¹ O sawalpualo Jeremi ń den maadi Neriya bijua Baaruki ke o dieni ya maama li tigbabikaali nni n ne. Li tili den diani Juda bado Josiasi bijua, Jowakimi bali binnaali binli. Li tigbabikaali nni den diani, ki yedi, ² O Diedo, Israyeli Tienu yedi fini Baaruki ya maama ne: ³ A yedi, 'N ye yeni fala boncianla, ke O Diedo mo nan pugni nni ti yanyagdi n falaciamo po. N fanfabni ki pia gbenma; yanduanma ki ye npo.' ⁴ ŋan ba yedi Baaruki ya maama n ne: 'O Diedo yedi ya maama ne: Diidi, Min den maa yaali yeni, N pua ki mudi lani i. Min den ŋuu yaali yeni, N guani ki ŋabi lani i. N ba tieni yeni i ki tinga nni kuli. ⁵ Ama, N bani, I ki guu ya bancianma n yabi ka aa? Da daani mani li bancianma po. Kelima, Diidi, fala yeni mi yebiadima kpendi ki tinga nni bi nisaalba kuli po; Min ba faabi a maama n tie min cabi a ŋan ya pia amiali ŋan ba gedi naankani kuli; O Diedo ñɔbonli n yeni.'"