¹ Ti buudi yudaano ya yini nilo ke wan tieni kasiedi, ki maadi wan la yaali bii wan gbadi ke nilo maadi yaali, ki saa i mɔni, ke o yie, ke o kan togdi, ki waani wan bani yaali, o tieni tuonbiadi, ki tugi i tagli n yeni. ² A ya sii bonli, kaa faami, ke U Tienu waani ke li tie jɔgindi, nani muagu nni yankpienga bii deni yankpienga, lanyaaka bonbalinkaali bakuli, a tieni ti tuonbiadi, ki kua i tagli nni n yeni. ³ A ya sii yaali n jɔgni, ke li jɔgindi puodi nilo, bii a ya sii ya nilo n jɔgni U Tienu po, bá ke laa tie a yanbuama, a ya ti bandi ya yognu, a kua i tagli nni n yeni. ⁴ A ya poli ki niani ke a ba tieni bonli, nitiano po, li ŋani ii, li bii ii, a ti ki sua ke a kan fidi ki tieni, a kua i tagli nni n yeni. ⁵ A ya tieni lanya tuonbiadi, ki kua i tagli nni, ŋan tuo ki bandi a tuonbiadi, ki dɔgdi ki waani ŋan tieni yaali. ⁶ Ki fidi ki piini li tuonbiadi, a ba cua yeni pabisiaga O Diedo po, ki mia ti candandi ŋan tieni ya tuonbiadi po. Salga yidkaciamo ba padi li pabiga, ki mia sugli a tuonbiadi po. A ya tie luodo, ki kan fidi ki cua yeni pabiga, li buali ke ŋan cua yeni O Diedo po kpajiemu lie bii lanjenawuundi lie. yenga baa tie a tuonbiadi sugli miabu padli, ki liega mo baa tie padjuukaali li padbinbindli po. ⁸ A ba cua yeni mu ki teni salga yidkaciamo. O ba cindi ki padi yenga a tuonbiadi po. O ba ŋmagi ki tulu, ki kpa ga, kaa jagdi ki yuli cain. ⁹ ki ŋmiani ki ñani ki sɔma, ki mii li padbinbindli po. ya sɔma n sieni, wan wuli li padbinbindli puoli po. Lani n ba tua a candandi padli. ¹⁰ Salga yidkaciamo ba cɔlni min waani maama, ki padi ya kpajiega n sieni, ki juu li padbinbindli po. Yeni a tuonbiadi tagli kuli piini, O Diedo ba di sugli apo. ¹¹ ŋan tie yuakuli, luodo, ki kan fidi ki cua yeni kpajiemu bii lanjenawuundi, a ba cua yeni mi yoma cilo bona na O Diedo po. A kan tieni kpama bii ŋubli mi niinni, kelima mi tie tuonbiadi ya padli i. ¹² A ba cua yeni li yoma, ki teni salga yidkaciamo. O ba yidi nuukuli, lan waani ke mi yoma kuli tie O Diedo yaama i, ki juu li padbinbindli po ki naa ban den kpia ki juu yaama. ¹³ Salga yidkaciamo ya tieni yeni, li ba todi lan piini ŋa tieni ya tuonbiadi tagli, U Tienu ba di sugli apo. Ya paabu n sieni kaa juu tie salga yidkaciamo yaabu i, nani ban tie mi jiama paabu padli maama yeni." ¹⁴ O Diedo go den yedi Moyiisi, ke maadi yeni li nitaanli ne: ¹⁵ A ya tieni tuonbiadi, kaa faami, ki tudi, kaa gedi yeni ŋan ba pa ya pani O Diedo po, nani lan buali maama, a ba pa a tagli po, ya patonli n ki pia pɔdi. A ba diidi ki bandi li yanga dunga n dɔa maama li ya tie li gbandieli nni ligdibala. Li pani ba cedi ŋan ji da fandi ki kua li tagli nni. ¹⁶ Ama a ba pa o ya biinu n tie u kaangagdiŋamu po ya pani, ki go pugni, dibala mu kuli, ŋan maani dibayenli. Salga yidkaciamo n ba ga lanya ligi. O ba pado li patonli yeni, ki mia a tuonbiadi tagli ń piini, min di sugli apo. ¹⁷ A ya tieni tuonbiadi, ki miidi min bili ya kuali n yikodi nni, bá a yaa faami ke a ye tudma nni, a kua i tagli nni n yeni. Li buali i pani. ¹⁸ A ya ti bandi ŋan tieni ya tuonbiadi, a ba cua yeni ya patonli n ki pia pɔdi, ki teni salga yidkaciamo, wan padi, ŋan ji da fandi ki kua ŋan tieni ya tuonbiadi tagli nni, lani n tie, min di apo sugli. ¹⁹ Li tie ya padli n ba cedi ŋan ya tiani , ki ji da kpeli ki biidi n pali, ki kua i tagli nni.