¹ Lani ń pendi, ke li tieni a dana, O Diedo den puni Israyeli yaaba mi yanduanma, bani yeni bi yibalinba siiga, Li den sua ke Josuwe mo den ciandi hali boncianla. ² Josuwe den yini Israyeli nitaanli, ki taani i buoli yudanba, a cuga diedanba, ti buudi judanba yeni a jakɔnda yudanba, ki yedi ba, "N ciandi hali boncianla. ³ I nan la O Diedo, i Tienu ń tieni ya diema ne kuli niba maama yinba yapo, kelima O Diedo, i Tienu n kɔni ki todi yi. ⁴ Diidi mani! N tɔni tiatia, ki bɔgdi i buoli yaaba ya diema n sieni ke i ba kɔni ki paadi, man tua i biini, i buoli ń diedi ma, ki taani yeni min mudi ya diema, ki cili Jurden kpenu ki ya caa nintuali po, hali Mediterane mɔgciangu. O Diedo i Tienu ba deli ki ñani ba. O ba deli ba ki yaani ba i po. Nani wan den niani yi maama yeni, O ba fie bi diema bi nuu nni, ki teni yi, yin kali ki diedi. ⁶ Lanwani ii, yin tieni ania ki ya cɔlni, ki go tiendi yaali n diani Moyiisi yiko tili nni, yin da kpiadi niganu po bii nijienu po ki ŋa ma, ⁷ Lanwani ii, yin da taani yeni ya nibuoli n ye i siiga, yin da taagi bi yela, bii bi buli yela, ki da gbaani ki pugi, bii ki taa bi buli yela ki poli. ⁸ Ama, yin ya taabi O Diedo i Tienu, nani yin li tiendi maama hali yeni mɔla kuli. ⁹ Kelima O Diedo deli ki yaani i po ya nibuoli n yabi, ki go pia mi tuama. Yin ye naani ne, buolu bakuli ki fidi ki ba sedi ki tuogi yi hali yeni dinne. ¹⁰ I siiga nni, niyendo baba ba fidi ki deli ki yaani niba tudli, kelima O Diedo i Tienu tie yua n kɔni i po, nani wan den niani yi maama yeni. ¹¹ Yin fangi i yula, ki buadi O Diedo i Tienu yeni i paalu kuli. ¹² Ama, i ya tudi ki ŋa o maama, ki taani yeni ya nibuoli n ye i siiga, lanyaaka, i ya kuani li niba ki taani yeni ba i diedi nni, bii i ya taani ñɔbu yeni ba, ¹³ Yin ya bani ke O Diedo i Tienu ji kan deli ki yaani ba i siiga. Ama bi ji ba tua diadi yeni taali i, ipo, bi ba tue finfiba i i buani po yeni konkoni i nuni nni, hali yeni ban ba bolini yi ki gbeni cain, O Diedo i Tienu ń puni yi ya dieŋanma ne nni. ¹⁴ 4 Mɔlane, n ji cabdi ki bua yaadi ki tinga po n yeni, i nan bani yeni i pala yeni i yantiana kuli ke O Diedo ń yaadi ki niani yi ya ñɔniani kuli, bá lanbonyenli ki kpiadi, ki tua fanma, li ñɔniani kuli tii ipo. ¹⁵ Ama yin ya bani ke o ñɔnianu nni, bá lanbonyenli ń ki kpiadi, kaa tii yeni, wan bili ya kuana mo ya biadma ba tugi i yula po, ki kan lgdi bá lanbonyenli kaa tii, O Diedo ba ñuni yi mi biadma, ki ban bolni yi ya dieŋanma ke wani O Diedo puni yi ne nni. ¹⁶ O Diedo ba tieni yi li biadma, li ya tie ke i miidi o yiko kuana, kaa ŋua li ñɔbona ń bili maama, i ya caa ki gbaandi ki pugi i buli, O Diedo ba fiini o pabineli ipo, ki bolni yi tonma, wan puni yi ya dieŋanma ke o puni yi ne niinni.