¹ Xe e kplan mi gbɔn ɛ awuyɛyɛ afɔyɛ yɛ ɖe ɔ do nuxelɛ gido ɔ mise ɖɔ enɔ ylɔ axukɛnlɔ ji ɖɔ maliti . ² To lɔ mɛ nulɛ na mii adɔtɛn ɖagbe ɖe nɛ kɛɖɛ kɛ a ye bɔ myɔ bo nɔ yi mii dekɔn ɖo ji lɔ kpo fifa ma gbodo ɖo anyi ɖe kpo wutu. ³ Vɔɔ hwe xe nu Pɔlu xotɛ gboywɛ ɖee bo bɛɖo myɔ lɔ kpa ɖeɔ jakpata ɖe tɔn ɖo gblɔgblɔ xe ɖo hɛɛn ɖe wutu bo blado alɔ untɔn. ⁴ Xe to lɔ mɛnulɛ mɔ kanlin lɔ blado alɔ na ɛ ɖe ɔ ye nɔ ɖɔ ɖo yee ɖekelɛ mɛ ɖɔ nya xe ɔ amɛnhutɔ ɖe dandan wɛ enyi bo hɔnsin axumɛ amɔ mawu sin ahwɛgbigbo ka na lɔn na ɛ bɔ e na nɔɔ agbɛ a . ⁵ Amɔɔ emini alɔ untɔn bɔ kanlin lɔ jɛ myɔ mɛ bɔ nuɖekpekpe ka wɛɛ can a . ⁶ Ye ɖo te ɖɔ mi na mɔ ɛ bɔ ena sɔ akla avivɔ najɛɛji alo enaku kplawun din vɔ ɔ yenɔte kaka amɔ ye ka mɔ miɖe jɔ gbɔnvo à ye gbɔbo huzu gbe bo ɖɔ mawu ɖe wɛ enyi. ⁷ Nɛ ɔ ɖo lilɛdo lɔ mɛ ɔ anyigba ɖee tiin bo nyi axukɛnlɔ ji ganlɛ tɔn nya ɖe nɔ nyi publiwusi e yi mii bo nuɖe ka hwedo mii ɖo xwe untɔn gbe kaka na azan atɔn a. ⁸ Publiwusi tɔɔ lɔ ɖo azɔn xe nyi vivɔ kpo zɛntin ɖe kpo jɛ xe pɔlu yii de ɖe ɔ ɔ exo aɖɛ bo sɔ alɔ deji bɔ azɔn gbɔ na ɛ. ⁹ Nɛ jɔ wa yi ɔ to lɔ ɔmɛnu xe kpo ɖo axukɛn lɔ ɔ ji bo ɖo azɔn jɛ lɛ ɖe can wa bɔ e gbɔ azɔn na yee ga. ¹⁰ Togun lɔ can mɔ wunjijɛ na mi tawun xe mi sɔnu bo nayi ɖe ɔ ye na nuxe hudo miilɛ ɖe mii. ¹¹ Do sunzan atɔn gido ɔ miwa yi zohun ɖaxo bato alɛsanwundri tɔn ɖe xe ko gbɔn aya syɛnsyɛn sin ganxixo lɔ mɛ ɖe ji ɖo axukɛn lɔ ji bɔ gesido sin nuwlan wlan untɔn nɔ nyi nɔvi hoholɛ. ¹² Nɛ gido ɔ mi nɔte ɖo tokunnuku silakuzi tɔn mɛ bo nɔflɛn na azan atɔn. ¹³ Sin flɛn ɔ mi byɔ zohoun mɛ bo wa tohunnukun hlegio tɔn mɛ ɖo anyihinhɔɔn ɖokpo gido ɔ afɔligbe jɛhɔn ɖe xo bo anyihinhɔn awe ɔ mi wa tohunnukun puzolɛsi tɔn mɛ. ¹⁴ Mi wayi mɔ nɔvi xe ko ɖo mii ylɔ sanlɛ ɖe bo ɖɔ mi mɛ wa nɔ mi mɛ wa nɔ mi ɖe na azan canwé 7 nz alɔ xe mi wa hlɔmu xwe de nɛ te. ¹⁵ Do flɛn xe nɔvilɛɛ se xo xe e ɖɔ sin mii wulɛ ɖe ɔ ye wa dogo mii ɖo afi apiwusi tɔn mɛ kpo tavɛnsi atɔnlɛ kpo xe pɔlu mɔ nɔvi lɛ ɖe ɔ e do akpɛ na mawu bo ɖo adɔgbigbo ɖevo. ¹⁶ Xe mi byɔ hlɔmu ɖe ɔ ye ko na gbe Polu ɖɔ e hɛn lɔ ena nɔ aɖeɖke ɔ nu san kpo sɔja xe ɖo sɔ ɛ ɖe kpo. ¹⁷ Nɛ ɔ ɖo azan atɔn gido ɔ polu sɛ sunnu nɛ lɛ xe nyi nukunnumɔɛn ɖo jwifulɛ mɛ lɛ ɖe kple xe ye kple ɖe ɔ ɖɔ na yee ɖɔ nɔvilɛ xonugbo xe nyɛ mawa nuɖe do togunlɔ alo un ɖu su ɖe na walɔ xoxo mi itɔ lɛ tɔɔn can a ɖe ɔ ye yi sɔ un na bɔ un nyi ganmɛn tɔ ɖo hlɔmunulɛ sin alɔmɛ. ¹⁸ Xe ye kanxo byɔ un vɔ ɖe ɔ yejlo na jo un do do ye ka mɔ ahwɛ ce gblegble ɖe bo na gbo kuhwɛ nawun à na un a ¹⁹ Amɔ xe na jwifulɛ fɔn kpanta jlo yetɔn ɖe ɔ e wa zin jiye dandan ɖɔ un ɖo na ylɔ seza pɛpɛ ka nyi ɖɔ un na sɔ xo ɖé ɖo to ce wu a. ²⁰ Nɛ wutu wɛ un jlo na mɔ mi bo na ɖo na mi ga ɖɔ nukun ɖiɖo izlayɛli ton wutu wɛ ye bla un ɖo gɛɖɛ xe mɛ. ²¹ Bɔ ye ɖɔ na ɛɛ ɖɔ mi ka mɔ wema ɖe can sin awuwe sin jude à mɔ ke nɔɔvilɛ ɖe can ka wa bo ɖɔ nuɖé alo nyla ɖe sin awuwe a. ²² Amɔ mi din na se sin nu towe mɛ nuxe aɖo lɛn ɖo sin sinsɛn gblegble xe wu ɖe ɖɖo mi nɔɔ kpan ɛ ɖo filɛ bi. ²³ Xe ye ɖo azan ɖokpo nɛ ɛ ɖe ɔ amɛ susu nɔ wa ɛ de ɖo xwe untɔn gbe enɔ sɔ nulɔ doxlɛ ye bo nɔ ɖe kunnu sin sɛxwe tomɛ wu enɔ ɔ tɛnkpɔn bo nɔ hu xo yee sin jezu wu gbɔn mɔyizi sin sɛn lɔ wu. kpo gbeyiɖɔ lɛ kpo sin zanflun kaka jɛ gbadanu. ²⁴ E hu xo amɛɖe sɔ gbɔn nuxe jɔ lɛ ɖe mɔ vɔɔ amɛɖee ka ɖinu a. ²⁵ E hu xo amɛɖee sɔ gbɔn nuxe jɔ lɛ ɖe mɛ vɔɔ amɛɖee ka ɖinu a. Ye ka ɖo nukunnu mɔ jɛ yee ɖekelɛ mɛ a ye tɔnsin flɛn ɖo hwenu pɔlu ɖɔ xo xe lɛ vɔ ɖe yɛsinsɛn ɖɔ xo xɛ miitɔlɛ kpo hwɛ jijɔ kpo gbɔn ezayi ɖɔ ɖanyi ɖɔtɔlɔ ji. ²⁶ E ɖɔ mi yi togun xe mɛ bo ɖɔ mi ɖo muse kpo to mitɔnlɛ kpo vɔ ɔ mi ka ɖo nukunnu mɔ jɛ ɛmɛ a mi ɖo nukpɔn kpo nukun mitɔnlɛ kpo amɔ mi ka ɖo nu mɔ a. ²⁷ Togun xe sin aji huzu nuɖe manywɛnyitɔ to yetɔnlɛ ɛ senu kpo awuvɛ kpo ye myɔ nukun na nɔkpɔn yeamɔ nu kpo nuku yetɔn kpo bo kaka bo na se kpo to lɛ kpo bo bo na se mɛ kpo ayi yetɔn kpo bo nahuzu na magbɔ azan na yee bo. ²⁸ Mi nywɛnyi ɖɔ mawu hwlɛngan xe lɔ ɛ ɖo e ɖohlan mayisenɔlɛ wɛ bɔ ye na wase. ²⁹ Hwenu xe e ɖɔ xo xelɛ ɖe ɔ jwifulɛ ɖido bɔ nudindɔn ɖaxo ɖe byɔ yee mɛ. ³⁰ Pɔlu blo xwe awe ɖo xwe untɔn gbe bo nɔ ɖo mawu kpa bo nɔ ɖo amɛxe ɖo wa ɛdelɛ ɖe yi i. ³¹ Enɔ jla axɔsuɖuto mawu tɔn bo nɔkplɔn nu sin nu xe kan axwetɔ jezu klisi ɖe wu kpo kanɖeji kpo bɔ amɛɖe ka nɔ su ali do e a.