¹ ɔma Galati aséé nya! Esi san ɛ lorogu? ( Esi panɛjin ɔra oso) o sin jɛ ni aà ti fu Jésu-Kristi dié ƒu yɛ nkima daadaà. ² Ma wo mma nkan yé (mà wo gbɔ, mà wo ké salaye ƒu mi): N jɛ gba ità ɔfi ki fu se isɛ ni ɛ gba ɛmi. Nibi npasɛ afɔ yé ɛgbɔ ni? ³ ɔpɔlɔ̌ nyɛ ku to bɛɛ? Yé é pdé wu ɛmi, é wo ni kɛ tan wu ara? ⁴ ŋya yé ɛjɛ wa lɔɛ jɛ gbadà? Bi ɔtɛ jɛni gbada. ⁵ Ngba ɔlɔhun aà fu yɛ lɛmi ɛ gbo aà se iyanu nya leméji yɛ̌, se ndi ye ɛtɔ ofiɛ ni, nibi ndi ye ɛɛ gba gbo ɛgbo ironyi iré ni? ⁶ Bi an ƒɔ ti lara Abrahamu; " O gbagbɔ ni ɔlɔhun kan ƒu ni atɛpa ofi." ⁷ ɔwa ni kɛ gbɔ iréé ni, ɛniu yé ya gbe ayé nya nana gbagbɔ nyan ni an jɛ ɔma iran Abrahamu lɔtitɔ. ⁸ Iwé kima ti fɔ sisi nlè ni ɔlɔhun nkɔwa sɔ ɛnin ko se juu nya di atɛpa ofi loju ara ɛ ndi igbagbɔ nya. Ndi bɛ ni oti ƒɔ Aaju ƒu Abrahamu l'afɔ kidɔn ni: ɔlɔhun nka se kusɛ̌ɛ ( bukɔn) ɔma ilɛ ilu nyan nipà ɛ. ⁹ Abrahamu gbagbɔ ni ori kusɛ̌ ɔlɔhun, bɛɛ ni ɛnin yé nya gbagbɔ nɛ kusɛ bɛ ni o ri ƒuu ɛ. ¹⁰ Ndi ni ɛnin ye nyan fu ofi sisɛ se. Wà labɛ epè. Ndi ni aà ti kan sisi ni; epé ni fu ɛnin kɛnin ye ka tɔ ofi gudugudu ɛ gbo ka fu sisiɛ̌ sè. ¹¹ Onikan kɔma di atɛpa,ofi nwaju ɔlɔhun lɛpa ofi, Osin wa ki ma ndi ni aà ti kɔn ni: Atɛpa ofi ti igbagbɔ ni nko yé. ¹² Osin jɛ ofi kɔnɛ nkan kan wu igbagbɔ. Kakabɛ bɛɛni aà ti kɔn sin O ni: "ɛnin aà fu asɛ ofi sisɛ se nko yé". ¹³ Kristi di ɛnin epè ni ko fu ra wa padà lɔwɔ epé. Ndi ni aà kɔn ni. "Ehéu fu ɛnin ye aà kà ƒu tama egi agbelebu". ¹⁴ Ndi kusɛ Abrahamu kɔ sɛ fu géféi n Jésu-Kristi, ni ka gba ɛmi ye au Leri ɛ nnɔn igbagbɔ. ¹⁵ ɛnin mi nya ( ma fɔ bɛɛnin aà ba onian gbada ba bɛni onian ro ɛ), Adéhu ye akɔnsi lɛ ɛ, onikan gǒ katiko nɔ̌n (yaà) nibi kofu nkan kɔn, bɛɛni onika katikó yɛ̌ iléri ɔlɔhun nya nibi kofu nkan kan kɔn. ¹⁶ Kayi isin ni iléri nya ni aà sɛ̌ fu Abrahamu wu iran, aà ko fɔ ni ƒu " iran nyan" bɛnɛ fɔ ƒu kipɔ, gédé, iran kan so gón ni gbo ɔjɛ Kristi ɛ. ¹⁷ Ma ƒu yé yɛ lpaà ofi ye wa wa odɔn Aɛo (ɔgɔrùn mɛrinolé ɔgbao) l anyiɛ ɛ. ¹⁸ Ndi bi ose ni ogùn ti wa ndü ofi ni, kio ma jɛ ileri ni ɔlɔhun se ooré ofɛ fu Abrahamu. ¹⁹ Yésini ti ofi kó? Aà wa ƒuu kɔn iléri ndi kaà ma ɛsɛ nù fu di igba iran ye aà se iléri fu nkɔwa ɛ; Angɛli nya ni aà jɛ alàrinna ɛ. ²⁰ Ama, alàrinna ni gbada bi ɔjɛma Onikanso ni, ntori ɔlɔhun wulika ni nyé. ²¹ Njɛ, idi ɛ jɛ ni o fi kodi ƒu iléri ɔlɔhun nya? Kosébɛ Bi ose,i aà ƒu ofi ni nko tiko yé nɛ lɔtitɔ, amajɛ ni ni Onian ma tiko di atɛpa ofi loju ɔlɔhun nɔna oƒi. ²² Ama, we kimà aà ƒɔ ƒu ni Ayé gudugudu ni ɔwà lasɛ̌ agbarà ɛsɛ ndi ni ɛ̌bu iléri ɔlɔhun kɔ tɛ̌wɔ ɛ̌nin gbagbɔ nya n Jésu-Kristi. ²³ Titàn asoko igbagbɔ kodé, oti mu wa sisi lɛ̌wanɔ ƒu dé igbaà igbagbɔ nkɔ nya ɛ dé. ²⁴ ɔjɛ ngaà ni ofi aà sɔ wa ƒu digba kiwa kristi ndi ni aà sɔwà di atɛ̌pa ofi lɛpa loju ɔlɔhun nnɔn igbagbɔ. ²⁵ ŋsin ye asoko igbagbɔ wà ɛ, a nilo alarin nao. ²⁶ Ndi ni gudugudu yɛ ɛjɛ ɔma ɔlɔhun lɛpa igbagbɔ. ²⁷ Gudugudu yɛ ye aà wɛmi fu n Kristi ɛ gbiu Kristi wɔ ni. ²⁸ Kɔnɛ̌ ni Onika ǰuu, Onika ni Grɛki nibi ye ni arù , nibi ɔtɔlà, Kosi Okɔin, nibi ɔbɔin, ƒu kéé: Gudugudu yɛ, ɛwa n Jésu-Kristi. ²⁹ Nibi ɛ wa n Kristi, ɛ yɛ ni iran Abrahamu, ajogù iléri ti ɔlɔhun.