¹ Jerusalema badciamo Adonisadeki den gbadi ke Josuwe den paadi Ayi dogu, ki mudi u cain, nani wan den tieni Jeriko dogu maama yeni bi badtieba maama yeni, o go den gbadi ke Gabehɔn yaaba den loli mi yanduanma dɔnlgu yeni Israyeli yaaba, ki ji ye bi siiga nni. ² Jerusalema yaaba den jie boncianla, kelima Gabehɔn den tie dogciamu i, nani badciamo dogu yeni, U den yabi, ki kpiagi ki cie Ayi, ki go pia a jakɔndpaala boncianla. ³ Lanwani ii, Adonisedeki, Jerusalema bado den sɔni u tondu ki teni ya badtieba ne: Hebrɔn bado Hohami, Jarmuti bado Pirami, Lacicihi bado Jafia, yeni Egulɔn bado Debiri, ki yedi ba, ⁴ "Cua mani na ki todi nni. Todi nni mani tin woli Gabehɔn yaaba kelima bi loli mi yanduanma dɔnlgu yeni Josuwe yeni Israyeli yaaba." ⁵ Amora badtiemuuda, Jerusalema bado, Hebrɔn bado, Jarmuti bado, Licicisi bado yeni Egulɔn bado den taani ñɔbu, bani yeni bi tɔgola den cebi ki lindi Gabehɔn gogu ki bua paadi u. ⁶ Gabehɔn yaaba den sɔni u tondu ki teni Josuwe yeni o tɔtieba, ke bi ye Giligali. Bi den yedi ba, "Sani mani tonma! da ñani mani i nuui i naacenba maama nni. Sani mani ki nanli ti, ki faabi ti, kelima Amola badtieba kuli yaaba n kua a juana nni yeni, taani bu ñɔbu ki bua woli ti ki paadi ti." Josuwe den ñani Giligali, ki gedi wani yeni o tɔtieba. ⁸ O Diedo den yedi Josuwe, "Da jie ba. N tieni ba i nuu nni. Bá niyendo bi siiga nni kan fidi ki pani yi u sanu i kɔnli nni. ⁹ Josuwe den ñani Giligali, ki cuoni ñiamungu, ki pundi ki ludi ba i, ki woli ba. ¹⁰ O Diedo den kuani li ŋmadli bi yibalinba siiga nni Israyeli yaaba nintuali, Israyeli yaaba den kpa ba boncianla yeni mi biadcianma Gabehɔn nni, ki ŋɔdi ki deli ba Beti Horɔn sanu po, ki ban kpa ba Aseke yeni Mekada sanu po. ¹¹ Nani ban den sani Israyeli yaaba, ki sani ki jiidi li juali, ki toli Beti Horɔn po yeni, O Diedo den cedi ke a taatana jiidi ki pua ba u sanu nni, ki ban pundi Aseka, ki kpa kpa ba. Yaaba n den kpe kelima a taatana po den yabi ki cie Isayeli yaaba n den kpa yaaba yeni ki jugsiega. ¹² Lanwani ii, Josuwe den maadi yeni O Diedo, ya daali ke O Diedo den puni Israyeli yaaba ti kpiagdi, ki tieni Amola yaaba bi nuu nni. Josuwe ń den yedi O Diedo ya maama Israyeli yaaba nintuali n ne, "U yienu, ŋan sedi Gabehɔn polu, o ŋmaalo mo ń sedi Ayijalɔn jualɔngu yuli po." ¹³ U Yienu den sedi belbi, ke o ŋmaalo mo seni o cenli hali yeni yaaba ń ban tuu bi yibalinba bi panli. Li den ki diani o niteginka tili nni ki yedi ii? U yienu den sedi siiga nni, yuli po, u densee daamunli, kaa baá ¹⁴ Daali ji ki ye ki tie nani landaali yeni, ya dana n kpedi yen ya dana n pendi kuli, ke O Diedo cɔlni o nisaalo maama. Kelima O Diedo den taani Israyeli yaaba po i bu tɔbu yeni nni. ¹⁵ Josuwe yeni Isayeli yaaba den taani ki yegi, ki guani bi jondi nniGiligali dogu nni. ¹⁶ Bi badmuudba yeni den sani ki ciadi, ki ban kua Mekada tanfalu nni. ¹⁷ Bi den waani Josuwe, "Bi la bi badmuudba yeni, ke bi wuo Mekada tanfalu nni!" ¹⁸ Josuwe den yedi ba, "Yin bigdi a tangbenga ki biini u tanfalu bulñɔbu, ki sieni sejenba ban ya guu. ¹⁹ Yin da sedi yinba iba ka, yinba ń ŋɔdi ki deli i yibalinba, ki sani , ki jia ba. Da ŋa mani ban kua bi dociamu nni, kelima, O Diedo i Tienu tieni ba i nuu nni." ²⁰ Josuwe yeni Is yaaba den paadi ba, ki kpa ba boncianla, bi den mudi bi dogu cain; bi niba waamu baba n den fidi ki sani ki ciadi ki kua i bilinciami dociami nni. v 21 Israyeli tɔgoli kuli den guani bi fuodkaanu Makeda jondi nni yeni mi yanduanma. Nilobakuli ji den ki paagi o pali ki ba maadi Israyeli yaaba nilo maabiigu. 2 Lanwani ii, Josuwe den yedi, "Luodi mani u tanfalu, ki ñani bi badmuudba yeni na." ²³ Bi den tieni nani wan den maadi maama. Bi den cua yeni li badmuudba yaaba n den wuo u tanfalu nni yeni,o kani; Jerusalema bado, Hebrɔn bado, Jarmuti bado, Lacicisi bado yeni Egulɔn bado. ²⁴ Ban den cua yeni bi badtieba yeni, o den taani Israyeli yaaba kuli, ki den yini a jakɔnda yudanba yaaba n den ye yeni o bu tɔbu nni yeni, ki yedi ba, "Nagni mani ki ŋmaa bi tuli." ke bi nagni ki ŋmaa bi tuli. ²⁵ Ke o yedi ba, "Da jie mani, go da ŋɔni mani i gbanu. Yin paagi i gbanu, ki paagi i pala. O Diedo ba tieni yin ba tuogi yeni ya yibalinba kuli yeni i." ²⁶ Josuwe den cedi ke bi kpaa bi badtieba yeni, ki jɔni ba tiidi mu po. Bi den juani lankani hali yeni o yenjuogu. ²⁷ U yienu ń den baá i, ke Josuwe den puni u sanu, ke bi jɔndi ba i tiidi po, ki ban luni ba ban den wuo ya tafalu nni yeni. Bi den bigdi a tangbenga ki pigni u tafalu bulñɔbu. Hali yeni dinne, li tana bii ye likani. ²⁸ Li daali, Josuwe den paadi Mekada dogu, ki kpa li dogu yaaba yeni bi bado kuli yeni ki jugsiega. O den mudi u dogu kuli yeni yaali n pia miali kuli u niinni. O den ki ŋa bá niyendo yeni miali. O den tieni Mekada bado nani wan den tieni Jeriko bado maama yeni i. ²⁹ Josuwe yeni Israyeli yaaba den ñani Mekada, ki tuadi, ki gedi Liban po. O den gedi ki tuogi yeni Liban yaaba. ³⁰ O Diedo den taa lanya dogu mo, ki tieni Israyeli yaaba nuu nni. Josuwe yeni o niba den woli ki kpaa yaali n pia miali kuli, u niinni, yeni ki jugsiega. Bá niyendo den ki ciadi. O den tieni bi bado nani wan den tieni Jeriko bado maama yeni i. ³¹ Josuwe yeni Israyeli yaaba den ñani Liban, ki tuadi Lacicisi. O den caani o tɔnagli ki kuli u dogu, ki tuogi u yeni bu tɔbu. ³² O Diedo den tieni Lacicisi dogu Israyeli yaaba nuu nni. Josuwe den paadi u li daalieli daali i. O den kua yeni ki jugsiega, ki kpa pia miali kuli u niinni, nani wan den tieni Liban maama yeni. ³³ Geseri badi Horami den bobni ki cua ki ba todi Lacicisi dogu. Josuwe den tuogi wani yeni o tɔgoli, ki kpa ba, kaa ŋa bá niyendo yeni miali. ³⁴ Josuwe yeni Israyeli yaaba den ñani Lacicisi, ki tuadi Egulɔn. Bi den caani bi tɔnagli ki kuli u dogu, ki tuogi u yeni bu tɔbu. ³⁵ O den paadi u li daali mɔno i. Bi den woli ba yeni ki jugsiega, ki kpa ba, ki bolini ba cain, nani Josuwe ń den tieni Lacicisi dogu maama yeni. ³⁶ Josuwe yeni Israyeli yaaba den ñani Egulɔn, ki tuadi Ebrɔn. Bi den tuogi ba yeni bu tɔbu. ³⁷ Bi den woli ba, ki kpa bi niba kuli, ki taani yeni bi bado yeni bi tinkundogi kuli, yeni ki jugsiega. Bi den kpaa pia miali kuli u niinni, kaa ŋa bá niyendo yeni miali, nani Josuwe ń den tieni Egulɔn dogu maama yeni. O den mudi u dogu kuli, ki kpaa pia miali kuli u niinni. ³⁸ Josuwe yeni Israyeli yaaba den lebdi ki tɔgni Debiri dogu nni, ki tuogi yeni u bu tɔbu. ³⁹ O den paadi u, ki cuo u bado, yeni bi tinkundogi kuli. Bi den kpa ba yeni ki jugsiega, ki bolini yaali n tie pia miali kuli u niinni. Josuwe den ki sieni bá niyendo yeni miali, nani wan den tieni Egulɔn yeni u bado, yeni wan den tieni Liban yeni u bado maama yeni. ⁴⁰ Josuwe den paadi mi diema kuli, a juana nni dogi kuli, mi ñincianma gaanma nni kuli yeni i tiali diema nni kuli yeni ti jualɔndi nni dogi kuli. O den kpa bi badtieba kuli kaa sieni bá yendo yeni miali, nani O Diedo ń den bili maama yeni. ⁴¹ Josuwe den paadi bikuli yeni ki jugsiega, ki cili Kadesa Barneya, ki ya caa hali Gasa, yeni ya dogi n ye Gociheni, ki ban pundi hali Gabehɔn. ⁴² Josuwe den paadi lanya badtieba kuli yeni bi dima fiiyenma nni, kelima O Diedo, Israyeli yaaba Tienu den taa bipo i bu tɔbu nni. ⁴³ Lanwani ii, Jisuwe yeni Israyeli yaaba kuli den lebdi ki guani Giligali, bi jondi nni.