¹ Ndi bɛ n'jami nyan (onian minya) awa fu nyi ni iman oluwa Jesu, bɛ ni ɛnyi ti gbɔ ni pawa, ni pa bɛ kɛ ri, dada kɛ si se la stan. ² Ndi bɛ ɛman iru ɛkɔ ye awa fu yin ni pasɛ oluwawa Jesu. ³ Tori ye ni ifɛ olɔrun: Ndiiya si mimɔ ni ke diro fu agbéré. ⁴ Ndi bɛ olikaluku ko mɔ lati tɔju ara ɛ fu iwa mimɔ wu iyi. ⁵ Kɛ ma se if kufɛ bɛ ni keferinyan ko ma ɔlɔrun. ⁶ Ɛni kɛni ko ma se iseku abi ika fu ɛni kéji rɛ ni nu isɛyɛ. N'tori oluwa gba ɛsan n'non gudugudu n'non nkan yɛ nyan, bɛni ati kilo fu yin. ⁷ Oluwa ko pe wa fu iwa iseku, aman o pe wa fu iwa mimọ. ⁸ Ndi bɛ ɛni yé kɔ, ko kɔ onian, bi ko se ɔlɔrun ɛni yé funyin ni ɛmi mɔ ɛ. ⁹ Aman ni ti ifɛ inyi kɛ majɛ ɛnikan ko kowe, sinyin, ati kɔnyin lati odo lati idi ɔlɔrun wa ni ka fɛ ara wa. ¹⁰ Ndi, bɛ ɛnyi ti se fu gudugudu yan ye wa ni makedonia, aman awa bɛ nyin ki ɛnyin kɛ pɔ ni iwajin. ¹¹ Awa kọyin ni kɛ gbe jɛ, ke si kee ki pɔ, ke fi owo nyin sisɛ gɛgɛbi, ati pasɛ funyin. ¹² Ɛse, bɛ ni kɛ rin lotitɔ ati ibɛ run (otitọ fu ɛni ye wa lodé ati ɛni ye wa lanyi ni igbagbọ, kɛ bebi nkankan. ¹³ Awa kojɛ ni kɛjɛ ɛni asan (ogboro) bi ɛni yé asakun, kɛ ma banujɛ bɛni ɛni ɛnɛ ye bɔran gbo ni ierti. ¹⁴ Bi awa a gbagbɔ ni Jesu ti kù osi jinde gɛgɛ bɛni olorun nko mu ɛnɛn yé su ni nu Jesu pelu ɛ. ¹⁵ Ndi yé ni awa fɔ funyin, ni pa afɔ ɔlɔrun, ni awa ye awa layé gbo asi bɔ lɛyin lati wa oluwa bi o wuwa saju ɛnɛn yé sun. ¹⁶ Ntori oluwa papa n'bɔ ko sokalɛ lati ohun wa. Awa pɛlu okoji, ohun angɛli pelu ipe ɔlɔrun okù nyan n'non Kristi kojidide lakɔkɔ. ¹⁷ Ndi bɛ awa yé awa layé an kan kowa papɔ (ayan kajɛ gbawa) lapapɔ n'non irü lati pade oluwa l'ojù ɔron, nbe ni akawa titi lɔwu oluwa. ¹⁸ Ndi bɛ, ɛfɔ afɔ yényan nko tu aranyin ni n'non