¹ Ban den teni Juda buolu ya diema, ke u bɔgdi o cuga fanma den dagdi naganu po Edoma bianu po i, yeni Sini fanpienma yaama n ban kpaadi niganu po. ² U niganu po, li kpaali den ye mi ñincianyaama po i, mi ñima ń lugdi ki tinga naani yeni. ³ Ya kpaali n tua den ye Akrabima juali po i, ki taa, ki caa Sini, ki suagi Kadecihi Barneya po, ki balni Hesirɔn ki caa Addari, ki gɔgdi li kani, ki toliKarka. ⁴ Mi denbalni Asmɔn, ki toli Ejipti kpenu, ki gedi hali wun kua naani Mediterane mgli nni yeni. Lani n den tie niganu po ya kpaali. ⁵ Puoli po, li kpaali den tie mi ñincianyaama i, ki ban dagdi Jurden kpenu ń kua naani mi ñincianyaama nni i. ⁶ Li den tandi ki gedi hali Beti Hogla, ki balni Beti Araba. Li den pundi hali Rubeni bijua Bohani tana kani. ⁷ U bianu den pundi Debiri,Acihɔri jualɔngu nni, o nijienu po, li den gɔgdi Gilgali kani, Adumimi gbangbanli kani ku jualɔngu nigani po. U bianu den balini Eni Cihemesi ñinbuna, ki caa Eni Rogali po. ⁸ Li kpaali yeni den gedi Beni Hinomi jualɔngu po, Jebusi dogu niganu po, Jerusalema po n yeni, li den pundi hali Hinoni juali yuli po, puoli po, lani n tie Refayima bianu, ku jualɔngu jienu po. ⁹ U bianu den tandi ki gedi a juana po, ki pundi Neftowa ñinbunli, ki ñani likani, ki gedi Efrɔn juajuali diema po. U den gɔgdi, ki gedi Baala, uni n go tie Kiriya Jeharimi. ¹⁰ Li kpaali yeni den gɔgdi, ki toli Baala nintuali, ki gedi Seyiri juali po, ki tɔgni Jeyarimi juali po u nijienu, ki ban jiidi Beti Cihemesi ki pɔndi, ki gedi Timina. ¹¹ U bianu den gedi hali Ekrɔn juali nijienu po, ki gɔgdi ki gedi Cihikerɔn, ki pendi ki gedi Baala juali po, li ñani lankani, ki gedi Jabneeli. Li kpaali den juodi li mɔgli kani i. ¹² Nintuali po, li kpaali den tie Mediterane mɔgciangu i. Juda buolu diema biani n den yeni, ke bi bɔgdi cuglicugli. ¹³ Josuwe den tiani O Diedo ń den bili ya ñɔbonli, o den teni Jefune bijua Kalebi o biinu Juda yaaba siiga nni, Kiriyati Arba, uni n go tie Hebrɔn dogu (Arba den tie Anaki báa i). ¹⁴ Kalebi den deli ki yaani Anaki bijataadba likani, bani n tie Ciheciyayi, Ahimani yeni Talmayi, Anaki puolŋuani. ¹⁵ O den ñani likani, ki gedi ki woli Debiri bii Kiriyati Seferi yaaba. ¹⁶ Kalebi den yedi, "Ya nilo n ba kɔni yeni Kiriyati Seferi yaaba, ki paadi ba, n ba puni o n bisalo, Acihisa wan tua o denpua, wan kuani o." ¹⁷ Kalebi ninjua, Kenasi bijua, Otiniyeli ń den kɔni ki paadi li dogu, Kalebi den puni o o bisalo, Acihisa ke o kuani o. ¹⁸ Lani ń pendi, Acihisa den cua Otiniyeli kani, ki gadi o ke wan mia o báa kani u kuanu. Wan den fii, ki jagi o lŋunbo, Kalebi den buali o, "A bua be i?" ¹⁹ Acihisa den jiini o, "N cua miabu i, Nani ŋan teni nni nijienu po tinkuonga yeni, go puni nni a ñinbuna ń ye naani," Lanwani ii, Kalebe den puni o a ñinbuna polu yeni a tinga kuli. ²⁰ Juda buolu ń den baa ya biinu n yeni, ki bɔgdi bi siiga , cugli kuli yeni li diema. ²¹ Ya dociami n den tie Juda diema ki kpaadi niganu po, ki gɔa Edomi kpaali po, den tie Kabseyeli, Ederi, Jaguri, ²² Kinha, Dimonha, Adadha, ²³ Kedecihi, Hasɔri, Ithinani, ²⁴ Siphi, Telemi, Beyalɔti. ²⁵ Hasɔri, Hadatha, Keriyoti, Hesirɔn bii Hasɔri, ²⁶ Amami, Cihema, Moladha, ²⁷ Hasari, Gaddha, Hecimoni,Beti Peleti, ²⁸ Hasari, Cihuwali, Berciheba, Bisiyotiya. ²⁹ Baalha, Iyimi, Esemi, ³⁰ Elitoladi, Cihesili, Hormha, ³¹ Sikilagi, Madmanha, Sansannha, ³² Lebowati, Cihilimi, Ayini yeni Rimoni. Likuli den taani piilie n dociami yian, yeni i dogbila. ³³ Ya dogu n den ye li juali jiidma nintuali po, li den tie Esitowali, Sorha, Acihinha, ³⁴ Sanowa, Eni Ganimi, TappuwaEnami, ³⁵ Jarmuti, Adulami, Soko, Asekha, ³⁶ Caarayimi, aditayimi, yeni Gederha bii Gederotayimi. Likuli den taani dociami piiga a na yeni a dagbila. ³⁷ Senani, Hadaciha, Migidaligadi, ³⁸ Dileyani, Misipha, Jokiteyeli, ³⁹ Lacihisi, Bosikati, Eglɔn. ⁴⁰ Kaboni, Lahimami, Citilisi, ⁴¹ Gederoti, Beti Dagoni, Naamha, Makedha. Likuli den taani dociami piiga a luoba yeni a dogbila. ⁴² Libnha, Etiheri, Acihani, ⁴³ Ifitha, Acinha, Nesibi, ⁴⁴ Keyila, Acisibi, Mareciha. Likuli den taani dociami yian, yeni a dogbila. ⁴⁵ Ekrɔn, yeni ya dociami n lindi u, yeni li dogbila; ⁴⁶ Ki ña Ekrɔn, ki gedi ku mɔgciangu kani, ya dogi kuli n kuu Acidodi yeni li dogbila. ⁴⁷ Acidodi yeni ya dogciami n lindi u, yeni li dogbila; Gasa yeni u dociami yeni li dogbila, hali ki ban gedi Ejipti kpenu kani yeni ku mɔgciangu jaali kani. ⁴⁸ Li juali diema nni, Cihamari, Jatiri, Sokho, ⁴⁹ Danha, Kiriyata, Sanha bii Debiri, ⁵⁰ Anabi, Ecitemohi, Animi, ⁵¹ Gociheni, Holɔn, yeni Gilho. Likuli den taani dociami piiga n yendu yeni li dogbila. ⁵² Arabi, Dumha, Ecihan, ⁵³ Janimi, Beti Tappuam, Afekha, ⁵⁴ Humtha, Kiriyati Arba bii Hebrɔn, yeni Siyɔri. Likuli den taani dociami yian yeni li dogbila. ⁵⁵ Mawoni, Karmeli, Sifi, Jutha, ⁵⁶ Jesireyeli, Jokdeyami, Sanowha, ⁵⁷ Kayini, Gibeyati teniTimnha. Likuli den taani dociami piiga yeni li dogbila. ⁵⁸ Halhuli, Beti Suri, Gedori, ⁵⁹ Maarati, Beti anoti yeni Eltekɔn. likuli den taani dociami luoba yeni li dogbila. ⁶⁰ Kiriyati Baali bii Kiriyati Jeyarimi yeni Rabba. likuli den taani dociami lie yeni li dogbila. ⁶¹ Mi fanpienma nni, den pia Beti Araba, Midini, Sekakha, ⁶² Nimicihan, mi yaama dociamu yeni Eni Gedi. likuliden taani dociami luoba yeni li dogbila. ⁶³ Ama Jibusi buolu yaaba n den ye Jelusalema yeni wani ii, Juda buolu den ki fidi ki deli ki yaani ba. Lanwani ii, Jibusi buolu taani ki kua yeni Juda buolu li dogu nni hali yeni mɔlane.