¹ Ma se ba agbalagba ja. kakabɛ mu araɛ lé gɛgɛ bɛɛni ba ɛ. ² Mu ara ɔmɔsɔ nya lé gɛgɛ bɛɛni ɛnɛn wa yan. Mu ara ɔboɛn agbalagba yan lé gɛgɛ bɛɛninyan, ɔmɔsɔ yan bɛɛ egidan yan nki man. ³ Bu ipofu opo yan, opo paapaayan. ⁴ Ama bi opo kan nɛn ɔman yan nibi ɔma kékéré yan, ayan bɛsi ki kɔn bɛni a bɔla fu obiyan ayan ka sé fu obi yan bɛninko dɔn fu ɔlɔhun. ⁵ Opo paapaa wa wulikan-ni amu igbɔ kanlé ɛ si n'ta ɔlɔhun ni a lɛ siwaju: lɔsan wu lorun n'nɔn adura yan. ⁶ Kakabɛ, ɔboɛn a jɛ gba dɔn ti ku bi ɔtɛjɛni ɔwa loju fo. ⁷ Fɔ nkan yɛ yan fu yan. Ndi ayan kamari iséku kan lara yan. ⁸ Bi onikan ko tɔju ara ɛ paapaa wu pataki idilé ɛ paapaa, a sɛɛn igbagbɔ wu ɛnɛn bɛ pée alaïnɛotitɔ. ⁹ Ɔboɛn ye a mu sisi lɛgbɛn opoɛ, ko ma nɛn pée ɔdɔn ɔgɔta wu ɔjɛ aya ɔkɔ kanso. ¹⁰ Ɔwa ni kari man ni isɛ ɔwɔ yan sian. ko jɛni isɛ yan wu kiitɔju ɔman yan, ɛnɛn yé aagba aléjo, ka wɛ ɛsɛ fu oligbagbɔ yan, aroti ɛn ɛnɛn yan ɔkan yan bajɛ ɛ, ko dié isɛ iré yan. ¹¹ Kɔ opo legidan yan, ndi ni ngba ifɛ ayé nkomu yaa, aà ka wo ni aà ka nɔkɔ. ¹² Nkɔ di ni aà bajɛ ipinu akusin. ¹³ Bi ɔtɛ jɛ ni ayan rɛn ilé onian kiini, kose bɛɛ gée, ayan a sia kini wu ayan wɔ lé onian, ni afɔ yé ayan ko biyan ayan fɔ. ¹⁴ Ma wo ni égédan yan kɔnɔkɔ ni ayan kɔnɛ ɔman yan, ni ayan ka moju to ilé yan ni ayan ko mafu ɔta layé kofi dawa lɛbi n'nɔn nkan éséku. ¹⁵ Ndi kée ɛnɛn bubɔ yan ti saà tɔ ésu layi. ¹⁶ Bi gudugudu ɔboɛn oligbagbɔ, gbagbɔ lara opo yan, ni ayan ko ran yan lɔwɔ ndi ni ijɔn ko ma réhukipɔ wu ayan ko ti ran opo yan lɔwɔ. ¹⁷ Ndi bɛ agbalagba yan sisɛ dara-dara. Ndi ni ayan kotiko gba ɔla yé yɛ. ¹⁸ Ndi ni a ka di jangbo fu lala lanu biasi sɛ lɔ a isisɛ a gba owo isɛɛ. ¹⁹ Ma gba afɔ iséku yé ayan fɔ lara isiwa ju bi kosi ɛlɛri mééji na bi mɛta. ²⁰ Ba ya ja loju gudugudu onian ya ndi ɛnɛn ye bɔ ya ko pii. ²¹ Ma pa fɛ lasɛ gidigidi liwaju ɔlɔhun liwaju Jesu-kristi, liwaju angɛli yé ayan yan lɛpa ofi yan, layési ojubɔbɔ. ²² Ma fɔ le nta ɛnɛkɛnɛn ma se to pɔ wu ɛlɛsɛ yan wa ikiman. ²³ Ma se mɔnmi kakabɛ, wa mɔn sapao odé ndi inɔnɛ wu amodi yé yɔ lɛnu. ²⁴ Ɛsɛ bubɔ yan ko fara dié wu iku mu yan lɔ n'nɔn idajɔ. ²⁵ Ama ɛsɛ ɔmɔn ayan tɔ ara bɔtɛ jɛni isɛ iré bubɔ ayan ka fara dié aman bubɔ ayan ko duku.