¹ Eliasibi osalayidi kaciamo den fii wani yeni o ninjaba bani bi salayidikaaba ki maa ipe buliñoabu bi den gagidibu ki den caani agana gi gagidi gi ŋanbi li guonli ki cili meya diefoagili ki ban pundi Hananeeli diefoagidili , ² Jeliko yaaba yeni Isimiri biga Sakuri den maa ki tugini Eliasibi kani, ³ Sena Bijaba den maa ijami buliñoabu ki yoagini ki pini ki caani gi luoni agana , ki tieni yaa daadi n poandi mi luonma po, ⁴ URi Bijaba Hokotisi wani Merometi yaabili den soani ki ŋanbi gi maa gi tugini bi kani Belikia Bijaba Mesalami omo den tie Mesabeeli yaabili yeni Baana bijaba Sadoki bi mo den maa ki tugini bi yaa kani ⁵ Tekoa dogu yaaba den ŋuani bani gi maa ama bi dogu yudanba den yie ke li tuonli yudanba kan ŋmagidi ba ban soani . ⁶ Pasa Bijua yeni Besodia Biga Mesulami den goa ki maa ki ŋanbi bu buliñoakpelibu gi pini gi caani agana gi tieni li bon luonkaala yeni yaa daadi n poandi mi luonma po, ⁷ bi yaa puoli Gabaon yua Melatie Melonoti yua Yadon yeni Jatianba yaaba n ñani Gabaon yeni Misipa yaaba n ñani Gufeneeli n kaa naan po ukpen duoli po. ⁸ bi yaa puoli OMaano Usieli Hadaja Biga den maa gi tugini bi kani Hanania yua n ŋanbidi Tulale den maa ki ban pundi liguonli n piagi naankani bi tuonli den gbeni lankani Jelusalema. ⁹ Refaya Uri bijua Jelusalema boagidima yudaano den maa gi tugini bi yaa ka ¹⁰ bi yaa puoli Halumafi Bijua Yedaya den maa gi tugini bi yaa kani gi tuoli yeni o diegu Hasabini Bijua Hatusi mo den maa gi tugini o yaa kani ¹¹ Harima Bijua Malikia yeni Pohati Moaba Bijua Hasubi den maa liguonjenli yeni mubuamu diefoagidili, ¹² Jelusalema boagidima yudaano Salumi Halosesi Bijua den maa gi tugini bi kani wan yeni o bisiaba . ¹³ Hanuni yeni Samoa dogu yaaba den maa yaa buliñoabu ke bi yi bu gu joaloandigu buliñoabu bi den maa gi caani agan luoda gi tieni ya daadi n poandi mi luonma po, gi ŋanbi li guoli nukpandunyenli gi ban pundi gi biliga buliñoabu. ¹⁴ Beti - Hakelemi dogu yudaano Malikiya Rekabi Bijua den maa gi biliga buli ñoabu o den maa gi caani agan luoda ki tieni li bonluonkaala yeni yaa daadi n poandi mi luonma po. ¹⁵ Misipa dogu yudaano Salumi kolihose Bijua den maa li ñinbunli buliñoabu gi tieni agan luoda yeni ya daadi n poandi mi luonma po , o den guani gi ŋanbi yaa guonli n nagi yeni Silowe boangu Obado sadidinga yeni Dafidi dogu ŋmaa do kaanu siiga. ¹⁶ Asibuki Bijua Nehemi yua n den tie Betisuri dogu boagidima yudaano den maa gi tugini o yaa kani ki ban pundi Dafidi ka kulla kani nintuali ki ban pundi ban kpiidi yaa boangu kani ki go ban pundi obado guudi kaaba diegu kani, ¹⁷ bi yaa puoli Lefi buolu yua den maa gi tugini o kani oyaa puoli Bani bijua Rehuma yeni keyila dogu boagidima yudaano Hasabia den soani o dogu po . ¹⁸ o yaa puoli o ninjaba Bab bayi yaaba Hanada bijua keyila dogu yudaano den maa ki tugini o yaa kani. ¹⁹ Josue Bijua Eseli Misipa dogu yudaano yua n den maa li guonjenli ki gi tiegi yeni titoatiadi ŋmaa do kaanu aguona yeni gi lagidiga. ²⁰ Sabayi bijua Baruki den paagi o ba ki maa guonjentoali ki tugini o yaa kani gi cili liguonli lagima kani ki ban pundi salayidikaciamo Eliasibi diegu, ²¹ o yaa puoli hakotisi Bijua Uri Bijua Merimoti den maa guonjentoali gi cili Eliasibi diegu buliñoabu kani gi ban pundi o diegu bianu. ²² yaa salayidikacianba n den kaa gi nagi Jelusalema den maa gi tugini o yaa kani, ²³ bi yaa puoli Benjamina yeni Hasubi den maa guonjentoali gi tiegi yeni bi diedi Maaseya Bijua Asariya ki tie Hanania yaabili den maa ki tugini bi kani gi nagi yeni bi diegu ²⁴ o yaa puoli po , Hanadadi Bijua Binuyi den maa guonjentoali gi cindi Asariya diegu kani ki ban pundi a guona lagima kani. ²⁵ Usayi Bijua palali den maa ki tuoli a guona lagima kani yaa diefoagili n kpedi gi cie ki ye obado diegu nintuali ki nagi dansaliga diegu luolu Pereyasi Bijua Pedaya den maa gi tugini o kani, ²⁶ UTienu Diegu naacenba dogu yaaba yaa ba n ye gi juaga po den maa gi ban pundi yaa diefoagidili n tuugi yeni li guonli ki tuoli mi ñima buliñoabu puoli po. ²⁷ bi yaa puoli Tekoa dogu yaaba , den maa guon jentoali gi tuoli yeni yaa diefoagidili n tuugi yeni yaa guonli n ban pundi ki juaga guonli kani. ²⁸ ki cindi itaami buliñoabu tanpoli Salayidi kaaba den maa ke yua kuli tuoli o diegu ²⁹ bi yaa puoli Imeri Bijua Sadoki den tugini bi kani gi maa o dieu nintguali kani , puoli po yaa buliñoa guudo Sekania Bijua Semaya den tugini o kani gi maa. ³⁰ Selenia Bijua Hanania yeni Ti salafi bija luobilo Hanuni den maa guonjentoali ki tugini o yaa kani Belikia Bijua Mesulami mo den maa gi tugini bi yaa kani gi tuoli o dieli. ³¹ OMaano Melikiya den maa gi tugini o kani ki ban pundi UTienu diegu Nacenba yeni akpenda dieli kani ki tuoli Mefikodi buliñoabu ki ban pundi hali tanpodieli gondima kani ³² bi maaba yeni akpenda den maa ki logidiga gondima kani yeni tanpodieli yeni ipe buliñoabu siiga.