¹ Amɛ ɖé tin bo ɖo Sézalé, bɔ yé nɔn ylɔwɛ ɖɔ.Kɔnɛyi, bɔ ahwangan na Sɔjà kanwé-Kotɔnwɛ ényi Itali sin ahwankpa do kponu. ² Amɛ Mawu sɛnji nɔntɔwɛ ényi bo nyi amɛ xé kpo xwédo untɔ kpo bi wɛ nɔn sɛn Mawu, bo nɔn na akwɛ Jwifu lɛ susu, bɔ énɔn lɛ xo aɖɛ ylɔ Mawu gan lɛ bimɛ. ³ Sɔyi găn xixo cɛn nɛn gɔɔ lɔ mɛ ɖo ayihihɔn lɔ mɛ lɔ, émɔ Mawu sin wɛn sagun ɖokpo ɖé ɖo nùmimɔ ganan ganan tɔn mɛ xé wɛ jiya ɛ dé.Wɛn sagun lɔ wa bo ɖɔ nɛ̀ ɖɔ̀:«Kɔnɛyi!» ⁴ Xéna Kɔnɛyi mɔ wɛn sagan lɔ ɖé ɔ éɖibù susu bo ɖɔ:«Un tɛ ɖ' yé, amɛɖaxo?»Bɔ wɛnsagun lɔ ɖɔ nɛ̀ ɖɔ:«Aɖɛ xixo twé lɛ kpo nunana twé xé lɛ wɛ asɔ na ayaɖutɔ lɛ ɖé yi kaka Mawu dé ɖi nu na na bo sɔ fliamɛ ɖo Mawu sin nunkun mɛ. ⁵ Din ɔ bo zɔn amɛ sunnun ɖé lɛ ɖo wlan jopé sin tòxò lɔ mɛ nɛ yé na yi kplan dawé ɖé xé sin un kɔ nɔn ,nyi simɔ ɖé sɔ wa, xé wɛ yé nɔn lɛ ylɔ wɛ ɖɔ piyɛɛ ɖé. ⁶ Enɔn ɖo kpɔxɛkanlin gbaza kotɔ ɖé xé sin unkɔ nyi simɔ bɔ xwe untɔn gbé sɛ ya axu.» ⁷ Xéna wɛn sagun Mawu tɔn xé ɖɔ xoxɛ san ɖé jo sii dé ɖé ɔ, kɔnɛyi wa ylɔ amɛsɛntɔ un tɔn awé ɖé lɛ sin amɛsɛntɔ untɔn lɛ mɛ kpo sɔja ɖokpo ɖé xé wɛ nɔn sɛn Mawu ɖé ɖo amɛ xé lɛ wɛ nɔn wa azɔ ɖo azɔ waxé untɔn ɖé mɛ. ⁸ Bɔ̀ Kɔnɛyi ɖɔ nù xé jɔ wayi lɛ ɖé bi na yé, bo ézɔ yé ɖo hlan jopée. ⁹ Ɖo ayihɔn untɔngbé ɖo ganxixo ayizɛn gɔ ɔ lɔsɔyimɛ ɖɔ hun ɔ, xé mɛ ɖɔhun wɛ yéɖo aliji bo sɛya tòxò lɔ ɖé ɔ, Piyɛɛ yi aɖɛ xogbé bo yixɛji. ¹⁰ Bɔ xovɛ hwi bɔ éɖodin nuxé na éna mɔ bo na ɖu ɖé.Amɔ ɖɔ hwenu xé wɛ yé ɖo nu ɖa nɛ̀ dǒ bɔ éna ɖù ɖé ɔ, éjayi bo bu séé do wu ɖé ké mɛ, ¹¹ Bɔ émɔ sɛxwéto mɛ ɖo hin bɔ nu ɖé élɛ ɖiɖiwa ɖokpɔmɛ bo nyinu alɔkpa ɖé xé wɛ ci ɖi nu blabla ɖaxo ɖé ɖɔ hun xéjɛté wa ayigba ɖé, xé yé hɛn to énɛn lɛ na ɖé. ¹² Ɖo nu lɔsin xomɛɔ yé nɔ kanlin afɔ énɛn nɔn lɛ, dàn lɛ kpo xɛvilɛ xénɔn ɖo zlɔn gbɔn jigbé lɛ ɖé. ¹³ Gbé ɖé wa ɖi nɛ ɖɔ: «Cité, Piyɛɛ, hù bo ɖù!» ¹⁴ Amɔ Piyɛɛ ɖɔ:«Eéó ungbɛ, axwetɔ ɖo un ka ɖu xé wɛ xiɖo bo ma wé á ɖé kpɔn gbé ɖé à.» ¹⁵ Vɔ lɔ gbé ɖokpo lɔ ké lɛ ɖinɛ awégɔɔ lɔ bo ɖɔi nuxé na Mawu ɖégbé nɔ éwé ɖé lɔ, nɔn kpɔn na àylɔ wɛ ɖɔ nu mawé mawé bo.» ¹⁶ Gbé lɔ ɖinɛ agba atɔn kpli kpli bɔ haɖo kpo lɔ nu blabla xé mɛna kanlin té lɛ ɖé lɛ kɔyi jixwé. ¹⁷ Hwenu xé na Piyɛɛ cako bo bu do na boma ɖo do mɔ na nu xé wɛ émɔ xé ɖéà, ù ɖ'yé,bɔ Kɔnɛyi wa zɔn sunnun ɖé lɛ ɖo hlan, bɔ amɛ xé lɛ wa kan ali xéwɛyi Piyɛɛ déɖé byɔ sé, bɔ yé wa yi jɛ xwé lɔ gbé sin agboji. ¹⁸ Bɔ yé wa zégbé yiji bo daxa ylɔ bo kanbyɔ ɖɔ simɔ xé yénɔn lɛ ylɔ wɛ ɖɔ Piyɛɛ ɖé ɖo fixéɛ̀. ¹⁹ Ɖo gà́xémɛ na Piyɛɛ ɖo ta mɛ bu do nù mimɔ lɔwu ɖé ɔ, ùwɛ gbigbɔ ɖɔ nɛ ɖɔ:«kpɔnɖa, sunnun atɔn ɖé lɛ wa bo ɖo kanwé byɔ.Cité, ²⁰ Bo jɛté bo yi kpo yé amɛxé lɛ kpo. Non kpɔn na aɖibù ɖó hwi kpo yékpo na yi wutu bo do nyɛn wɛzɔ yé amɛ xé lɛ ɖo hlan daliwé.» ²¹ Piyɛɛ jɛté lo bo ɖɔ na dawé lɛ ɖɔ:«Nyɛn wɛ mi ka ɖo dinɛ, bɔ untɛ wutu wɛ mi wa?» ²² Yé yi gbé nɛ ɖɔ:«Ahwangan sɔja kanwé ko tɔn amɛxé wɛ yé nɔn ylɔ ɖɔ kɔnɛyiɖé, ahwɛ jɔjlɔnɔ bo nɔn sɛn Mawu, bo nyi amɛxé wuna jwifu lɛ sin akɔta nɔn ɖé kunun ɖagba lɛ sin ɖé ɔ Mawu wɛnsagun wiwé ɖé wa ɖo afɔ ɖé elɛ nɛ na éna ylɔ wɛ wa xwé untɔn gbé na a na sé awɛn dagbé twe ɖé sin dé.» ²³ Piyɛɛ gbɔ́ wò bo kplan yé byɔ xwégbé bo ɖɔ na yé bɔ yé ci bo dɔflɛnxɛ.Zanflù ɖo ayihɔn untɔn gbé, Piyɛɛ cité bojɛ alixɛ yé.Bɔ nɔnviɔ ɖé élɛ ɖo nɔnviɔ lɛ mɛ can sin Jopée wa xodowé bo kplan sɔ yi gà. ²⁴ Ayi vo hɔn gbé ɔ, yé wa jɛ Sézaléé.Kɔnɛyi wa kpé amɛ xé lɛ kisiwa ɛ́ lɛ ɖé kpo xɔntɔn vɛna vɛna untɔn sɔ wa xwé untɔn gbé bɔ yé wu mɛ bi ɖo flɛn bo ɖo tékpɔn wiwa Piyɛɛ tɔn. ²⁵ Xéna Piyɛɛ wa byɔ xwé lɔ gbé ɖé ɔ, Kɔnɛyi wa yi dogowé bo jɛ klo ɖo afɔ untɔn nun bo na sɛn. ²⁶ Vɔ lɔ Piyɛɛ gbɛnɛ bo swɛ cité bo ɖɔ nɛ́ ɖɔ:«Cité ɖo agbɛtɔ hwi ɖɔhun wɛ un nyi.» ²⁷ Hwenuxé Piyɛɛ ɖo titomɛxɛ Kɔnɛyi bɔ ébyɔ xwé lɔ gbéɖéɔ éwa mɔ agbɛtɔ susu ko wa kplé bo ɖo ténɔnkpɔnwɛn. ²⁸ Bɔ éɖɔ na yé ɖɔ:«Ma ɖɔ na mi ɖɔ mi wulɔ su lɛ nyɔ wɛn nyi ɖɔ yé gbɛ na Jwifu ɖɔ ka wa flannyi ɖo kpɔ xɛ amɛjlo ɖé lo alo éna yi dii kpɔ bo na zɛɛ amɛjlo à é amɔ Mawu doxlɛ un ɖɔ nɔn na ma mɔ amɛɖé bo sɔylɔ amɛ xodi alo mawé mawé bo. ²⁹ Nɛ ɔ wɛzɔ bɔ xé na aylɔ un ɖé un kagbɛ à bo cité wa diwé ùɖ'yé wa untɛ wɛ à ylɔ un wa na?» ³⁰ Kɔnɛyi ɖéwu nɛ ɖɔ:''Eɖo blo ayihihɔn énɛn ɖ'ye ɖo gaxé hamɛ pɛpɛpɛ, ɖo ganxixo cɛnnɛn gɔɔlɔ mɛ,un wa yi ɖo aɖɛxo ɖo xwé cegbé ù ɖ'yé ,sunnun ɖokpo ɖé wa ɖo té bo do awu ɖé bo do kɔ́n mlan mlan. ³¹ Eɖɔ:«Kɔnɛyi Mawu sé ɖɛ twe, bɔ Mawu wa ɖo nukun ɖagbé wiwa twe lɛ xé na anɔnblo na wamamɔnɔ lɛɖéji. ³² Bo zɔ amɛ ɖé ɖo hlan Jopée nɛ yé na yi ylɔ dawé ɖé xé yé nɔn ylɔ wɛ ɖɔ simɔ bonɔn lɛnyi Piyɛɛ ɖéwa.Enɔ nɔ langbaza zɔ watɔ ɖé sin xwégbé xé yé nɔ ylɔ wɛ ɖɔ sinɔ ɖé, bɔ xwé un tɔn lɔ ɖo axutǒ. ³³ (Ù wɛ ha ɖo kpo lɔ un wa zɔ amɛ ɖo hlan wé bɔ hwi can ablo ganji bo wa.Dinɔ ùɖ'yé mi amɛ bi kosɔgbé ɖo nùkɔ̀n bo nasé afɔ ɖo na mɛ zɔ̀n xé na Mawu ɖɔ na wé ɖɔ hwi nɛ wa ɖɔ na mi ɖé,) ³⁴ Ù wɛ Piyɛɛ wa kɛ nù bo ɖɔ:«Ɖo xona gbo mɛ, un wa nyɔwɛn nyi din ɖɔ Mawu ka do vo gbi gbɔn agbɛtɔ lɛ mɛ à. ³⁵ Amɔ ɖoakɔ ta lɛ mɛ ɔ, amɛxé nɔn ɖibusi Mawu bo nɔn donùdo nɛ bo nɔn wa nù jlɔjlɔ ɖé sin nù nɔ̀n nyɔ̀ na Mawu. ³⁶ Mi nyɔ̀ awɛn xé na édo ɖo hlan togun izlayɛli tɔn ɖé é̀, ̀bo ɖo ɖɔ awɛn ɖagbé fifatɔn sɔ gbɔn Jezu klisi xé wɛ nyi axwetɔ na amɛbi ɖé ji . ³⁷ Mi wu lɔsu lɛ mi nyɔ nu xé wɛ jɔ ɖo Judée ɖé xé bɛ ɛ̀ ji sin galilée, ɖo gido mɛ na asi dòta xo xé na jàa ɖɔ̀ ɖé nyi; ³⁸ Nuxé wɛjɔ sɔ kùdo Jezu Nazalɛti tɔn ji ɖé, ɖi à lé xé na Mawu si gbigbɔ wi wé lɔ sin aminɛ kpo hlɔnhlɔn un tɔn kpo ɖé.Enɔ ɖo dagbé blo bo nɔ̀ ɖo yi bo nɔ̀ gbɔ azɔ̀n na amɛxé lɛ wɛ ji nà lɛgba kpacɛ do lɛ ɖé ɖo Mawu ɖo kpɔ xɛ. ³⁹ Mi mɔ̀ bo nyi kunun ɖé tɔ na ̧nu xé lɛ bi xé wɛ éblo sɔyi Jwifu lɛ tòmɛ kaka yi Jeluzalɛm Jezu nɛ xé yé sɔ hu bo kɛ̀ɛ̀ ɖo ati wu ɖé. ⁴⁰ Amɛ nɛ̀ ɔ, Mawu fɔn wɛn ɖo azan un tɔn atɔn gbé bo swɛ sɔ doxlɛ, ⁴¹ Ka swɛ doxlɛ amɛ bià amɔ kunun ɖétɔ xé lɛ Mawu ci nya jɛ nukɔ̀n ɖé na mi amɛ xé lɛ ɖù nù bo nu nù xɛ ɖo fifɔ̀n un tɔn sin amɛ kùkù lɛ mɛgido. ⁴² Ezɔn mi ɖɔ mi nɛ jla na togun lɛ bo ɖé kunun ɖɔ Mawu wɛ ci nyɛn bɔ ényi ahwɛ ɖɔtɔ na amɛ ɖo agbɛ lɛ kpo amɛ xé kù lɛ ɖé. ⁴³ Ù wu wɛ nu ɖɔɖa yitɔ lɛ ɖé kunun sin bo ɖɔ amɛ ɖékpékpé xé na yi iji sé ɖé na mɔ ahwɛsɔkɛ na ahwɛ un tɔn lɛ ɖoun tɔn mɛ.» ⁴⁴ Ɖo gàxémɛ na Piyɛɛ kpo ɖo xo ɖɔ ɖéɔ, ù wɛ gbigbɔ mi mɛ jɛté wa yé amɛxé lɛ wɛ ɖo tòɖò̀ Piyɛɛ sin awɛn xé éɖo do ɖéji. ⁴⁵ Amɛ xé lɛ tin ɖokpɔ xɛ kplé kplé mɛ yisénɔ̀n xé gbo ada ɖé kpo amɛ xé lɛ wa kpo Piyɛɛ kpo sin Jopée ɖé ɔ nu lɔ wa kpa ca yé wu mɛ bi ɖo gbigbɔ mi mɛ lɔ xé jɛté wa bo kɔnyi mayi sé nɔ̀ lɛ can jiɖé. ⁴⁶ Ɖo yé ɖo sé bɔ mayisénɔ̀ lɛ canwa ɖo dò gbé yɔ yɔ lɛ gà bo sɔ ɖo Mawu sɛn xé nu wanyi mɔ ɖé ɔ Piyɛɛ wa ɖɔ: ⁴⁷ «Yé na kpé wu gbɔ asi dotà na amɛ lɛ ji wɛ gbigbɔ mi mɛ lɔ jɛté wa yéji ɖi mi ɖɔ hun ɖé ɛ̀?» ⁴⁸ Loɔ éɖé ali na yé bɔ yé yi dò asi tà ɖo unkɔ Jezu klisi tɔn mɛ. Ù̀ wɛ kplé kplé mɛ lɔ wa din sin dé ɖɔ nɛ ci àyi bo nɔ̀ kpɔ xɛ yé sɔ na ayihihɔn ɖé é lɛ hwɛ co bo na jo sin yé dé yi xwé.