¹ Mɔlane, Israyeli yaaba ń den paadi ya badtieba, ki yendi bi diema n ne. Israyeli yaaba den yendi ya diema n ye Jurden kpenu puoli, ki cili Arnoni kpenu tialu, ki ban gedi Hermoni juali, ki taani yeni Araba, puoli po. ² Amori bado, Sihɔn, yua n den ye Hecibɔn. Wani n den die, ki cili Arowe, Arnoni Jɔrji tialu bɔgdima, yeni Jileyadi bɔgdima, Jabɔki kpentinga, ke bi banlu ye Amoniti diema po. ³ Sihɔn n go den die ki cili Araba tialu, ki gedi Cinereti ñincianma, ki gedi hali mi ñincianyaama puoli po, ki ya caa Beti Jecimoti yeni niganu po, Pisiga juali tinga. ⁴ Bacihan bado Ogi, ya bado n den sieni Refayima buolu nni, ki den kaa Acitaroti yeni Edereyi. ⁵ O diema den cili Hermoni juali,Saleka yeni Bacihani, ki ban pundi hali Gecihuri yeni Makati buoli diema yeni Gileyadi diema bɔgdima, bi banlu den sedi Hecihebɔn bado Sihɔn po i. ⁶ Moyiisi, O Diedo naaciemo yeni Israyel yaaba den paadi lanya badtieba i, ki yendi bi diema; wani O Diedo naaciemo Moyiisi den cabi Rubeni, Gadi yeni Manase buolu bɔgdima, ke bi yendi li dima. ⁷ Josuwe yeni Israyeli yaaba ń den paadi ki yendi ya badtieba diema, Jurden puoli po n ne. Ki cili Baali Gadi tialu nni, kaa fagi yeni Liban, Alaki juali yaali n kuu Edomi yeni. Josuwe den teni Israyeli yaaba i li diema ke ban yendi. ⁸ O den teni ba li juali diema, Araba jualɔngu nni yaama, a juana jiidma ya diema, mi fanpienma nni yeni niganu po diema, mani n tie Eta, Amori, Kanana, Perisi, Hefa yeni Jibusa diema. ⁹ Li badtieba den tie, Jeriko bado, Ayi yua, ke o ki fagi yeni Beteli, ¹⁰ Jerusalema bado yeni Enayima yua, ¹¹ Jarmuti bado yeni Lecicisi yua, ¹² Egulɔn bado yeni Geseri yua, ¹³ Debiri bado yeni Gederi yua, ¹⁴ Hɔrma bado, Aradi yua, ¹⁵ Liban bado, Adulami yua, ¹⁶ Makeda bado yeni Beteli yua, ¹⁷ Taapua bado, Heferi yua, ¹⁸ Afeki bado, Laciharɔn yua, ¹⁹ Madoni bado, Hasɔri yua, ²⁰ Cihimerɔn bado, Merɔn, Akicihafi bado, ²¹ Taanaki bado, Megido yua, ²² Kedeci bado, Jokineyami, Karimeli juali kani yua, ²³ Dori, li mɔgli jaali po bado, Goyima yu n kuu Giligali dogu, ²⁴ Yeni Tirsa bado. Li badtieba kuli den taani piitaa n yendo (31).