¹ bijaba yeni bi puoba den fii ki biidi bi pala boncianla bi jufi lieba po. ² binitianba den tua: tinba yeni ti bijaba yeni ti bisiaba, ti yabi , ban pundi mijiema tin yaa di ki ye . ³ bine den tua: ti teni ti kuani yeni ti duven tiidi , yeni ti diedi ki fidi ki baadi mijiema mikoma yoginu. ⁴ nitoaba mo den tua : ti kpendi iligi yeni ti duven tiidi ki pani obado lonpo, ⁵ ama yeni lan kuli tinba yeni ban kuli tie buolu yendu, ti bila tie nani bi bila yeni, ti teni ke ti bila kua ti yonbidi nni. ti bisiaba boncncianla kua ti yonbidi yeni niino tii ji pia tin baa tieni maama kelima ti kuani yeni ti duven tiidi kuli ji tie nitianba yaala. ⁶ min den gbadi bi fanfabini yeni laa maama po n pali den beni hali boncianla. ⁷ n den jagi ke n baa funi bi paatiea yeni bi batieba n den yediba : bee yaapo yo ke yi tungi yi lieba yaa tugi kpiaga na. n den taani biniba boncianla. ⁸ n den yediba : tin den goa ki da ki faabi ti ninjaba jufinba yaaba ke bi den kuadiba yi nilanbuoli po, nani tin fidi maama; ke moala yinba yi ba mo nango kuadiba, tinba ngo baa goa ki yaa kuadiba ti ŋmiali nni .... bi den ŋmini, kelima baa den pia ban baa ŋmiani nni yaala kuli. ⁹ lanwani n den yediba : yin tiendi yaala na ki ŋani . yi kan yaa jie ti daano UTienu ki cuoni osanŋoadiman nni ti nannanda nibuolu tianu n da sugiditi ? ¹⁰ mini yeni n kpiiba yeni n naacenba moko den kpendiba iligi yeni mijiema. ama ti den cabiba ban da goa pa ban kubi ti po yaala. ¹¹ dina yin guani ki ŋmianba bi kuani yen bi duven tiidi kuani yeni Olive tiidi kuani yeni bi diena . yin cabiba yin den kpendiba iligi yeni mijiema yeni mikpama ke bi ba ti goa ki pa yi yeni ti ñuadi . ¹² bi den goa ki yedi : ti baa tieni ŋan yedi yaala ti baa goa ki ŋmiani ba tin den ga yaala kuli bi kani , ti go kan buali ba pu. lani den yini bisalayidicacianba ki teni ke bi poli ki niani ke bi baa kubi li maama. ¹³ lanwani den yogi yogi n liadi gbenli ki yedi : UTienu mo n yogi yogi yaa danba n kan tieni ban yedi yaala yeni. wan cedi ban luo bi diedi yeni bi bon piakaala kuli ki ji da pia pu . biniba yaa den taani den yedi : amina ! bi kuli den pagi limiali daano. bi den tieni ban yedi yaala . ¹⁴ hali yaa daali ke o bado den dini libali ke n tua Gufeneeli Juda diema nni, hali Atarsese bado binpiilieli po, ki taa ki pundi hali o piita n binlieli nni, piiga n binalie siiga, mini bi ninjaba oba kuli , tii den gaani Gufeneeli kani liba. ¹⁵ yaaba n den kpia liiga, ki tua Gufeneeli midiema po den tugi bi buolu yaaba yaa tuga n yabi, bi den gaani bi kani mijiema yeni duven, bi go den gaani iligi yaala n pundi dibala piina, bi naacenba mo den kuandi u buolu yaaba mi luoma nni. mini wani ki ta laa yanjagili , kelima n jie UTienu. ¹⁶ yen ba min den fidi ki soani ki ŋanbi ki bogini liguoli, tii den da oba kuli kuanu, n naacenba kuli den ye li tuonli nni. ¹⁷ min yeni yaa niba n den taagi ki di den tie jaba kobiga n piimu, Jufinba yeni ti buudi danba, laa taa yeni yaaba n den tie nibuolu tianu yaaba. ¹⁸ daali kuli n den yen teni ban kodi npo ine bonbi luoba i pe bonbi luoba , yeni ti bonyugiditi; danpiiga siiga kuli bi den yen bogini ki ŋanbi duven lan yaa yabi. mii den buali ki baa ga li ba kuli Gufeneeli kani, kelima atuona kuli den tie u buolu yaaba tugili. ¹⁹ ho NTienu tiadi n po yeni min tieni bi naa niba po yaala, ki tiadi n po.