma nyi togun lɔ mɛ alo avancan dido mɛ gɛ . ¹⁹ Amɛ xé lɛ ɛ do na dé hlɛ do nukɔn towé oxo xé yé do do awu yé dé vlavo nɛ yé do ɔ . ²⁰ E ma nyi mɔ a amɛ xé lɛ do na ɖɔ nu nylanylan xé yé mɔ té un mɛ xé un yi xo do nukɔn mitɔn ɖin ɔ. ²¹ E si o nyi xo dokpo xé un ɖɔ b zé gbé yi ji xé un do yé mɛ ɔ fɔn sɔn ku ɔ wɛ zɔn bɔ mi do hwɛ do un . ²² Felisi ka o sé xo do do ali lɔ ji wu wɛ zɔn bɔ é ɖɔ jufu lɛ mɛ nɔ té é ɖɔ na liziasi ahwangan ɔ wa zɔn jeluzalɛmu ɔ un na ɖɔ hwɛ ɔ. ²³ Bɔ é dé gbé na ahwangan kanwéko nɔ lɔ ɖɔ nɛ hɛn pɔlu wu bo wlé bo nɛ kpo yɛ yi kpo mɔnké nɛ ma kɔ na gbɛ untɔn lɛ ɖɔ yé nɛ ma ba jonɔ alo yé na gɔ alɔ nɛ o. ²⁴ Anyi hihɔn klé un dé lɛ gudo ɔ felisi lɛkɔwa kpo asɔ dlusila kpo jufu wɛ é nyi bɔ é nyɔ pɔlu bo sé xo té si do nudidi do juzu klisi mɛ wu. ²⁵ Vɔɔ xé pɔlu do xo dɔ xé do hwɛ dida hun kuku kpo hwɛ dida xé jia ɔ ji ɔ felisi di bu bo ɖɔ lɛkɔ yi hwe nɛ un wa do vivoɔ na ylɔ wé. ²⁶ Hwé nɛ nu ké ɔ é do lin jlo ɖɔ pɔlu nɛ na wi kwɛ nɛ ɔ wɛ zɔn bɔ é nɔ ylɔɔ bléblé bo nɔ ɖɔ xo xɛ. ²⁷ Amɔ hwé awé gido ɔ pɔsiwusi fɛsitusi wa nyi tokpɔngan do felisi tɛnmɛ vɔɔ felisi jlo na nyɔ do jufu lɛ dé bo jo pɔɔlu do nyi ganmɛ.