¹ Fu ánfani wá ni kristi láwá kájá ndí bè, e duro dédé ni kɛma jɔ ankasɔye di ahu. ² Emi Pɔlu mán fɔ fuyɛ ni bi ɛ kɔ́n lolo kɔ́la, ɛ kenin anfani nuɔn Kristi lɔ́nan kɔ́nan. ³ Mán Jeri fu yè sin o sin ni gudugudu ɛnin yé yá an ka kɔ́n lolo ɛ ŋwo ni anka se ofi gudugudu. ⁴ Ɛ gbinyaju nnɔn Kristi, ɛyɛ ye ɛnin otiɔ kipe lɛpa ofi ɛ kɛwa laye o lɛpa oreofɛ. ⁵ Lɛpa ɛmi ye wá ita igbagbɔ ɛ, awa a dé igbɛkale otitɔ kipe. ⁶ Nnɔn Kristi Jesu kidabɛ kima dabɛ ko se nkan kan. Aman igbagbɔ ye asé lɛpa ifɛ sè pataki. ⁷ Ɛ sare dada, ési fɔ fu yɛ ni kɛma gbonan fu otitɔ́ o? ⁸ Idaju ki se bɛ koti idi ɛnin ye pe yɛ. ⁹ Ɔsɛ odé ni a fu ikan wu. ¹⁰ Mogbɔ́nkanle yɛ senan oluwa ni ɛ kesisɛ lodi ɛnin yé a daru yɛ nkɔ jɛjɔɛ. ¹¹ Ɛninwa ya, bi man wasun ki dabɛ, kese gbo ɛ doju kɔ́ni mi? Lasoko yɛ a nyan okouta idena agbelelu ndé. ¹² Ó wumi ni ɛnin yé ya gbin yɛ lɔ lɔnan isekun, aya papa akanyan ara ya lara yè. ¹³ Ɛninwa ya ɔlɔhun pe yɛ fu ki wa fɛɛ a má kéma gbinfɛɛ ara yɛ yè fu se awu ara. Ɔwani kɛran ara yɛ lɔwɔ lɛpa ifɛ. ¹⁴ Ɔfi gudugudu pepa inan ye: "wá fian ɛnin kejiɛ lɛni araɛ. ¹⁵ Aman bi ɛba ara yɛ ja ni ebu ara yɛ jɛ, ɛ sɔ ara yɛ ni kɛma bajɛ ara yɛ. ¹⁶ Man fɔ ni ɛrin inɔ́n ɛni ni kɛmase awu ara. ¹⁷ Ndi ni awu ara nya aya lodi fu ɛmi, ni awu ɛmi ya gbo alodi fu ara. Ɛkenin ka ri ekeji loju, ndi kemase awu ara yɛ. ¹⁸ Aman bi ɛmi ni amu yɛ lɔ, ɛkɛwa labɛ ofi. ¹⁹ Isin, isɛ ara ya ni ki ri lo ko duku. ²⁰ Aya ni iwa erin, iwa alowa isekise, ɛbɔ kise oso, ijá, oju kukun, kiyɛpá, owu isin isekun iwa kiwa. ²¹ Awu ki nyɔti, ajɛ du wu nikan ye jɔ́n ara ya ɛ. Mán kilɔ fu yɛ bɛni moti kibɔ fu yɛ lɔ jɔ ɛ, ɛnin ye ya anse nikan yɛ ya an an kajogu ijɔbo ɔlɔhun layé layé. ²² Aman eso ɛmi jɛ ifɛ, ayɔ ɔkan ibalɛ alafia suru, alafia ara isɛ ire, isotitɔ, igbagbo, ²³ Iwa pɛlɛ wu ki gbani ara nin kosi ofi kan gbo o lodi fu nkan bɛ ya ɛ. ²⁴ Ɛnin yé ya jɛ ti Kristi Jɛsu ya ɛ an ti kan ara ya mán agbelebi wu isekise wu awu kawu ara. ²⁵ Bi agbin aye wa lepa ɛmi ɔwa ni ka wa rin lepa ti ɛmi gbo. ²⁶ Ka ma di asán, ka ma da ija léméjí ara wá, ni ká má sé ká binɔ́n ara wà.