¹ Igbagbɔ ni nkan oko yi no areti de ki die nkan ye ako fu oju yi . ² Ka fu nin ɛnin jɔ jɔ nin ɛvi kan ye wa. ³ Ɛ pa igbagbɔ ni a fu man ni afɔn ni afu da aiyé ika ye a yi nyan kése nyan ye a fo fu yi nyan nan fu daa. ⁴ N'nɔn igbagbɔ ni abɛli sɛ ɛbɔ ye ɔlɔhɔn tɛ ɔwɔ gba ɛ pée ti caini gbaa taɛ ni aya fu pée ni ododo ɔlɔhɔn gba ɛbɔ wu gba taɛ ni aya fu fa fɔ ko fu ku. ⁵ Gba ta igbagbɔ ni énoki fu fɔ lɔ loke niko yi iku loju ɔlɔhɔn gbin lɔ titan aso ko igbin loke ko to ɔnin ɛri kan yé dɔn fu ɔlɔhɔn . ⁶ Bi kosi igbagbɔ ka sesé ni oni kan kɔdɔnfu ɔlɔhɔn ɔwa ni ɛnin soto man ɔlɔhɔn ko gbagbɔ ni ɔlɔhɔn wa wu ni ɔjɛ a die ara fu ɛnin ye nyan woo. ⁷ Lɛ pa igbagbɔ ni noé n'nɔn imi ɔlɔhɔn ni a fu fɔ nkan ko yi ojo ɔlɔhɔn a sée ni ose ilé la ku ko fu gba onihan nyan la i di lé ɛ la gbataɛ ni aya ko dajɔ fu aiye wu ko di ajogu ododo ye nko wa n'nɔn igbagbɔ . ⁸ Gba ta igbagbɔ ni aya tu do ilɛ alejo ye ɔlɔhɔn see elevi fu nyan aya gbe inuka nyan. ⁹ Bɛɛ isaki wu jacɔbu ojogu ileri kan so ɛ. ¹⁰ Aya déé idi kan yé sin dara dara péé yé ɔlɔhɔn aman ilé ki man ni ko man . ¹¹ Gba ta igbagbɔ ni sara bi man la hi gbo ndi ye o dio fu ɔlɔhɔn fdarada fu iléri ye o sé fu. ¹² Ndi bɛ ndi oni koso ye ti gbo tan aya bi iran kan yé pɔ péée anwée ye wa loju ɔhɔn nyan pée kabua yé wa leti oku ni a ti ko kan tan. ¹³ Gba ta igbagbɔ ni gudugudu nyan ku layé yi ileri nkan ɔlɔhɔn sée fu nyan nan aya yii lokée ni aya ju ɔwɔɔ fu aya man ni alejo wu ahi anjo ni aga jɛ ita ilɛ aiye. ¹⁴ Ɛnin yé nyan dée ni aya awio idikan ni aya kagbé. ¹⁵ Bi aya nin loju idi kan pɛ ni aya aman ni aya ti idikan auya yi ayé aya ko fu pada . ¹⁶ Aman aya wo isin idi kan yyé sia pée tu man ni hɔn ndi bɛ ni ɔlɔhun anɔɔn ko mu ni an pé u ni ɔlɔhɔn nyan opé doi idi kan fu nyan. ¹⁷ Gba ta igbagbɔƥ abrahami fu ɔman sɛbɔ igbaye o yɛɛ wo wu ofu ɔɔman kan so ɔman i le vi nyan. ¹⁸ Wu esé a fɔ fu ni isaki a ka n'nɔn iran . ¹⁹ A se ni ɔlɔhɔn olé paa fu ajidé ooku nyan iko ti ko yi gba nɔnan ajidé . ²⁰ Gba ta igbagbɔ ni i saki tu kusɛɛ fu jacɔbu wu esau fu ikan wa hiwaju . ²¹ Gbata igbagbɔɔ ni jacɔbu loju iku tuu kusɛɛ fu ɔman josɛfu wa ka sin igbayé a tɛ ɔpa . ²² Gba ta igbagbɔ josefu loju iku otiko man ɔman israli an tuu pa lasɛ fu nuyan ni aya ko ku wi gba ta igbagbɔ moisi ye a bi tan ɛnin du ku fu osupa mɛta idi ni a yii ɔsɔ mɔ sɔ ni aya kosa fu asɛ ɔba. ²³ Gba ta igbagbɔ ni moisi ye a bi tan ɛnin dukun fu osupa mɛta idi ni a yii ɔsɔ mɔ sɔ ni aya kosa fu asɛ ɔba. ²⁴ Gba ta igbagbɔ ni moisi dagba ni ɔkɔni wuu kosé ɔman man faron. ²⁵ Ni owuuni aya ka jɛ wu ni ya idi oninan ɔlɔhɔn nya yé ɔnin osoko ni aya fu yɔ. ²⁶ Ki yéni yɛyɛ aya fu kristi bɛ ni ɔla laku pee dukia yé wa l'égypti i di ni oti ɛɛnin oju anɔn fu gba nyan . ²⁷ Gba ta igbagbɔ onihan nya l'égypti layi sojo ɔba ndiyé aya dio fu daradara yé aya yi ɛnin aya ko fo jo yi. ²⁸ Gbata igbagbɔ ni aya gɔn pakii wu iwɛnin man wu ɛjɛ ni a panin loku ko fɔ wɔ nyan akusin bi

ɔman israli.

²⁹ Gba ta igbagbɔ ni aya oku kupan kɔja i lɛɛ kigbin ni oku nupan ɔman isvrali nyan mi . ³⁰ Gbata igbagbɔ ni ogiyi subu ilɛ asoko aya weyi tan igba méje lɔjɔ méjé. ³¹ Gbata igbagbɔ ni kababi aluwa ko ku wu an desi nyan idi ye ofu inɔn dɔn gba wa ilé ɛ. ³² Ké man fu sosin idiyé asoko kotomi fu fatu gédéoni baraki samsoni jephithé Davidi sa muɛli wu woli nyan . ³³ Esi gba to i gba gbo sɛgu ijɔba nyan ni olo odo do fu gba ileri nyan fu di anu janta nyan. ³⁴ Ni opa agbara inan ni osafu isin ki mu ni ofu nyan lara kida ni olé sɔ ja ale jo nyan lɔ. ³⁵ Ɔlɔhin yi ooku bi o ojide omin nyan jiya ni aya kɔ ko tu abɔtan aya jiindé. ³⁶ Ɔɔmiyan aya fu ya se pa nyan i pa yan pasan so nyan ni wɔɔ wu mu nyan lɛ wan . ³⁷ Tanyan lokuta kenyan ikakara fu iya nyan fu isin pa nyan toko sa wéé ki ni wɔ toko a wɔn mɛ kɛ aguda nya, si nyan lidsé kisé fu oju pan nyan. ³⁸ Aya aiye kɔ yɛ fu sa lɔ lasan xan lewo oké nyan wu idi ɔmin nyan ilɛ. ³⁹ Ɛni yé nyan ni gbata igbagbɔ jɛvi aya kogba ilévi yé ɔlɔhɔn séé fu nyɔn . ⁴⁰ Ɔlɔhɔn yi ikan kan yé si yan fu awa i di ni ka man fu ara pa.