¹ Nitori bɛ, la soko ye ako tiko mu ara lè o ɛ, awaà se ni osian ni kajoko fara wa nilu Atɛni. ² A nin Timɔnté, ɔma yé wa ye jɛ alabase ɔlɔhun n'non isɛ IRO nyi iré Kristi, gbo nko gbinyanju yɛ wu ara kile lɛpa igbagbo yɛ. ³ A se nkan yɛ ndi ni onikan kɔma Ri ipanju lɛpa. ESɛ wa ya. Idi yé ɛyɛPàpà ɛmani awa fu nkan yɛni. ⁴ Lótitɔ ye à wà wu yɛ̌ ɛ̌, awà à ti fɔ fu yɛ saju ni, awa a ka ri bɛni oti sɛ, gbo ɛ man ɛm man ɛn. ⁵ Nitori bɛ, ngbà yè ara mi kɔ gba ro bɛ, maa nin wa ni emi iman igbagbo yɛ fu mi. Bɔya oli Idanwo yɛ ti dàn yɛ wo lɔnan kɔnan, ni wahala wa kɔma se kɔ jà sisi l'ofo. ⁶ Isin ye Timɔnte dé wa ndi yɛ, ɛ ɔ gbim ironyi rere ti igbagbo wu iƒɛ yɛ fu wa. ɔ fɔ fu wa ɛ ni ɛ nin itɔsi ire wa igba kigba a wu yɛ ni ké ri wa bɛni a wu ɔkan ti wa gbo ɛ. ⁷ Nitorii yè ɔman yemian, Ndi arwa a nin itunɔn lewo yɛ inɔn gudugudu ironɔn wu oju pàn wa nitori igbagbo yɛ. ⁸ Ndi bɛ, isin ni awà a yé, bi e duró dédé n'nɔn oluwa. ⁹ Nitori bɛ, basi a ka se gbo kadu pe kipɔ fu ɔlɔhum fu ayɔ ye ɛ nin fu wa Liwaju ɔlɔhum wa ɛ. ¹⁰ Ǎ gbadura kilé kilé L'ɔsan wu lohun ni ka tiko ri oju yɛ ni ka tiko ri nkan ye bo n'nɔn igbagbɔ wa là se pé. ¹¹ ɔlɔhum wà pàpà bolia wa kɔjɛ ni oliuwa wa Jésu kɔ ko se amonan wà wà ndi yɛ. ¹² Oluwa kɔjɛ ni ifɛ yɛ ko bi fu kɔ̌n ni kɔ̌ pɔ kɔ n'nɔn ifɛ fu ɔman ɛnin keji yɛ wu fu gudugudu onian ya, bi awa a ti se fu yɛ. ¹³ Ni ke fu ɔkan yɛn balɛ, ni iman nin isinà liwaju ɔlɔhun wa wu boba wa, nigba ati wa Jesu wu gudugudu onian miman ɛn ya.