¹ Manase (Josefi bijakpelo) buolu mo ya biinu n ne Makiri mo n den tie Manase ya bijakpelo, ki tie Gileyadi báa. Makiri puolŋuani n den yendi Gileyadi yeni Bacihan diema kelima Makiri den tie Jakɔndo i. ² Bi den tɔni tiatia, ki teni manase buolu yaaba n den sieni mo yeni bi cuga; bani n tie, Abi Eseri, Heleeki, AsriyeliCecemi, Heferi yeni Cemida. Bani n den tie jaba Josefi bijakpelo Manase puolŋuani, yuakuli yeni o cugli. ³ Ama Selofehadi, Heferi bijua, Gileyadi yaabili, Makiri yaabilieli yeni Manase yaabitaali den ki pia bonjaga, kase bonpola baba. A bonpola yeni yela n ne; Mahila, Nowha, Hoglha, Milkha yeni Tirsha. ⁴ Bi den nagni Eleyasari, salga yidka, Nuni bijua Josewe yeni bi yudanba kani, ki yedi ba, "O Diedo den bili Moyiisi li ñɔbonli, ke ban teni ti mo ti biinu ti naataanjaba siiga." Lanwani ii, bi den cɔlni li ñɔbonli, ki teni bimo bi biinu bi naataajaba siiga nni. ⁵ Mu tinmu, biini piiga n den tua Manase buolu, Gileyadi yeni Bacihan, bani yaaba n ye Jurden kpenpuoli. ⁶ Kelima Manase buolu bonpola den taani ki ga u biinu yeni bi naataanjaba, Bi den taa Gileyadi tinga ki bɔgdi Manase buolu yaaba yaaba n sieni i. ⁷ Manase Buolu diema den taa Aciheri, ki pundi Micimetati, Cecemi puoli. U bianu den teli niganu po, ki pundi Taapua ñinbuna kani. ⁸ (Taapua diema den tie Manase tinga i, ama Taapua dociamu den tie Efrayimi ya dogu i.) ⁹ U bianu den jiidi Kanha kpenu po. Li dociami yii n ye u kpenu ganu po, Manase tinga nni den tie Efrayimi ya dogi i. Manase diema bianu den ye u kpenu jienu po i, ki gedi ki kpaa li mɔgli. ¹⁰ U ganu po tinga den tie Efrayimi ya diema i, ke jienu po tie Manase diema, ke li mɔgli tie u bianu. U jienu po den tie Aciheri buolu i, ke puoli po mo tie Isacihari buolu. ¹¹ Ama Isacihari yeni Aciheri buoli siiga nni, Manase n den yeni Beti Cihan yeni lidogbila, Ibileyami yeni li dogbila, Dori yaaba yeni li dogbila, Endori yaaba yeni lidogbila, Taanaci yaaba yeni li dogbila yeni Megiddo yaaba yeni li dogbila. ¹² Ama Manase buolu den kan fidi ki yendi lanya dociami, kelima Kanana yaaba den ye lanya tinmu nni i. ¹³ Israyeli yaaba ń den baa u paalu ki pugni, bi den niini Kanana yaaba ke bi tuuni a tuonpaala, ama, bi den ki fidi ki deli ki yaani ba wani. ¹⁴ Lanwani ii, Josefi puolŋuani den maadi Josuwe, "Be n cedi ke a teni ti biinyendu baba, ki nan bani ke ti buolu yabi, ke O Diedo tundi ki yadi tipo mi yedŋanma, ki selgi ti ii?" ¹⁵ Josuwe den guani ki jiini ba, " I ya bani ke i tie ya buolu n yabi, yin nan gedi kikaagi Perisitinba yeni Rifayimi yaaba fuali, ki kali li niinni. Yin tieni yeni kelima Efrayimi diema, li juali nni yeni ki tiani bonŋanla, ki ba dagdi yin kua." ¹⁶ Josefi yaabila sen yedi, "Li juali diema yeni ki tiani bonŋanla tipo. ama Kanana yaaba yeni Beti Cihan yeni Jesireyeli buolu yaaba, yaaba n kua i tiali nni yeni kujualɔngu nni yeni pia ti kudi tɔturdi." ¹⁷ Ke Josuwe yedi Josefi yaabila, Efrayima yeni Manase, "I tie ya buolu n yabi i, i nan go pia u paalu. I kan fidiki ya ye tinbuoyenli nni baba nani i biinu. ¹⁸ Li juali nni diema mo ba tua i diema i. Bá yeni lan tie fuali kuli, i ba fidi ki kaagi ki bili u bianu yin bua maama. I ba fidi ki deli ki yaani Kanana buolu yaaba bá ke bi pia ti tɔturdi, ki go pia mi tuama."