¹ O Diedo go den yedi Moyiisi, ² "Waani Israyeli nitaanli ya maama ne . Pua ya mali bonjaga, o baa ye yeni o jɔgindi dana lele, nani wan yi ye ti jɔgindi nni, ya yogu ke o ye o faadi nni ŋmaalo kuli maama yeni. ³ Li buali ke lan kuani ki bonjaga ku kɔnciagu, o madi puoli po dana niini daali i. ⁴ Lani ya pendi, o pomado ba guudi dana piita a taa i, ki fidi ki ŋanbi o obá yeni mi madsɔma jɔgindi. O kan sii ya bonli n gagdi ki ŋani O Diedo po, o go kan kua u kaangagdiŋamu nni hali yeni li jɔgindi yogu ban pendi. ⁵ Pua ya mali bonpuoga, o baa ye o jɔgindi nni, piiga n dana na, nani wan yi ye ti jɔgindi nni, ŋmaalo kuli, wan ye ya yogu o faadi nni yeni. Li puoli po, o ba guudi piiluoba n dana luoba, ki fidi ki ŋuudi o madsɔma, ki ŋanbi obá. ⁶ O jɔgindi yogu ya pendi, ke o ba ŋuudi, ki ŋanbi obá, li momado, wan mali bonjaga aa, bonpuoga aa, o ba cua yeni ya pabiga n pia binyenli, li gbandieli kani, ki teni salga yidkaciamo. Salga yidkaciamo ba padi ga, ki juu ga bonmunli, li padbinbindli po. O go ba cua yeni kpaajiega, bii kpaajenawuungu, lan padi ki mia sugli o tuonbiadi po. ⁷ Salga yidkaciamo ba puni O Diedo li bonfuodlieda, ki padi, ki mia sugli o tuonbiadi po. Yeni ke o ba ŋuudi o madsɔma, ki ŋanbi . Min bili ya ñɔmaama ya pua n mali bonjaga bii bonpuoga po n yeni. ⁸ Ya pua n mali ya kan fidi ki cua yeni pabiga, li buoli ke wan cua yeni kpaajiemu lie bii kpaajenaawuundi lie i. Bi ba padi yenga, ki juu ga bonmunli, li padbinbindli po, yaaga n sieni mo, ban padi ga, ki mia O Diedo o tuonbiadi sugli. Yeni ke salga yidkaciamo ba padi ki mia o tuonbiadi kuli po sugli ii, ki go ŋuudi ki ŋanbi o, ki ñani o o jɔgindi nni."