¹ Awayéya ɛlɛri ya ya ŋi waka iré yé wa ilɛ fu ɔŋɛ ni kasa iréɛ ni ka kɔ ɛsɛ yé aa nuwa fɛɛ kakɔ silɛ. ² E yéni inɔ igbagbɔ jesu ndi ayɔ yé aya pédi fuɛ ɛ o jɛ iya kɔ manɔƥ o joko lɔ wɔ iré bɔba. ³ Ka yéni bénio jiya ndi ɛlɛ chɛya ndi ni ayagbo kɔman subu inɔ ɛsɛ . ⁴ E ketiko baa ɛjɛ jaa ni ɛja baa ɛhɛ ɛ. ⁵ Ni iesi gbagbé ipé yé apéŋɛ bɛ ni apé ɔma onian ɛ ɔma ni me fɔ ni ika fu ilanan ɔlɔun pée ara kɔman si kuɛ igba yé aa tuɛchéɛ. ⁶ Ndi ɔlɔ aa ba ɔma yé ofiŋan ja i aa paa gudugudu ɔma yé ɔmaɛ . ⁷ Bi man fati fu yɛ ni iya ɛ ajɛ ŋɛ ɔlɔun n kofu ara ran bɛni ɔma ɛni bɔba yesi nkɔfɔ ni wu ka fati fu ɔma ɛ. ⁸ Bi ɛbɔ ɔma hɔman ya ni ɛjɛ eke se ɔma iré ya. ⁹ Paap wu ɛjɛ ni bawaya fati fu ya ni asi buya ha tɛriba fu ɛmi bɔba ya n'di kafu yé . ¹⁰ N'ndi ké bawaya aya foti fu wa fu igba odé ni aman ɔlɔun aa fati fu éré wa ni ndi ni kafu kapa inɔ iyasi mi mɔ ɛ. ¹¹ Man daju ni ifati ko sé ikan ayɔ aman ɔjɛ ikan ibanujɛ aman isisoiré n'afu ɛnɛ ye ya gba ifati ɛ. ¹² Isin e di ɔwɔ ŋɛ mu wu iwuku yɛ yé jɛ alailera ɛ. ¹³ Ni kɛ tɔ ɔnan iré ni ikan yé ɛ gbo oroɛ hɔman wa ɔkaka bɛ iwosan n'ikodé. ¹⁴ E wo faiɛ wu iya simimɔn wu onian gudugudu bi kosebɛ onikan ka yi oju ɔlɔun. ¹⁵ E sakitigan ni oré ɔfɛ ɔlɔun kɔman fo onikan yɛ ndi ni isanyi kika ye fu lɔgban ɛ kɔmn wa dawu yɛ ni kɔ nan ran eni yé bɔɛya. ¹⁶ Ndi ni iwakiwa hɔman si ni onian gbada bɛ ni ɛsau yé taa ɛtɔ ɔma akusin idi ijɛ ɛ. ¹⁷ Eman ni yé ɔtanɛ awo kɔ ba ibuku ni aya lée n'ndiké ka paɔo ndi bɛ ni a bebii wu ɔku loju. ¹⁸ Osi jɛɛni éké tiko fɔ wɔ kan oké yé inan ya inɔɛ ani iyi ni ani okuku ya ni ani ofufu ni. ¹⁹ Ani kiké ipé alo okoji afɔ ni bi aya gbo gbaɛ aya gba adura ni aya kaman fafɔ han fu kan ŋan . ²⁰ Ndikéb aya katiko gba tɔ ofi yɛ wɔ lé bi iran kan ni ɔtɛ fɔwɔ kan okéɛ aa ka talokuwa paa ni. ²¹ Ikan yé sé bɛni onɛ ewu ni moisi ni ara tiwu gudugudu aa ŋan . ²² Aman ɛyɛ ɛ pɛki oké sion idi kigbé aɔun alayé n kjérisalɛmi idi yé angeli ya pɔɛ. ²³ Inɔ apapɔ sɔsi ɔma akusin bi gbo aya kon ekɛ ya si idi ɔlɔun yé adajɔ fu nkan gudugudu ɛmi onian iré ya wa lɔwɔɛ. ²⁴ Jesu yé wa npalaji manjɛmu titomɛ fu ɛjɛ ye ɔdasi nlɛɛ gbo aya fa fɔ iré péé ti abɛli ɛ . ²⁵ E ma fu oju pan ɛnɛ yé afafɔ fu yɛ ndiké ɛnɛ afu oju pan ɛnɛ afafɔ ɔlɔun fu ya ilɛɛ miniɛ aya kabɔ pɛkɛ awa aa kabɔ sin awa yé ako gbuan fu ɛnɛ ye ya afafɔ okéɛ. ²⁶ Awuɛ aa diki ilɛ ni osé ileri ni kosé ilɛ géé ni man diki oké gbo. ²⁷ Gbolowɔ igbahansin ho yɛ aa deni payɔ handé fu kan yé ya aa ékési idini aya daa yɛya fu ipakan ni idi ni yeya ka yé kesi yɛ ya ni kɔ wa igba. ²⁸ Ndi bɛ eki ijɔba yé kodikiɛ gba ita ni kaa sin ɔlɔun inɔ kipé inɔ ibubu wu inɔ kisa fu. ²⁹ Ndi yé ɔsinsin jɛ ɔlɔun yé aa gbi inan ye ajo nin.