¹ Nan nyi ɔdon mia wu minhin, man wa sinlɔ ilu yé ayan péri ɛnɛn yé ayan péni Jerusalɛm wu Barnabasi, ma gbɛɛ́n ɛnɛnyé ayan péri gbo fu tɔmi lanyi. ² Mo gulɔ́loké n'di afɔ yé ɔlɔ́hun nyan fu dia yé fu miɛn ni. Man salayé afɔ iranyi iré fu ɔman géféi nya, aman mowa man fafɔ nkikɔ fu ɛnɛn yé nya jɛ patáki nya. Mawo ni kɔdami loju ni kisayé mi tijɔ́ wu tisɛ́ɛn koma jɛ gbada. ³ Titi paápaá yé alajɛrɛn miɛ kofu tulasi kɔ́ ilà. ⁴ Paápaá ye nyan sebɛni ɛnɛnwa gbo anwa bi ayan kosi ni nkayi yé fɛɛ yé ayanɛn n'nɔ́n Kristi Jesu. ayanwo ni ayan ayan ka ni ánka sɔwa fu di arú ofi. ⁵ Akofuya nya layé kanso iféfé, ndi otitɔ ironyi iré kɔman nyi ipada fu yɛ. ⁶ Aman ɛnɛnyé nyan fɔ́ ni ayan ni asaju nyan ayan kɔgbɛn nkankan wa fu mi. Nkan ye ayanjɛ kɔjɛ walɔɛ kɔjɛ nkankan fumi. ⁷ Ayan na ni mɔwa ni n'wa fɔ́ ironyi-iré fu ɛnɛnyé nyan ayankɔ́ daá abɛ fu nyan ɛ, bɛni ɛnɛn yé ayan péeni Piɛr fɔ̀ jɔ̀ ironyi iré fu ɛnɛn yé nyan ayandabɛ fu nyan ɛ. ⁸ Ndi bɛɛ olɔhun ye ba Piɛr setɛ́ɛ wu ni asisɛ lara temi gbo fu géféí ya. ⁹ Yé ayanwa kivi man aré ɔfɛ ɔlɔ́hun ye wa lara miɛ, ɛnɛn ye ayan peeni Piɛr wu Jan gbo ayanjɛ ɛnɛn akunsin nyan ɛ, anyan bo Banabasi wu mi lɔwɔ iré, kusamɛin ayangba wa fu kɔ́n ndi katiko lɔ nidi geféi nyan wu ɛnɛn ye nyan ayandabɛ nyan ɛ. ¹⁰ Ayantɔsi wa gboni kama gbagbɛ oliya nya, nkan yé ti wa fumi lɔkan ni mansé ɛ̀ni. ¹¹ Ngba ye ɛnɛn yé ayan Péeni wa ilu yé ayan peéni Antiɔsiɛ, nka jɛ fu afɔ́ nyan ndiyɛ bɛɛ́ bɔkan ndi ye ye ɔjɛ ni ɛjɔɛ kɔtɔɛ. ¹² Titán onian melokan ye Jaki nɛ ankade wa ɛ̀, Piɛr ajijɛ ndi kanso wu geféinyan aman ɛnin yɛ ya dewaɛ ofu jɔ kijɛ ni osoto ndé geféi ya fu jɔ nidi ye asojo fu ɛnɛn ye ya anyandabɛ fu nyan ɛ̀. ¹³ Anaán Jufu ye bɔya gbo ayan sijiki dé wa bama Sefasi, ndi Banabasi gbo kɔ tiko wɔ lijiki ya. ¹⁴ Aman ye mɔwa yi mani kɔta ɛpa ironyi iré o ɛ̀, mɔ fufu Sefasi loju ya gudugudu ni: "bi wɔ yé ɔjɛ Jufuɛ, wa gbé bɛɛ́ ni geféi ya ɛ̀ ni kosi jɛ ni wa sebɛɛ ni ayan ɛ, basi wa tiko larɛn gef"i ya lara ni ayan ka gbé bɛɛ Jufu n'yanɛ?" ¹⁵ Awa yé ajɛ Jufu ya lati ibilɛ ɛ̀ gbo akosé geféi ɛlɛ́ sɛ ya ɛ̀, ¹⁶ Amani ankɔda onikan lɛpa ɛjɔ ofi aman lɛpa igbagbɔ́ Jesu Kristi. Awa n'nɔ́n igbagbɔ Kristi Jesu, n'di ayanka dɛjɔ fu wa lɛpa igbagbɔ ɛn nɔn Kristi ni kɔmajɛ ni n'nɔn ofi; kosi onikan yé ayanka sɔ fu di kipé lɛpa isɛ́ ofi. ¹⁷ Ama bi awo ɔlɔ́hun ni kɔdɛjɔ fuwa n'nɔn Jesu, ayanka sɛnsɛm wa jɛ ɛlɛsɛ nyan Kristi di ajisɛ ɛlɛsɛ? Kɔjɛ bɛ iféfé! ¹⁸ Bi oseni motesé ɛn ɔwɔ nkan ofi ya ɛn padà, n'kan yé emi Paápaá mɔ nyan kata jɔɛ, modié ni mɔjɛ asinán ofi. ¹⁹ Lɛpa ofi moku lofi n'di tiko wa fu ɔlɔ́hun. ²⁰ Ayanti kami ma angbelebu wu Kristi kosé emí ni nɔwa, aman Kristi ni ɔwa n'nɔn mi, ni ayé ye man balɔ n'nɔn ara, mɔwa lɛpa ofi ɔman ɔlɔ́hun, gbo ofian mi ni ɔgbin araɛ fumi. ²¹ Oré ɔfɛ ɔlɔ́hun kodi mamàn foumi n'di bi adodo wa jɔ lɛba ofi n'di bɛ́ɛ Kristi ti ku lapo.