¹ Aman nti akoko owun igba yɛ yan, ɛnin, ɛyɛ ko wo ni ka kɔ nkankan fu yɛ, ² ndi ɛyɛ pàpa man dajudaju ni ɔjɔ oluwa awa bɛni olè l'oru. ³ Ngba ye an fɔni alafia owun kɔsiwu; ngba yɛ ni iparun ojiji nko de l'ewo yan bɛni irobi lewo obinrin ye ni efun; an ka tiko sa asalà. ⁴ Aman ɛyɛ, ɛnin, ko si n'non okunkun, gbo ojɔ ko de ba yɛ bi olè. ⁵ Ntori gudugudu yɛ ni ɔman imanlɛ, owun, ɔman ɔsan awa ko se ti oru, abi ti okunkun. ⁶ Ndibɛ ɛ mase jɛ ka sùn, bi ɛnin ye bɔ yan ɛ gbo ase; aman ɛ jɛ ka sɔna ka si wa lairekɔja. ⁷ Ntori ɛnin ye a sun ya ɛ aya asun l'oru owun ɛnin ye amontipara yan ɛ, an montipara l'oru ⁸ Aman ɛ jɛ kawa bi a ti jɛti ɔsam ɛ, kawawa liairekokja ka gbin igbaiya igbagbɔ ifɛ wɔ owun ireti igbala fun asibori. ⁹ Ntori ɔlɔhun nyan wa kose fu ibinon, Aman fu owun si igbala npasɛ Jesu kristi oluwa wa. ¹⁰ Ɛnin ye kù fu wa ni bi a ji abi bi a sùn, ka le jɛ wa laye owun ɛ. ¹¹ Ndibɛ ɛ gba ara yɛ njanju ni kɛ fi ɛsɛ ara yɛ mulɛ, gɛgɛbi ɛ ti nse. ¹² Aman awa a bɛ yɛ, ɛnin, lati man ɛnin ye lala lemeji yɛ yan in gbo ayan se elewo yɛ n'non oluwa gbo aa kilɔ fu yɛ. ¹³ Ɛ bu ɔla fu yan gidigidi n'non ifɛ ntori isɛ ɛ wa li alafia lemeji ara yɛ. ¹⁴ Aman awa mbɛ, ɛnin, ɛ kilɔ fu ɛnin ye kagbɔran kɛ tù ɛnin ye ko ni ɔkan yan n'non, ki ɛ ran ɛnin ye ko lera lowo ke si mu sùru fu gudugudu onian. ¹⁵ Ɛ se akiyesi ndi ɛninkɛnin ko ma fi iseku san fu iseku fu ɛnikɛni aman ɛ wo ye a se rere ngbakigba, bemeji ara yɛ, owun bemeji gudugudu onian. ¹⁶ Ɛ yɔ ngbakigba. ¹⁷ Ɛ gbadura laisimi. ¹⁸ Ɛ dupɛ n'non nkan gudugudu ye ni ifɛ ɔlɔhun n'non kristi Jesu fu yɛ. ¹⁹ Ɛ ma ma pa inan ifɛ. ²⁰ Ɛ mase f'oju di afɔ asɔtɛlɛ. ²¹ Ɛ se iwadi nkan gudugudu daju ni ke mu ye sian in mu kunkun. ²² Ki ɛ diro lekere fu nkan gudugudu ye jɔ iseku ɛ. ²³ Ni ɔlɔhun alafia fu ara ɛ pàpà ni ko sɔ yɛ di miman patapata, ni ayan ka pa ɛni owun ɔkan owun ara yɛ man patapata li ailabuku igba wiwa oluwa wa Jesu kristi. ²⁴ Olɔtitɔ ni ɛnin ye pè gbo nko see. ²⁵ Ara, ɛ gbadura fu wa. ²⁶ Ɛ fi ifɛnukonu miman ki gudugudu arà yan. ²⁷ Mo fi oluwa mu yɛ sepe ni ka iwe ye fu gudugudu arà yan. ²⁸ Ore ɔfɛ oluwa wa Jesu kristi ko wa wu yɛ. Amin.