¹ Ma fɔ ati pin ni ajugu ni ɔman, iya tɔ kosinɔn bi otijɛ ni oni kan gudugudu sinyan. ² Amaan, nko fu ewo balɛ, wu fu ɛnin a pin ikan nyan titifuto ɔjɔ ye bɔba ɛ da ɛ. ³ Awa paapaa ngba ye awa ajɛ ngbakan ɔman nyan, awa ngbakani awa labɛ i kan ya layeya. ⁴ Amaan ye asokoeo, ɔlɔhun nin ɔman wa an bi lara ɔbohin labɛ ofi. ⁵ Ose bɛ ndi kóra pada ɛnin yé nyan wa labɛ ofi ya, kidi fu awa kafu ma ɛnin aya ja gbani ni ɔman. ⁶ Ɔman ni ɛjɛ, ɔlɔhun nin ɛmi ɔman ɛ waninɔn ɔka yɛya. Ɛmi ye akusi ni "Abba bɔba". ⁷ Bi owabɛ, ɛkésé ɛru amaan ɔman wu bi ɛjɛ ɔman. Ɛjɛ ajogu gban ta ɔlɔhun. ⁸ Ngba kan jɔ ɛkɛ ma ɔlɔhun. Ɛsɛn ɔsa nyan ye konɛn ituman ɛ. ⁹ Aman, ɛsɛn ɔjɛn an ɔlɔhun, nbi ɔlɔhun ni ɔman yɛ. Basi ɛ ke gbɔ titɔn ipa bi kosi asɛ wu iwulo, n'jɛ ɛwo kɛjɛ aru so-osɛn ɛn. ¹⁰ Ɛ nyan ɔjɔ ya, bɛni osuya, asokoya ɔdɔnya lɔtɔ-lɔtɔ. ¹¹ Ojo ase mi ni n'ma sisɛ gbada fu ɛ. ¹² Ɛnɛn mi nyan ɔkɔɛn wu ɔbuɛn inigbagbɔ ma bebi ndiɛ ni ɛse bi ma seɛ ndini modibi ɛyɛ ɛ. Ɛyɛ kose ise ku kan. ¹³ Aman ɛma ni lakunsɛn yé mokédé ironyin ire fu yɛ ɔjɔ lasoko yé ara mi kɔda daada ɛni. ¹⁴ Gɛgɛ bɛɛ ni ara mi jɛ idanwo fu yɛ ɛ, ɛkɛ yé ni mi lojukan kɛ nya misisi lɔtɔ. Kakabɛ ɛgba mi fu afɔ ɔlɔhun wu paapaa Kristi Jesu ¹⁵ Ayɔ yɛ jɔ fa? Ɛn nde de ni, mo jɛri, bi ɛ tiko nyan oju yɛ ni fu ya, ɛ masee. ¹⁶ Isɛn, njɛ mo di ɔta yɛ igba ye mafɔ otitɔ fu yɛ ɛ ? ¹⁷ Onian nyan aya fu ara taman yɛ aman kode n'nɔn ya. Aya wo ka ya yɛ lara mi ndi ni kɛ dɔn fu ya. ¹⁸ Yɛ siɛn nike de ikan ye jɛ éré n'nɔn iré, asokokasoko, kose ni bi mo wu yɛ gɛ. ¹⁹ Ɔman keke nya, man jiya igboka sɛ fu yɛ bɛni ma mu ɛ sinɔn aye wu bɛni iko gba asoko fu de igba ye Kristi n'kɔ wa inɔn yɛ. ²⁰ O wu mi nwa wu yɛ igba ki gba ni wa fu fafɔ fu yɛ nɔn na ɔmɔnɛn okowa bɛni aya se wu yɛ. ²¹ Ɛ fɔ fu mi, ɛyɛ yé ɛ woni kɛ tɔ ofi ya ɛ njɛ ɛ gbɔ nkan yé ofi afɔ ɛ ? ²² Nkan aya fɔ ye: "ɛ nɛn ye aya peni Abraham bii ɔman meeji: akan ɔman aŋar ye jɛ aru ekeji ɔman sara ye kase aru ɛ. ²³ Ɔman aru aya bi wuu awu ɔkɔɛn wu ɔbɔ ɛn amaan ɔman ye kose aru aya bi ndi iléri ɔlɔhun. ²⁴ Ɛtan yɛ n'kotiko pa nɔn omɔn soosɛn, ɔbɔɛn meji wa bɛni majɛmu meji. Majɛ mu akusɛn ti loke ye aya ni sinaï, amu nye sisi n'nɔn ɔman aru ya ni. wu ni apeni agar. ²⁵ N'kan ye aya peni agar, wuu ni okée sinaï ilɛ Arabie wuu ade ilu Jerusalɛm isɛn bɛni ɔman aru. ²⁶ Amaan, ilu ye aya péni Jerusalem ɔwa fɛ ɛ yɛ ni ɔjɛ yé wa. ²⁷ Aya kɔn ni: "sayɔ obuɛn okobo, wɔ ye konɛn ɔman! Kusi ayɔ, wɔ ye kɔjɛ aru wu ɔmanɛ nya aman wɔ yé ni konɛn ɔman ɛ ya nɛnɔman kipɔ ɔbɔɛn ye nen ɔkɔ ɛ. ²⁸ Isɛn ɛyɛ ɛnɛn minyan bɛni ɛnɛn aya apeni Isaac, ɛjɛ ɔman iléri ya. ²⁹ Asokoyɛ, ɛnɛn ye aya bi fu ara, ataku ɛnɛn yé aya bi lɛpa ɛmi n'jɛ ɔwabɛ onio. ³⁰ Kee iwe mi man fɔ? leé obuɛn aru wu ɔman ɛ, ndi ye ɔman aru konɛn ogu ki pɛn wu ɛnɛn ye kose aruɛ. ³¹ Ɛnɛn minya, akosé ɔman ɔbuɛn aru, amaan kakabɛ ɔman ɔbuɛn yé wa fɛɛ ɛ.