¹ gudugudu ɛnin ye nse ɛrù labɛ garè ka ayan vluwa ye o ni yan yɛ fu ɔlɔla gudugudu ndi ka ma f'afɔ odi si orukɔ ɔlɔhun wun ekon ɛ. ² Ayan ye tin nin oluwa onigbagbɔ, kan ma fiyan se yɛyɛ ntori ɔman yewa ya ni a se; Aman ayan ka tubɛ mɛ a sin yan, ntori ayan ti se alabapin isɛ rere yan jɛ onigbagbɔ wun olufɛ, nkan ye yani ni kaa kɔnin ka si ma fi gbanin niyanju. ³ Bi ɛninkɛnin a kɔnin l'ɛkon omurin, bi ko si gba afɔ ye ye kow, ani afɔ Jesu kristi vluwa wun ɛkon gɛgɛ bɛni iwa-bi ɔlɔhun. ⁴ O gberagon, koman n'kankan, bikose ifɛ iyan jija wun ija-afɔ n'non ye ilara, iya afɔ isèku wun iro isèku ti iwa. ⁵ Afɔ ayipo onian ɔlɔkan èrin ya ye ko si otitɔ n'non ya gbo asebi ona si ere ni iwa-bi-ɔlɔhun yɛra n'di iru ɛnin bɛ yan. ⁶ Aman iwa-bi-ɔlɔhun wun itɛlɔrun ere bakun ni. ⁷ Ntori a mu nkankan wa laye bɛni a ko le mu nkankan wa laye bɛni a ko le mu nkankan tu u lɔ. ⁸ Bi a ni yɛ wun (asɔ asiko ko tɛ wa lɔrun) ⁹ Aman ɛnin ye a wo ko di olwo abɔ s'inon idanwo wu idɛkun wu s'ionon were ifɛkifɛ kipo. Ti npani lara, iru ye a mu ri onian s'inon iparun wu ègbé. ¹⁰ Ntori ifɛ owo nigbongbo nkan isséku gudugudu ye ayan omurin a lepa gbo a nu yan sako nde n'non igbagbɔ a si fi ibanujɛ pupɔ gu ara jan li ɔkó. ¹¹ Aman wɔ onian ɔlɔhun sàfu nkan yɛ yan ni iwa le otitɔ iwa-bi-ɔlɔhun, égbagbɔ, ifɛ, suru, wa tutu. ¹² Mà ja ijà rere ti igbagbɔ, di ge aini ɛkun mu n'non ye a gbé pê ɛsi gbo a se ijɛwo niwaju ɛleri pupɔ. ¹³ Mo pasɛ fu ɛ nuwaju ɔlɔrun gbo asɔ nkan gudugudu di ãye wun iwajuJesu kristi ɛnin Pontiu Pilatu gbo o jɛri ijɛwɔ rere. ¹⁴ Ni iwɔ npa ofin man li ailabuku li ailɛgan, titi di ifarahan oluwa wa Jesu kristo. ¹⁵ Ye nko fihan ni igba ti ɛ. Ɛnin nse olubukun wun alagbara kansoso yɛ ɔba-ɔba yan wun oluwa-oluwa yan. ¹⁶ Ɛninkansoso ye ni aiku, ti nge n'non imanlɛ, gbo ko ka si ɛnin ɔla wun agbara titi lai ise tirɛ. Amin! ¹⁷ Kilɔ fun ɛnin ye lowo laye isinhi, ni ayan ko mase gberaga, bɛni ayan ko mase gbehɛle afɔ aidaniloju, bikose le ɔlɔhun alàye ye afi nkan gudugudu fu wa lɔpɔlɔpɔ lati lɔ; ¹⁸ Ni ayan ka sôre, ni ayan ka pɔni isɛ rere, ni ayan kaa mura lati jin funin, ni ayan kaa nin ɛmi ibakɛdon. ¹⁹ Ni ayan kaa to isura ipilɛ rere jɔ ara jan dè igba ye awa ɛ, ni ayon kaa iye otitɔ mu. ²⁰ Timoti fɔ nkan ye a fi se itɔju ɛ, ya dide n'nom afɔ gbada wun ijiyan nkan ye a nfi ɛwà pè ni iman. ²¹ Ye ɛnin murin yan jɛwɔ ɛ ni aya sina igbagbɔ ni ore-ɔfɛ ko wun rɛ. Amin!