¹ Din ɔ xóɖɔ̀ɖɛ̀ɖɔ̀tɔ̀ kpo núkplɔn amɛtɔ̀ lɛ kpo lo cɔci antioci tɔn mɛ yé lɛ wɛ nyi barnadas simɛɔn xé yé nɔ yɔ̀ ɖò ámɛ́yibɔ̀ ɖé lusius sirɛne tɔn manahɛn amɛ̀xé kpò herodu kpó wɛ nɔ yɔ̀kpɔ̀vi mɛ ɖe axɔsulɔ kpò sool kpó. ² Ganxixó xé mɛ yé ɖò sɛ̀n Mawu kpo nubiblà kpò ɖe ɔ unwɛ gbigbɔ wiwé ɖɔɔ mi sɔ barnadas kpo sóol kpo ɖó vò nɛ̀ yé á wá azɔ̀n xé un yɔ̀ gé na ɖé. ³ Xé yé blanú bo xo aɖɛ vɔ̀ɖeɔ̀ bɔ yé sɔ alɔ ɖo tà nà dawé nɛ̀ lɛ̀ bò zɔ̀n yé ɖò ràn. ⁴ lBarnadas kpo sool kpó sé tònú ná gbigbɔ̀ wiwé bo yi sélusi. yé dó tɔjihun sin flɛ́n bó yi cipro mɛ . ⁵ Xé yé jɛ sáláminu ɖeɔ yé ɖo Mawu xo ɖɔ gbɔn cɔci xɔ junulɛ tɔn mɛ yé mɔ jan maki bɔ é ɖo alɔ̀ dó yé. ⁶ Xé yé gbɔ̀n ile kaka bo jɛ pafɔns ɖé ɔ yé mɔ majiki blo tɔ ɖé alɛló xoɖɔ̀ɖɛ̀ɖɔtɔ̀ ju nu ɖé énɔ̀ nyi bar jezu. ⁷ E ɖo kpɔ xɛ togan sɛjius Polus dawe ayixá nɔ ɖé dawe xé yɔ barbanas kpo sool kpo ɖó din na sé Mawu xó. ⁸ Elimas magiki watɔ mɔ yé nɔ ɖé nyikɔ un glɔ ɖɔ e lilɛ kpan yé bo din ná lɛ kɔ na tógán lɔ nɛ nɔ kpɔn à sé xó lɔ bó á ɖo yisé dé ji bo. ⁹ Sóol xé nɔ̀ nyi Pɔlu ɖé gɔ kpó gbigbɔ wiwé kpo bo fɔ nukún untɔ̀n lɛ de ji. ¹⁰ Bo ɖɔ hiɔ ovi lɛgba tɔn agɔ na kpó áyixá gɛdɛ́ gɛdɛ kpo akunylan kpo A nyi. kɛntɔ̀ na nùɖagbu é lɛ́ bi A ká na gbɔ̀ axuetɔ̀ sin ali ɖagbué lɛ́ hɛn gble a yé. ¹¹ Din ɔ unɖié aklunɔ sin alɔ̀ jɛ awuwé bɔ à ná huzu unvanɔ Á ká na mɔ nyidɔ̀n káká sɔ jɛ ganxixó ɖé mɛ à háɖókpò ɔ zinflu ciɖi ciɖi ɖe cɔ elimas ji E jɛ avidra ji bo ɖo amɛ ɖé din nɛ yé a hɛn alɔ̀ nɛ bó à do ali xlɛ. ¹² Xé togan lɔ mɔ núxé jɔ ɖe ɔ é ɖo yisé ɖo xo xe é sé sin axuetɔ wu lɛ ɖe kpacɛ. ¹³ Pɔlu kpo xɔntɔn lɛ kpo dó tɔjihun bo yi pɛge ɖo Pamfili vɔ ɔ jan jó yé do bo lɛkɔ yi jeruzalɛm. ¹⁴ Pɔlu kpo xɔntɔn lɛ kpo jó sin pɛge bo yi antioci pisidi tɔn do flɛn nɛ ɔ yé biɔ cɔci xɔ lɔ mɛ ɖo gbɔjɛzán gbé bó flɛn nanyi . ¹⁵ Xe ye xia osɛn lɛ kpo xóɖɔɖɛ lɛ kpo vɔ ɖe ɔ nukɔn nɔ tɔ lɛ kanxó biɔ yé bo ɖɔ nɔvi sunnu lɛ nɛ mi ɖo xó ɖé bó ná sɔ dó hɔnhlɔ̀n lanmɛ na togun lɔ ɔ mi ɖɔ ɛ. ¹⁶ Pɔlu cite bo blo alɔ bo ɖɔ izraɛlinulɛ́ kpo mi amɛ xé nɔ setónu ná Mawu lɛ ɖe kpo mi ɖo to bó sè. ¹⁷ Mawu Togun xé tɔn sɔ mitɔgbè lɛ bo gbà kun na yé ganxé mɛ yé ɖo egipte nyigbà ji ɖé bɔ sɔ gbɔn alɔ̀ untɔ̀n xe é drɛn ɖé mɛ ɔ yé tɔn sin égipte. ¹⁸ É nɔ̀ xɛ̀ yé ɖo zugbomɛ na xwé kanɖé . ¹⁹ Xé é gukun na togun canwé ɖo kana to mɛ vɔ ɖé ɔɔ ésɔ anyigba yétɔn lɛ ná togun mi tɔn . ²⁰ Nu xé lɛ bi jɔ ɖo xwé kanwekó donu enɛ kanɖé wo mɛ Do nu xé lɛ gido ɔ Mawu ɖe kojoɖo tɔ lɛ kaka sɔ jɛ xoɖɔɖɛɖɔtɔ samiɛji ji. ²¹ Unwɛ tógun biɔ̀ axɔsú bɔ Mawu sɔ sool ovi kis tɔn sin bɛnjamɛ xuégbe bɔ éɖu gan na yé na xwé kanɖé. ²² Mawu wa ɖéé singan ji bo sɔ Davidi ɖó gan ji ɖo atɛn untɔn mɛ Davidi xé wu wɛ Mawu ɖɔ̀ ɖò ɖɔ̀ un mɔ Davidi izai viɔɔ lɔ ɖɔ unwɛ nyi amɛ xé sin nu nɔ jɔ ji na un ɖé bɔ é nawa nu ɖé kpekpe xé un jló ɖɔ nɛ wá ɖé . ²³ Ɖo amɛ xé gidoɔ Mawu hɛn rlɛngantɔ ɖe wa izraɛli jezu ɖi na xe é kó ɖɔ gbɛn san ɖé. ²⁴ Hwɛco jezu na wa lɔ jan ɖo awɛn jla ɖo asin do tá lɛvɔjɔ tɔn wu na izraɛli sin togun tɔ̀ bi. ²⁵ Xe jan wà azɔ̀n untɔn vɔ ɖe ɔ é ɖɔunɖé amɛnɔ kɛ mi vɛ do ɖɔ un nyi. un ka nyi amɛ nɛ à vɔ ɔ mi ɖótó bo sé ɖo nyɛ ɔ gido ɔ amɛ ɖe na wa bɔ un ká xa bo na tun afɔkpa kán nɛ a. ²⁶ Nɔvilɛ́ mi amɛxe jɔ sin ablahan kunkan mɛ kpo mi amɛxe nɔ sɛn Mawu lɛ̀ ɖé kpó wɛ ye dó wlɛngan sin awɛn. ²⁷ Ɖo amɛ ɛ xé nɔ̀ nɔ̀ Jeruzalɛm lɛ ɖé kpo gan yetɔn lɛ kpo ká ɖigesi à bɔ yé na bɔ xo xé xóɖɔɖɛtɔ lɛ ɖɔ bɔ ye nɔ xia gbɔjɛzangbe tɛgbɛ ɖé cɛ bɔ yé do huɛ doé. ²⁸ Xe yé má mɔ ahuɛ jijɔ ɖe bo ná sɔ̀ hui à ɖe ɔ na Pilatu ɖɔ nɛ hui. ²⁹ Xe yé wa nuxe nu winwlan lɛ ɖɔ sin wu ɖé bi vɔ ɖé ɔ ye zé jɛté sin akluzú ji bo sɔɛ yi mlanyi ɖo yɔ do mɛ. ³⁰ Vɔɔ Mawu fɔn ɛn sin amɛ kúkú lɛ́ mɛ. ³¹ Amɛ xe xó ɖéɔ enɔ yéde azan sású amɛ nɛlɛ wɛ nyi kúkú ɖetɔ untɔn na togun lɛ. ³² Mi lɛ ca mi wa ɖo awɛn ɖagbué xé do na mi akpagbe xé Mawu do na mitɔgbe lɛ ɖé. ³³ Mawu wa ɖo akpagbe na mi ovilɛ bo fɔn jezu sin amɛ kuku lɛ mɛ. nɛ wutu wɛ ye wlan ɖo salomɔ sin woma awegɔlɔ mɛ bo ɖɔ hui wɛ nyi vi yé bɔnyɛ unyi atɔ wé ɖo eyé. ³⁴ Mawu fɔn ɛn sin amɛ kúkú lɛ mɛ na agbaza untɔn nɔ kpɔn a nyinnyɔ bo untu wɛ eɖɔ un na na mi nuɖagbue dona Davidi tɔn lɛ. ³⁵ Nɛ wutu wɛ Mawu ɖɔ ɖo Davidi wowa ɖe vo mɛ ɖɔ A ká á jo amɛ wiwe toedo bo é na nyinnyɔ a. ³⁶ Ɖo ganxemɛ ɖo agbɛ ɖé ɔ̀ é wa jlo Mawu tɔn lɛ xe e wá kú ɖé ɔ yé ɖii ɖo akpa na tɔgbe ɔ lɛbɔ agbaza untɔn gblé. ³⁷ Vɔ ɔ amɛɛ xe Mawu fɔn sin amɛ kúku lɛ mɛ ɖé ɔ̀ agbaza untɔn ká vó á ³⁸ Nɔ vi lɛ mi ɖo na nyɛnyi ɖɔ sɔ gbɔn jozú ji wɛ yé dó agɔ jijɛ sɔ kɛ amɛ sin awɛn na mi. ³⁹ Sɔ gbɔn wɔ ɔ́ ji yé na so agɔjijɛ kɛ amɛ ɖe kpekpe xe yise ɖe agɔjijɛ xe mɔse sin sɛn má a kpewu sɔkɛ́ mi a ɖé. ⁴⁰ Nɛ wutu ɔ mi cɔ mi ɖe kélɛ na nɔ kpɔn xo xé xoɖɔɖɛ ɖɔtɔ lɛ ɖɔ ɖé a cɛ ɖo mi ji bo. ⁴¹ Mi kpɔn mi amɛxe lɛ mɔ kiyɛ na nuɖe à ɖé mi so ci dódó mɛ boà vivá ɖo un wa azɔn ɖe ɖo agbɛ huenu mitɔn azɔn ɖé xé mi má à ɖinu ná à ɖinu ná á nɛ amɛ ɖe bo ɖɔ na mi ca lɔ. ⁴² Xe na Pɔlu kpo barnabas kpo na jó ɖé ɔ amɛlɛ ɖé kuku na yé bo ɖɔ yé nɛ lɛ ɖɔ xoɖo kpo ɔɔ na mi ɖɖo gbɔjɛzan xe jia ɖe gbe. ⁴³ Xe kple lɔ kpan ɖo cɔci xɔlɔmɛ ɖéɔ junu lɛ kpo proselitinulɛ kpo susu xodo Pɔlu kpo barnadas kpo. Pɔlu kpo barnadas kpo ɖo. xoɖɔ na yé bo ɖo gan do lanmɛ na yé bo ɖɔ yé like ɖo fɛnu xe Mawu naa yé ɖé mɛ. ⁴⁴ Gbɔjɛ zan gbe xe jɛ nɛ gido ɖé ɔ ɔ amɛ susu wa kple bo na sé Mawu xó. ⁴⁵ Xe junulɛ mɔ amɛlɛ ɖɔ é xomɛ sinyé bɔ yé Pɔlu zun ji. ⁴⁶ Vɔɔ Pɔlu kpo barnabas kpo ɖo xoɖɔ kpo kan kan ɖéji kpo bo ɖɔ E ɖo vivɛ ɖé ɖɔ ye nɛ ɖo Mawu sin awɛn na mi hɛ tɛtɛ vɔ xe mi gbɛ bɔ mi sɔɛ ɖi ka a nyi agbɛ mavɔ a ɖéɔ. mi lɛ mi na lɛkɔ yi mayisenɔ lɛ de. ⁴⁷ Ɖo mɔ wɛ axuetɔ kplɔn mi gbɛn ɖɔ un sɔ we nɛ a na nyi wéziza na mayise nɔ lɛ bo na hɛ wlɛngan yi anyigba sin vivɔnu. ⁴⁸ Xe mayisenɔ lɛ se xo nɛ ɖe ɔ ejijɔ yé bɔ yé kpab gigo na Mawu xo Amɛxe Mawu ko ca na agbɛ mavɔ mavɔ lɛ ɖe bi wɛ yise. ⁴⁹ Mawu xo lɔ kinkan gbɔn to lɔ bi keun keun. ⁵⁰ Vɔ junulɛ tɛ ɖo nyɔnu xe nɔ sɛn Mawu lɛ ɖe ji kpo to lɔ mɛ sin gan lɛ kpo ji bɔ yé fɔn ahuan ɖo pɔlu kpo barnabas kpo ji bo ɖé yé tɔn jɛ to lɛ gido. ⁵¹ Vɔ pɔlu kpo barnadas kpo hunhun afɔ kɔ yetɔn lɛ bo jo yi icone sin to mɛ . ⁵² Bɔ ejijɔ nukplɔnvilɛ bɔ gbigbɔ wiwɛ su ɖo yé mɛ.