¹ Hwénɛnulɔ: Axɔsu Elodu wlé amɛɖélɛ ɖo gbɛvilɛ mɛ, bo jɛ yà (tuklà) do na yé ji. ² É hu Jaki xé nyi nɔvi na Jaan ɖé kpo hūi adɛnkpè kpo.) ³ Xé é mɔ ɖɔ nu xé wé bloɖé éhunxomɛ na Jwifu ɖé, éwlé Piyɛ can. Kpɔnnɔ xúxú x́é ma ɖo levɛn àɖé sin xwé gàmɛ wɛ. ⁴ Xé yé wlé Piyɛ gidomɛɖé, yé sɔ ɛ do gankpàmɛ bo cyan sɔjà gbɛtà ɛnɛ donu ɛnɛ bo ɖɔ yé nɛ cɔ ɛ, nɛ gbɔntanaun xwé lɔ wà̀yi vɔlɔ, wé na kplan ɛ wà tògun lɔ sin nukɔn bona gbo hwɛ nɛ. ⁵ Hwéxénu wɛ ékpo sɔ, bɔ Elodu na hen Piyɛ ⁶ wà hwɛnukɔn, Piyɛ ɖo amlɔndò ɖo gankpà lɔ mɛ ɖo sɔjà awé tɛntɛn, bɔ yé blɛ kpo gɛdɛ awé kpo, sɔjà awé lɛ ɖò hɔnlɔji bo ɖò gankpà lɔ cɔ. ⁷ Wudié, azɔnɖokpo lɔ, awensagun Mawu tɔn ɖokpo wà xwétɔn, bɔ gankpa lɔmɛ bi hɔ̀n peteple bɔ awɛnsagun tàlɔ Piyɛ bo fɔn e bo ɖɔ nɛ ɖɔ: fɔn kplàun! Bɔ gɛdɛ lɛ jɛ ànyi alɔ nɛ. ⁸ Awensagun Mawutɔn lɔ ɖɔ nɛ ɖɔ: donu towé lɛ bo do afɔkpà towé, Piyɛ do nulɛ. Awɛnsagun Mawuton lɔ ɖɔna Piyɛ ɖɔ : « Sɔ awu ɖàwò towé do bo xodo un!» ⁹ Piƴe xodo awɛnsagun lɔ kàkà bo tɔn. Kà nywe nyi ɖɔ nu xé wɛ awɛnsagin lɔ ɖo blo ɖé nujɔnu wɛ e nyi a, évɛɖo ɖɔ wé ɖo nu mɔ ɖò amlɔn mɛ wɛsin. ¹⁰ Hwéxénu na yé gbɔn agbo hwɛtɛtɛ tɔn nu, bo gbɔn awégɔlɔnu, bo je gangbo lɔ kɔn bo hun jɛ toxòlɔmɛ ɖé. Agbo lɔ lɔsu hun ɖo nukɔn nayé, bɔ yétɔn bojɛ ali ɖokpo ji bɔ Mawu sin awɛnsagun jo siin de. ¹¹ Hwéxénu na Piyɛ gbɔnwà àɖékiɔmɛɖé, é ɖɔ: un mɔ nugbo ɖɔ Mawu zɔn awɛnsagun untɔn ɖohlan bɔ éwà hwlɛn un sin axɔsu Elodu kpo nuxé na Jwifulɛ ɖo tékpɔn (yéɖo lin) ɖé sï. ¹² Xé é blo nɛ ɔ gidomɛ vɔɖé, é ɖido Mali sin xwégbé, xé nyi onɔ na Jaan ɖé bɔ yé nɔ lɛ ylɔ ɖɔ Maki, nuɖi tɔ susu ɖo flɛn bo ɖo ɖɛ xō. ¹³ Xé é xúxú agbo lɔ ɖé, amɛsɛntɔ nyɔnu xé yé ylɔ ɖɔ hloɖu ɖe wa bo na wà hun agbo lɔ. ¹⁴ Xé é sé amɛlɔ gbéɖé é nywɛ nyi Piyɛ wɛ, ɖó awàjijɛ xé gɔ ɛ boflā ɖé wutu lɔ, é wɔn agbo lɔ hún, bo ĺ kɔ kpo wézun kpo bo yi ɖɔna amɛ ɖélɛ ɖɔ: Piyɛ ɖo lɔ agboji. ¹⁵ Yé ɖɔ nɛ ɖɔ̀: « Tàɖunɔ wɛ anyi» é lɛ ɖo tɛ aɖɛ ji Piyɛ wɛ nugbo ma. Bɔ yé ɖɔ nɛ ɖɔ̀: « awɛnsagun untɔn wɛ.» ¹⁶ Vɔ lo ɔ Piỳ kpoɖo agbo lɔ xúxú jɛn wɛ bɔ yé wà hun bo mɔ nugbo ɖɔ Piyɛ wɛ bɔ é kpàcà yé. ¹⁷ Bɔ Piyɛ blo alɔ na yé ɖɔ yé nɛ hwannyi bɔ aléxéwɛ axwétɔ ɖéétɔn sin gankpamɛ xwé éɖɔ bi na yé. «Mïyi ɖɔ xoxé lɛna Jaki kponɔvi ɖélɛ kpo gà». Nɛ gido lɔ é jo sin yé dé bo yi afi ɖévo (atɛnɖévomɛ). ¹⁸ Xé anyi hɔn vɔ ɖé, sɔjà lɛ ci jòjò bo ɖo kanbiɔ yédéké lɛsé ɖɔ nu tɛ kà jɔ ɖo Piyɛ ji? ¹⁹ Xé Elodu din Piyɛ kàkà bo bɛkpo ɖé, é kan byɔ sɔjà, hɔnji nɔtɔlɛ bo ɖɔ̄ y" nɛ wlé yë bo hù e wa Jude ɖo Sezale bo ci flen. ²⁰ Elodu sin xòmɛ tà un dò tiinu lɛ kpo sidɔnnu lɛ kpo. Bo yi tin nu mɛ na Blasitu, xé nyi glɔmɛ nɔ tɔ na axɔsu lɔ ɖé, bo ɖɔ nɛ ɖɔ, nɛ gɔ alɔ na mi. Bo ɖo blɔ ɖɔ ahwɛ lɔ nɛ gbo (xō nɛ fā), ɖō axɔsu lɔ sin tomɛ wɛ nuɖuɖu nɔ tɔn-sin cobɔ yé mɔ du. ²¹ Kplé zan lɔ sɔgbé, bɔ Elodu dō axɔsu sin nu untɔn lɛ bo flɛn anyi ɖō axɔsu kpò untɔnji, bo jɛ xō ɖɔ na yé ji (é jɛ wémaxiā ji) ɖo amɛ lɛ unkun mɛ agbā un agbā. ²² Tò̀gun lɔ bi do axwà bo ɖɔ: agbɛtɔ kɛ ɖò xò ɖɔ à, nu sinsɛn ɖokpo (mawuɖé) sin gbé wɛ. ²³ Unkunxwixwe ɖokpo ɖò flen lɔ, awɛnsagun axwétɔ lɔ tɔn xo e ɖó kà sɔ gigo na Mawu à dovɔn lɛ ɖu i kà kà bɔ é ku ɖò flɛn azɔnɖo kpo. ²⁴ Vɔloɔ Mawu xò lɔ ɖo hwɛn déji bo ɖo su dé ji. ²⁵ Baanabási kpo Sɔlu kpo, fò azɔn yétɔn ɖo Jéluzalɛmu, yé lɛ kɔ sin flɛn, bo kplan Jaan xé yé nɔ ylɔ ɖɔ Maki ɖé.