¹ yaa yoginu ke Sanbala den gbadi ki tinba jufinba guani ki ma u guonciangu o den bieni o pali, ki fiini limutuonli hali boncianla. ² o den sugidi jufinba ti sugidi, oninjaba leni Samaadi toatieba kani ki yedi: jufinba jandi jandi ki suani be yo ? ti baa cedi ban aa suani bii ? bi ba baa ki paadi bi ? bi nan kan fidi ki soani ki juodi wani ? li baa tie nani umu n juu yaa tana ke a tangbana dogidogini ki piina, ke bi goa gi baa faada bi ? ³ amoani buolu yua Tobija den ye li kani omo den yedi: < ban yaa maa be ba nantantobili yaa doni ban maa yaa guonli yeni tana yeni po kuli o baa lu ŋa . ⁴ n den yaadi gi yedi : ti Tienu agbadi ban fali ti maama. cedi bi sugidi n guani ki guani gi jiidi bi yula po, cedi ban fii ke bontienkaala n gedini ba ti yonbidi. ⁵ da tieni bi po sugili bi tuonbiadi po, da sundi bi biidi po, kelima bi sugidi tinba yaaba n maa gu guonciangu. ⁶ ti den guani gi maa gu guonciangu yeni tin den maa ki gbeni ikaani kuli ki ban pundi o kpedima boagidima kelima yua kuli den kuani o yama li tuonli yen nini cain. ⁷ yaa yoginu ke Sanbala Tobija, yeni Alabi buolu yaaba AMoni yeni Asidodien dogu yaaba den gbadi gi jufinba guonciangu ŋanbima tuonli cuoni bonŋanla ke li bona kuli cili ki biindi bi den bieni bi pala hali boncianla. ⁸ bi kuli den taani gi juogi ñoayenbu ban baa cua gi ba Jelusalema maama gi biidi yaala, ⁹ lani ti den mia ti Tienu gi go guuni biniba u yensiinu yeni gu ñiagu kuli ke bi yaa ti cua tin moa gi gaa ti yula. ¹⁰ li yogu gi Juda buolu den tua : yaa tuonsoanba n tugi atuga gbamanu gbeni atangbana mo dayabi ti kan fidi gi maa li guonciangu. ¹¹ ti nananda mo nan den tua : bi kan bandi pu bi kan la pu hali tin ban kua bi sinsiigini ki kpaba ki cedi bi tuonli n sedi. ¹² ama yaa jufinba n den ye yaa dogi n nagi yeni ti yibalinba yeni den cua hali taalima piiga, ki tuodi ki waani ti ke bani ti yibalinba yeni n jagi ke bi baa tieni ti yaala kuli. ¹³ lani yaa po, n den sieni biniba yaa kaani nua ki go tie kaan paalu, gu guonciangu puoli po. bi den taa ki ye li kani buolu buolu ke yua kuli kubi ojugisiega yeni okpaanli yeni odabanli. ¹⁴ n den diidi diidi ki fii yedi bi patieba yeni libali danba yeni yaa niba n sieni kuli, yin da jie mani yibalinba tiadi mani yi yonbidaano yua yabi ki pia gu jiejiegu po ki koani mani yi ninjaba po yeni yi bijaba po, yeni yi bisiaba po yeni yi puoba po yeni yi diedi kuli po. ¹⁵ yaa yoginu ke ti yibalinba den gbadi ke bi tuodi ki waani ti bi yanjagibiali UTienu den bolinli bi cila lanwani ti kuli den guani ki suani gu guonciangu kani yua kuli yeni o tuonli. ¹⁶ hali lan daali n naacenba siiga boagidima den suani ki boagidima mo kubi akpaana agbankoanda yeni a dabana ki la ti kudi liada bi yudanba mo den se Juda yaaba kuli puoli po ¹⁷ yaaba n den maa gu guonciangu yeni yaaba n den tugi atugi atuga yeni yaaba n tungi ba yua kuli den suani yeni nugi yendu ki muubi u lielu mo yeni otoatiagu ¹⁸ yua kuli den suani ki go yie ojugisiega yua n den piebi linaatuntunli mo den se li kani. ¹⁹ n den yedi bi patieba li balidanba yeni yaa niba n sieni kuli : li tuonli yabi ti go yadi yadi ki lindi o guonciangu ki foagidi yeni ti lieba. ²⁰ bi yaa piebi li naatuntunli naan po yin taani mani lan kani yin gbadi ke bi piebi naan po, ti Tienu baa koani ti po. ²¹ n yene ke ti suani li tuonli ti sinsiigin nni boagidima yua kuli den muubi o kpaanli ki cili osiŋaapanpangu ki yaa caa hali gu ñiagu. ²² lanyoginu n go den maadi yeni biniba kuli ki yediba : nili kuli n yaa dua jelusalema nni wan yeni onaacemo, tin guu o ñiagu ki yaa suani u yensiinu. ²³ tii den landi ti ti tiadi mini yeni n kpiiba n naacenba yeni yaa guudikaaba n den yegi yeni kuli nili kuli den kubi o jatiagu yeni o ñima baba