¹ O Diedo go den yedi Moyiisi, ² "Maadi yeni Israyeli nitaanli, ki yedi ba, ke Mini O Diedo yedi ya maama ne, Mini n tie O Diedo, i Tienu. ³ N la yin den ye Ejipti yaaba siiga, ke bi ye yeni ya tuada, yin da tie nani bani yeni. Li go ki buali ke yin ya tie nani Kanana yaaba, Min caa yeni yi yaaba ya diema nni yeni n tie maama yeni. Yin lɔgdi bi tuada. ⁴ Yin cɔlni N yiko; li buali ke yin cɔlni Mini, O Diedo, i Tienu ń bili yi ya ñɔbona kuli. ⁵ I ya cɔlni n yiko yeni n ñɔbona, i baa bii ki fo, hali i miana ń fagdi. Mini, O Diedo, n niani yi lanya yema. N yiko ñɔmaama n ne. ⁶ Da dua mani yeni kpiilo. Mini O Diedo n bili yi lanya ñɔbonli. ⁷ A kan fiagi a báa, ki dua yeni a naá. ŋan da fiagi a naá, ki la o mubili. ⁸ ŋan da dua yeni a naá yendo, kelima li tie a báa ya fee i. ⁹ A kan dua yeni a báa bisalo bii yeni a naá ya bisalo. Li ki buali wan mali ki pugdi naani, deni bii kaantianu i. ¹⁰ A kan dua yeni a yaabila, kelima li tie apo fee i. ¹¹ A kan dua yeni a naa yando bisalo, fini yeni yua n taa báa ¹² A kan dua yeni a puoli, kelima o tie a báa kpiilo i. ¹³ Da dua yeni a naawaali bii a naakpeli, kelima bi tie a naa kpiiba i. ¹⁴ ŋan da fiagi a baawaali, bii a baakpeli, ki dua yeni o denpua, kelima li pua tie a naawaali, bii a naakpeli i. ¹⁵ A kan dua yeni a biyuaga, kelima o tie a bijua denpua i. ¹⁶ A kan dua yeni a ninjua denpua, kelima li ba fiagi a ninjua i. ¹⁷ A kan dua yeni pua, ki go dua yeni o bisalo bii o yaabili, kelima bi tie o pua kpiiba i. A ya dua yeni yendo bi siiga, a baa ye yeni jɔgindi yognu kuli. ¹⁸ Fini yeni a pua ye taani ki ye, a kan kuani o ninsalo, a kan dua yeni o mo. ¹⁹ A kan dua yeni ya pua n ye o faadi nni. ²⁰ A kan jɔgni a yuli, ki dua yeni nitiano denpua. ²¹ A kan teni a biga bá yenga, ban padi ki juu ga o bulo Moloki po, a ya tieni yeni, a fanbi Mini O Diedo, a Tienu i. ²² Ja kan taani yeni o jalielo, lani tie cancangindi i. ²³ Nilo bakuli, ja bii pua, kan cagni o yuli ki taani yeni yanga, li tie cancangindi i. ²⁴ Yin da jɔgni mani i yula, ki tieni min kuani yi ya tuada ne bá bonyenli, kelima min ba deli ki yaani ya buoli i liiga, yin kali ki diedi bi diema ne i. Bi den tie yeni i, ki jɔgni bi yula, ²⁵ Bi den tieni hali ki jɔgni mi diema kuli, Lanyapo i ke n ba tuu ba bi tuonbiadi pani. Li ba tieni nani mi diema n sii ki yaani ba yeni. ²⁶ Ama, ikuli ń cɔlni N yiko yeni n ñɔbona kuli. Yinba yaaba n mali ne yeni ya canba n ye i siiga nni kuli. ²⁷ Min dugni ya cancagin-tuada ne kuli, ya buoli n den kaa mi diema nni den tie lankuli, ke i dá ki pundi, yeni ke bi den jɔgni mi diema. ²⁸ Imo ya jɔgni i yula, ki jɔgni mi diema, N ba ñɔli ki ŋa yi, nani min den cedi ke mi diema sii ki ñani ya buoli mi diema nni ke i dá ki pundi mi diema nni yeni. ²⁹ Yin da cedi yaaba n tie lanya cancagin-tuada ń yinba N buolu yaaba siiga. ³⁰ Yin cɔlni min bili yi ya ñɔbona, ki da jɔgni mani i yula, ki togdi ya cancaginbuoli n den kua mi diema nni ke i da ki cua yeni. Mini O Diedo, i Tienu n bili yi lanya ñɔbona kuli.'"