¹ Aman, ɛ̃mi afɔ taàn lɔjɔ ikanyi ye ya ni, ɛnɛ̌ mɔ̌ɛn ya an ka Fu igbagbɔ jɔ, ni anka mù ara ya tamàn ɛ̌mi atɔnɛ jɛyan wu ɛkɔn ɛmi isekun yan. ² Gbanta ijiki ɛwa-ɛwa yan gbo ésun ti da amè sisi lɔkan ya ɛ. ³ ànkà paà làsɛ nǐ kɛ ma mɔwɔ̌ wu kɛ mà jɛ ijɛ yé ɔlɔ̌hun dàɛ ni kɔjɛ oré ɔfɛ leéméji oligbagbɔ̌ yé yan antiko nɛ̌ imaran otitɔ ɛ. ⁴ N'di yé ɔjɛ ni nkan guduguduyé ɔlɔ̌hun dàa ɛ osian, wu n'kan yé akà gbin wu oré ɔfɛ kosé ki katà. ⁵ N'di yé anti ya si ɛ mimɔn wu afɔ ɔlɔ̌hun wu adura. ⁶ Bi ɔkɔ̌n n'kan yɛ yan fu ɔman ye yan waà jɛ ajɛ ajisɛ ɔlɔ̌hun dàa-daà ni ogbó n'nɔ̌n afɔ igbagbɔ wu ɛkɔn yé ɔkɔ̌n ya ɛ. ⁷ Aman, kɔ ɛkɔ̌n gbadàa itan inan yan, kakabɛ peéki n'kimàn. ⁸ N'di yé, isɛ̌ ara kɔjɛ pataàki fu n'kan odé, aman n'kan kiman wa patàaki fu n'kan gudugudu, ni ɔwa fu oni wu ayé yé awaya ɛ. ⁹ Afɔ yé sé patàaki ni asian ni kɔwa bɛ. ¹⁰ N'nɔn yɛ ni a jagudu wu asisɛ kilé n'di yé agbin ayé wa sisi n'nɔn ɔlɔ̌hun alayé gbo ɔjɛ àgba onian gudugudu là, pààtaki oligbagbɔ̌ ya. ¹¹ Kédéé n'kan ye yan ni ikɔn yan inɔ̌n. ¹² Onikan kɔ̌man fu oju diɛ, aman jɛ ayi kɔgbɔn fu ɛnɛ yé àngbagbɔ yan ɛ n'nɔn iwa, afɔ, ifɛ, igbagbɔ wu miman. ¹³ Titiǐ n'sɛ̌nwa ɛ̌ é^péeki inɔ̌n kikàn ki mu ara lé wu lɛkɔn. ¹⁴ Masé fu ɛbù yé wa inɔn ɛɛ fu sayéman. ɛbu yé jɛ afɔ̌sɛ tɛlɛ n'gba yé ɔgàn yan angbadura sisǐ lewoɛ. ¹⁵ Wa inɔ̌n nkan yɛ yan nǐ ǐmóju tó yan n'di ilɔsu wayu ɛ kosé kiman fù gudugudu. ¹⁶ Mojù tó ara ɛ wu ɛkɔnɛ, sɔ ara ɛ n'nɔn nkan yɛ ya, n'di bi wa sé bɛ , wa gbara ɛ là wu ɛnɛn yé àgba afɔ ɛ a gbɔ ɛ.