¹ Ɛtɛ siwaju ni kɛ fian ahayɛ lɔkuin-lɔbuin bɛni ɔma chrisiani yaɛ. ² Ɛgbagbe ni kɛgba ɛnin yɛya anwa n'leyɛɛ ɛnin bibɔya bi ansɛ bɛ, angba Angɛli ya lahima. ³ Ɛtɔsi ɛlɛwan yan bika fɔni ɛjɛ wa lɛwanɛ ɛtɔsi ɛnin yɛya anjɛliya ɛ Bɛni ɛyɛ ni an jɛ liyaɛ. ⁴ Ɛnin kɛnin gbɛdɔ bɛɔ fu igbinyawo. Ɔkɔ ati aya oni kakan gbɛdɔ joko kidɔgba fu enikejiɛ. Ɔlɔun n'kɔ pɛjɔ fu ɛnin yɛya nin ayɛ midaliɛ wu ɛnin yeya an salowa. ⁵ Kɛma so ahayɛ tama owo inɔ yin kɔɔɔ fu n'kan yɛ ɛninɛ. Ni ɔlɔun wu papa fɔni: "wowo n'kafuɛ jɔ, bɛni n'kakɔɛ sisi n'lɛ." ⁶ Isin Akafɔ wu igbɔkanlɛ: "oluwa wa n'nɔ iranlɔwɔ fumi, ojo kasemi onikan katiko semi lisɛku." ⁷ Ɛtɔsi ɛnin yɛya kɔyin n'nɔ afɔ ɔlɔunɛ egeni bi antan igbɛsi ayeyaɛ nikewe igbagbɔ ya. ⁸ Jesu Kristi wabi ɔti wa ɛ ni, ɔna, onini titi fulɔ ayɛrayɛ. ⁹ Ɛmɛ jɔ ahayɛ gbo ankatɔyin gbata ɛkɔ isɛku ya. Bi ifɛ ɔlɔun ni alɛwa laha osian aman ofi gbata ijɛ kɔsisɛ fu ɛnin yeya antɔɛ. ¹⁰ Awa anɛ ilɛ ipade kan, ni arubɔ ya kɔnin ɛtɔ lati jɛ ijɛ ilɛ ipadé yɛ jɔ yɛ, ayan ansisɛ lɔsɔ tempeli ni. ¹¹ N'bɛ, arubɔ laku mu ɛjɛ ianya wa n'di kiman ni kafu gnan ɛsɛ didi, ni aha ian yɛ ya kijona nagnikulɛ. ¹² N'dibɛ ni Jesu gbo ku nagni Jerusalɛmi ni kofutu ɛnin kɛn kɛnin sisilɛ n'nɔ ɛsɛɛ wu ɛjɛɛ. ¹³ Katu lɔpadɛɛ nagni ikulɛ, ni ka gba ibubuɛ Bɛni wu gboɛ. ¹⁴ N'lɛ, Agbe n'lu ye ka pin ɛ, aman awo ilu yɛ akagbe tɛgbɛɛ ni. ¹⁵ Gbata Jesu, kadupɛ fu ɔloun tɛgbɛ kama suwa. Yɛ jɛ ni kaman ni ɔni yɛya fuwa ma olugbala nin. ¹⁶ Kɛmɛ gbagbɛ ni kɛsɛ ire ni kɛpin n'kan yɛ ɛnin yaɛ, egbeni n'kan ye adɔ fu ɔlɔun nɛ. ¹⁷ Ebu ɔgan yɛya ni kɛriba fuya an sɔyɛ n'diye an ka lɔjɛ abɔ fu ɔlɔun ɛ. N'dibɛ bi ebuya, anka sisɛ ya wu ɔkan kidɔ bikosɛbɛ, an ka se wu sika sika ni eke hieresɛ. ¹⁸ Ɛgbadua fuwa, aman daju ni kosi n'kan kan nika fu da ahawa lɛbi n'dibɛ ni awo ni kase ire tɛgbɛ. ¹⁹ Ipa ni mafu biyɛ ɛgbadua ni n'yasin wa lemeji yɛ. ²⁰ Ɔlɔun ni afuwa layɔ ɔfu oluwa wa Jesu goke lemeji oku ya gbo ɔjɛ ɔgan asin aguda ya ɛ. Ni ɛjɛ yɛ ofuse irɛbɔ fu wa ɛ jɛ majɛmu fuwa gbo katan laye laye ɛ. ²¹ Ni ɔlɔun yɛ kɔranyɛ lɔwɔ ni kɛsɛ yɛ sia ɛ tɛgbɛ n'dikɛse ye awoɛ! Kɔsisɛɛ gbata Jesu-Kristi n'kan ye wuɛ! kafogo fu Jesu tɛgbɛ! Ami! ²² Ɔman yemi yan lɔkuin lɔbuin, ma biyɛ ni kɛgbo wu irɛsilɛ afɔɛ ye ya afu nin laha kilɛɛ. N'dibɛ Iwe mikogu. ²³ Egneni n'kantitɔ: ɔma yewa Timote tu lɛwan. Bi ɔyade mawahi yɛ wuɛ. ²⁴ Eki ɔgan wu Chisiani gudu gudu ɛnin Itali ya ankiyɛ. ²⁵ Ifɛ ɔlɔun kɔwa Pɛluyɛ!