¹ Obado Artalikisese bali binpiilieli po yaa ŋmaalo n yi Ninsan nani o duven n den se oBado nintuali ke n taa duve ki teni oBado. ² n ununga ki den kpeli biidi nani lan daali yeni OBado nintuali : OBado den buali nni: bee yaa po ke a biidi a nunga ? anaa yia wani; li fidi ke li tie apo pabiidile .ti jawaandi boncianla den cuo nni. ³ kin den ŋmiani o :̇ me OBado n yaa ye ki waagi ! li baa gaa lede ke n nunga kan biidi yaa yoginu ke n danba kakula n ye yaa dogu nni biidi ke umu dindini u buliñoana kuli ? . ⁴ OBado den maadi nni : a mia be? n den jaandi ki mia Tanpoli Tienu, ⁵ n den goa ki yedi obado : a yaa diidi gi sua ke li dagidi a tuosoanlo yaa moani apo, soani nni Juda n danba kakula n ye yaa dogu nni, ke min guani ki maa u. ⁶ li yoginu ke OBado ka yeni opua, o den maadi: a baa tieni yogini ŋa, a baa kpeni be yoginu ? OBado pali den mangi ke o cabi nni osanu, ke waani yaa yoginu ke n baa kpeni. ⁷ den yedi OBado : a yaa sua li dagidi apo, ŋan teni nni li tili ke n yaa pundi Guveneeli yua ye Ukpenpuoli, wan cabi nni osanu , ke min kua Juda. ⁸ ki go puni nni li tili ke min teni a naacemo Asafi yua guu li fuali, ke wan puni nni yaa daadi n baa ŋanbi a buliñoana yeni udogu guonciagu yeni adiena yeni wan moano ngaa yaa diegu. obado den puni nni lan tila, kelima UTienu nuŋamu den maa npo. ⁹ min pundi yaa Guvelineeli n den ye ukpenpuoli kani, ke n teni o Obado tila yaali ke n den ga, yeni wan den yegini osoje gbenga yeni yaa tan jagila kuili . ¹⁰ Sabala , Aroniti, yeni Tobija yua n den tie Amoninba tuonsoanlo n gbadi , bi pala den biidi hali boncianla yeni ban laa Isalele buolu yua kpaani li bonŋanla Isalele bidi kuli po, ¹¹ min pundi Jelusama, nden tieni danata. ¹² li puoli po,n den fii gu ñiagu yeni nibiba kaa maadi o ba yeni UTienu n den tieni yaalan pali nni, ke min soani Jelusalema po, yanga ba kuli ki den ye n kani li yaa tie min da yaa yanga n yuli po ki baa jagi yaa ka, ¹³ n den fii oñiagu ki ta ojoaloangu yaa sanu, ki teli o bonfuodibiado yaa buliñoabu yua n tie imuñii, ke n ji maali Jelusalema buliñoana n cuo umu ki biidi maama. ¹⁴ n den tagini ki balini yaa buliñoabu kuu yeni obado ñinbunli, mii den laa sanu naani ke n baa pendi yeni yaa yanga ke n den jagi opo. ¹⁵ n den fii o ñiagu ki tagini mi ñima n ye yaa sanu ki goa ki diidi gu guonciangu n den goa ki kua gu joaloangu buliñoabu kani kiguani den po ¹⁶ bi bujiaba naa den bani min gedi yaa kaanu, ki buali min tieni yaala. li yogunu po, mii den pia min maadi jufinba yaala ki buali salayidikacianba, ki buali anigbenga, bi bujiaba, ki buali yaaba n den ŋmagidi atuona kuli. ¹⁷ n ji den maadiba: yi la tin ye fala nni, Jelusalema mudi umu mo dini obulñoana kuli !. cua mani tin guani ki maa, Jelusalema guonli, gi da ye i fe nni, ¹⁸ ke n ji togidiba UTienu nuŋamu n den maa npo, yeni obado n den maadi nni yaala. bi den maadi: fii mani, tin maa ! bi pala den paagi yeni ban den cuo lan maama. ¹⁹ Sanbala, ORoniti, Tobija, Amoni tuonsoanlo , Gesemi, Larabu, n gbadi lan maama, ke bi la laati ki go nunditi. bi den maadi: yi tie be lan kani? yi yie obado maame bii?. ²⁰ n den goa ki ŋmianba : Tanpoli Tienu n baa tendi upaalu. tinba otuonsoanla, tin fiimani ki maa; ama yinba yii pia biinu, yii pia iko, bi kantiadi yi po Jelusalema dogu nni