¹ NEhemi maama, Yakalia Bijua. yaa ŋmaalo n yi kilisi yaa niin nni, n bin piiliedi binli po, ke n ye Suse dociamu nni, ² Hanani n ninjaba siiga yendo den ñani juda diema nni ki cua. n den buali ba n ninjaba yaaba n den sieni Jelusalema ki ba mi faabima ti yonbidi po , n ye maama. ³ bi den goa ki yedi nni : ya niba n ñani ti yonbidi nni ki goa kpeni ye li kani yeni ofalaciamo yeni yaa fe n yabi ; Jelusalema guonciama kuli mudi ki omu dini o buliñoana. ⁴ min den gbadi laa maama n den kali , ki buudi, n den tieni dana boncianla ki ye yeni lipaboanli. ki luo oñoabu ki jaandi ki miadi UTienu yua ye Tanpoli, ⁵ ki yedi o: li miali daano UTienu yua ye Tanpoli fini yua n yabi ki pia o jie jiegu , fini yua n kuandi ŋan den bili yaa ŋantaado yaaba n bua ŋa ki kubi a bali maama po ki go gba bi po mi ninñima, ⁶ cengi nni, a nuni n diidi nni: mini a naacemo n jaandi ki miada yaala moala , u yienu yeni o ñiagu , a naacenba Isalele yaaba biidi po , ki wangi ŋa Isalele tuonbiadi , tin den tieni a po yidi , kelima mini yeni n baa diegu yaaba kuli tieni ti tuonbiadi. ⁷ ti tiena ti tuonbiadi , tii kubi palp li bali maama ŋan den diani yaama ki teni anaacemo Musa. ⁸ tiadi ŋan den teni anaacemo Musa ke wan yedi ti yaali nne. yi ya tieni ti tuonbiadi n baa yadi yi inilanbuoli siiga nni. ⁹ ama yi yi yaa lebidi ki guani n kani , ki kubi n balimaama ki tiendi man yedi yaala , lanwani ba bi ya gedi ni yi ti yonbidi hali ŋanduna bianu, n baa ñani yi li po ki taani yi ki guani yi min den gandi yaa kaanu , ki bili ke yi baa yaa kpiadi n yeli naan kani . ¹⁰ bi tie anaacenba yeni abuolu , ŋan fidi ki da ki faabi yaa nibuolu yeni apaciamu . ¹¹ hain ! n yonbi daano , ŋan cengi a naacemo n jaadi ki miada yaala yeni anaacenba yaaba n bua ki jie Ayeli kuli n miada yaala ! teni mini anaacemo sanu n pendi dine ki go teni min ba gi nunmanga obado kani. laa yogunu po n den tie yua n tieni obado o bon ñokaala.