¹ Amɛzinzɔn lɛ kpo nɔvi ɖo klisu mɛ xe ɖo Judée lɛ ɖe kpo se ɖɔ amɛxe ma nyi Jwifu a lɛ de can ɖi nu na Mawu xo. ² Ganxemɛ Piyɛ yi Jéluzalɛmu ɖe Jwifu klisusɛntɔ lɛ ɖɔ xo sin wu bo ɖo hwɛ ɛ bo kanbyɔ ɛ ɖɔ. ³ Nɔ wutu kɛ ayi nɔ kpɔ xɛ atɔtɔnɔ lɛ bɔ a ɖu nu xɛ yé . ⁴ Piyɛ ka yi xo bo na mɔ jɛ mɛ alexe nu lɛ yi gbɔnɛ ɖe na ye ɖokpo ɖokpo. ⁵ E ɖɔ na ye ɖɔ un ɖo aɖɛ xo ɖo toxo Jope tɔn mɛ bɔ un byɔ nu ɖi dlɔ ɖɔwun ɖe mɛ bo mɔ avɔ ɖaxo ɖe sin jixwesin bo jya dalye bɔ avɔ to enɛ lɛ ɖo sinsin. ⁶ Bɔ un jɛ kpinkpɔn ɛ ji tlili bo mɔ kanlin xe nɔ zɔn afɔ enɛ ji lɛ ɖe gbemɛlan lɛ kanlin xe nɔ sa gbɔn kɔmɛ lɛ ɖe kpo xɛvi alɔkpa alɔkpa jixwesin tɔn lɛkpo. ⁷ Un ka se gbé ɖé bɔ e ɖɔ na un ɖɔ Piyɛ sité hu bo ɖu. ⁸ Ee wo Axwetɔ gbeɖe nu xe nyi su ɖe po nuxe nɔ hɛn amɛ gble ɖe kpo ɖe ka na byɔ nu ce mɛ a . ⁹ Vɔɔ un lɛ se ge ɖe keba sin jixwesin ɖɔ nu xe Mawu ɖɔ e hɛn be e na ɖu ɖe nɔkpɔn a kpɔnɛ ɖo maɖu maɖu ji bo. ¹⁰ Agba atɔn wɛ nu nɛ jɛ bɔ ye mɛɛ bi lɛ yi jixwesin. ¹¹ Ganxixo nɛ mɛ lɔ sunnu atɔn de lɛ wa jɛ te ɖo xwe xe gbe mi te ɖe unkɔn e zɔn ye ɖohlan un sin nkaka sezalé. ¹² Gbigbɔ lɔ na un gbé ɖɔ nyɛ nɛ xodo ye xo kpɔn ma nɔ ɛ mɛ Nɔvi ɖo klisu mɛ ayizɛn xelɛ kplan un bɔ mi byɔ nya nɛ xwe gbe. ¹³ E ɖɔ na xe e mɔ awɛnsangun lɔ ɖo te ɖo xwe untɔn gbe gbɔnɛ ɖe na mi bɔ e ɖo ɖɔ nɛ ɖɔ zɔn sunnu ɖe ɖohlan Jopée nɛ ye a ylɔ simɔɔ xe e nɔ lɛ ylɔ ɖɔ Piyɛ ɖe wa. ¹⁴ E na do awɛnɖé na we xe mɛ hwi kpo xwe towe kpo na mɔ hwlɛngan te ɖe. ¹⁵ Xe un jɛ xo ɖɔ na ye ji kpowun ɖé gbigbɔ mimɛ lɔ jɛ te ɖo ye ji ɖi ale xe e jɛte ɖo mi ji ɖo bibɛmɛ ɖe ɖɔ wun. ¹⁶ Un flin xo Axwetɔ tɔn xe ɖɔ Jan sɔ asin sɔ lɛ Mawu sin nyi na amɛ vɔɔ gbigbɔ mimɛ wɛ e na sɔ lɛ MAwu sin nyi na mi lɛ. ¹⁷ Enyi Mawu na ye nu ni na ɖokpo wun mɛ xɛ mi amɛ xe ɖi nu na Axwetɔ Jezu klisu ɖe amɛ nɔkɛ nyɛ ka nyi bo na gbɛ gbe na Mawu. ¹⁸ Xe ye se xo nɛ lɛ ɖe xo mɛ yetɔn fa bɔ ye jɛ susu kpa na Mawu ji bo nɔ ɖɔ Mawu na lɛ vɔ jɔ hunsɛntɔ lɛ can nɛ ye a mɔ agbɛ. ¹⁹ Yadonamɛ xe tiin hwenu xe e hu e tyɛni ɖe zɔn bɔ amɛ xe ɖi nu na Jezu lɛ ɖe gbado bo hɔn kaka yi to xe e nɔ ylɔ ɔɖɔ fenisi ciplu kpo Antyɔci kpo mɛ ye nɔ jla Mawu xo lɔɔ na Jwifu lɛ kɛɖɛ. ²⁰ Vɔɔ amɛ ɖe lɛ ɖo ye mɛ bo sin ciplu kpo silɛnu kpo bo wa Antyɔci bo ɖo xo ɖɔ na glɛki lɛ bo ɖo awɛn ɖagbwe Axwetɔ Jezu tɔn do na yé . ²¹ Alɔ Axwetɔ tɔn ɖo kpɔ xɛ ye bɔ agbɛtɔ susu ɖi nu bo jɛ Axwetɔ li ji. ²² Nu nɛlɛ wa yi jɛ to mɛ na agun Jeluzalɛmu tɔn bɔ ye zɔn Baanabasi ɖohlan Antyɔci. ²³ Xe e wa bo mɔ fɛnu Mawu tɔn ɖé e vivi nɛ bɔ e do awusyɛn ye ɖɔ ye nɛɛ kunkpla Axwetɔ lɔ kpo ayixa yetɔn bi kpo. ²⁴ Do Baanabasi lɔ ɖa gbwewatɔ wɛ bɔ gbigbɔ mimɛ kpo nuɖiɖi kpo gɔ ayi untɔn mɛ bɔ amɛ susu lɛ jɛ Axwetɔ li ji. ²⁵ Baanabasi yi taasi bo na yi din Solu kpɔn . ²⁶ Xe e mɔ ɛ ɖe e kplan ɛ yi Antyɔci xwe gigɔ buté ɖokpo wɛ ye nɔ kple ɖo agun lɔ ji bo kplɔn nu amɛ susu Do Antyɔci wɛ ye ylɔ nukplɔn Jezu tɔn lɛ te ɖɔ klisusɛntɔ lɛ hwɛtɛtɛ . ²⁷ Ganɛmɛ gbeyiɖɔ ɔ Mawu tɔn lɛ wa Jeluzalɛmu ɖo Antyɔci. ²⁸ Amɛ ɖokpo xe ɖo ye mɛ bɔ ɔe nɔ ylɔ ɖɔ Agabusi ɖe site bo do awɛn gbɔn gbigbɔ mɛ ɖɔ xovɛ ɖaxo ɖe na do do agbɛ lɔ ɔ bi mɛ xovɛ nɛ do ɖo klodu hwenu. ²⁹ Nɛɔ nukplɔnvi Jezu tɔn lɛ sɔ gbeta bo ɖɔ ye na gɔ alɔ na nɔvi ɖo klisu mɛ Judee tɔn lɛ xɛ nu xe ye ɖo ɖe. ³⁰ Ye blo mɔ ye sɔ akwɛ ɖohlan agun mɛɖaxo lɛ gbɔn Baanabasi kpo solu kpo lɔmɛ.