¹ Amori badtieba yaaba n ye Jurden kpenu nintuali yeni Kanana ya badtieba yaaba n ku yeni ku mɔgciangu ń gbadi ke O Diedo cedi ke Juden kpenu ñima fuadi, ke Israyeli yaaba puodi, ke bi yama ŋmadi, ke bi tusɔma sani, ke bi jigi cie, kelima Israyeli yaaba po. ² Lanyognu ke O Diedo yedi Josuwe, "ŋan ŋanbi a tankpiedkaana jugsiemu, ki kuani Israyeli jaba yaaba n dá ki kua ciagu." ³ Ke Josuwe bobni a tana jugsiemu, ki kuani Israyeli bonjala kuli ku kɔnciagu ti punjuodi juali po. ⁴ Yaali ya po ke Josuwe den kɔndi ba n ne: Ya jaba n den ñani Ejipti diema nni , ki taani yeni bi tɔtieba kuli den, ama bi den kpe bi sancenli yogu mi fanpienma nni. ⁵ Ban den mali ya bonjala kuli li sancenli nni kuli den ki kua ku ciagu. ⁶ Kelima Israyeli yaaba den cuoni bina piina i mi fanpienma nni, hali ke bi niba lani n tie bi jaba, bi tɔtieba yaaba n den ñani Ejipti diema nni den kpe, kelima baa den bua ban cɔlni O Diedo maama, O Diedo den poli ke bani kan la wan den poli ki niani bi yaajanba ke o ba puni ba ya diema, naani ke mi naaŋanma yeni ti siadi puubi. ⁷ O Diedo ń den cedi ke bi bila yaaba n pugdi ki ga ba yeni, Josuwe den kuani bani i ku ciagu, kelima bi den ki kɔndi bi sancenli nni. ⁸ Ban kua ku ciagu, bi den ye bi kalkaanu i hali yeni ban ban paagi. ⁹ Lanwani ii, O Diedo den yedi Josuwe, "Dinne, N ñani ipo Ejipti fee" Lani n cedi ke bi yini li kaanu Gilgali hali yeni mɔlane. ¹⁰ Israyeli yaaba den kali ki fuodi Giligali dogu nni i. Lankani i ke bi den tieni mi pendima jaanma, o ŋmaalo o piiga n danaali daali , ku yejuogu Jeriko baagu nni. ¹¹ Mi pendma jaanma ń pendi ke li fandi, bi den taa u dogu nni kpaangu i, ki tieni ya kpanu n ki tieni dabinli yeni i disɔgdi ki ŋmani. ¹² Ban dini u dogu nni kpaangu ya daali , ke li fandi, Mana yaali n den ña polu ki baali yeni ji den ki baali. Mana ji den ki ye Israyeli yaaba po, bi ji den li di kanahan kuanjiedi i li binli. ¹³ Josuwe ń den nagdi Jeriko, o den nuali liiga ki la bonli, Nilo ke o see o liiga, ki nɔdi o jugsiega, ki muubi. Josuwe den nagni o kani ki buali o, "A tie ti yua bii, ti yibalinba yua i?" ¹⁴ O den jiini, "Mii tie obakuli. Kelima n tie O Diedo tɔtieba yudaano i. Mɔlane i ke n da pundi." Ke Josuwe gbaani o nintuali, ki pugi o, ki yedi o, "N canbaa maadi a naaciemo be i?" ¹⁵ O Diedo tɔtieba yudaano den yedi Josuwe , "Pidi a taacaadi, kelima ŋan see naani ne ti kaangagdiŋamu i." Ke Josuwe pidi o taacaadi.