¹ O Diedo den maadi yeni Jeremi, ya yognu ke Babiloni bado, Nabukanesaari yeni o tɔgola yeni wan den kɔni ki paadi ya diema kuli ki tinga po den taani yeni bi niba ki pua bu tɔbu yeni Jerusalema yeni Juda dociami kuli, ki yedi: ² 'O Diedo, Israyeli Tienu yedi ya maama ne, Gedi ki maadi yeni Juda bado Sedesiyasi, ki yedi o, "O Diedo yedi ya maama ne, Diidi, N ba taa u dogu ne, ki tieni Babiloni bado nui nni. O ba pua ki juu li dogu. ³ I kan sani ki ciadi o nui nni. A nuni ba tuogi Babiloni bado nuni; O ba maadi yeni a, ŋan ba gedi Babiloni ya yognu.' ⁴ Juda bado, Sedesiyasi, Cengi O Diedo ñɔmaama! O Diedo ń yedi ya maama, ki mi nua ŋa n ne, 'A kan kpe bu tɔbu nni ka. ⁵ A ba kpe mi yanduanma yognu i. Bi ba ŋanbi a kuuma nani ban den ŋanbi a yaajanba, ya baditieba n den liidi ki kali ti badigbandi po maama yeni, bi ba juu li ŋubli yeni tulaale a kuuma po, ki buudi a kuumoe, ki ya tua, "hain, aba, Canbáa!" Bi ba buudi ki fabni apo, N ñɔbonli n yeni; O Diedo n yedi yeni." ⁶ Lanwani ii, o saawalpualo Jeremi den waani Juda bado Sedesiyasi yaali n ba tieni Jerusalema nni kuli. ⁷ Babiloni bado tɔgola den tuogi Jerusalema yeni Juda dogi yia n sieni: Lakisi yeni Aseka. Lanya dogliedi n den tie Juda dogi,ki sieni ki pia a bilinguonna, ki paa boncianla. ⁸ O Diedo den maadi yeni Jeremi, ya yognu ke Juda bado Sedesiyasi den loli yeni Jerusalema niba ke ban kpaandi ki waani ke i yonbi ba baa mi faabma ⁹ ke yuakuli ń faabi o yonbo, wan tie ja aa, pua aa, ki tie Ebrewu buolu kuli. ke obakuli ń ji da kubi o kpiilo juufinba buolu, ke o tie opo yonbo. ¹⁰ Lanwani ii, i buoli yudanba den tuo ban loli ya ŋantaado, ki yedi ke yuakuli ń faabi o yonbo, wan tie ja bii pua, wan ya ye o yama nni, ki ji da kua ti yonbidi yema nni.Bi den tuo, ki cabi bi yonbi kuli, ki faabi ba. ¹¹ Ama, lani ń pendi, bi den lebdi bi yantiana, ki guani. Bi den guani ki cuo bi yonbi, ki kuani ba ti yonbidi yema nni. Bi den niini ba ke bi guani ki tua yonbi gɔga. ¹² Lanwani ii, O Diedo den maadi yeni Jeremi, ki yedi o ya maama ne, ¹³ O Diedo, Israyeli Tienu yedi ya maama ne, Mini O Diedo n loli ŋantaadi yeni i yaajanba, min den ñani ba Ejipti diema nni ya daali, ki faabi ba yeni ti yonbidi yeni. Min den yedi ba ya maama n ne, ¹⁴ Bina lele ya pendi kuli, yua n den kubi o kpiilo ti yonbidi, kelima o den cua ki kuadi o yuli opo, ki sɔni opo bina luoba. Li binleleli, li buali ke wan cabi o, ki faabi o yeni ti yonbidi." Ama, i yaajanba den ki cengi nni, bi den ki diadi bi tuba ke ban cengi nni mɔno. ¹⁵ Mɔla, yinba n lebdi i pala, ki tieni yaali n dagdi n nintuali. I kpanndi ki cabi i yonbi, ki faabi ba, yuakuli faabi o kuantalielo yua n den tie o yonbo, ki kuani li ŋantaado n nintuali, ban taagi n yeli ya dieli nni. ¹⁶ Ama i nan go guani ki fali n yeli; i siiga nni, yuakuli guani ki cuo o yonbo yeni o potuado, ki niini ba ke bi tua yonbi, yin den cabi yaaba, ki waani ba ke ban gedi ban bua naani yeni, i go niini bani i, ke bi tua i yonbi. ¹⁷ Lanya po i, ke O Diedo yedi ya maama ne, 'Yinba iba, i naa cengi n maama. Yinba mɔno bi ba baa ya yantiali n ba faabi i lieba, mi yanduanma ń tieni i siiga, i kpiiba yeni i kuantalieba Israyeli yaaba po. Lanwani ii, diidi mani! N ba fiiki sedi ipo, yeni bu tɔbu, mi koma yeni u yianbiadipuodikou, kelima, n ba jiini ipo ya yebiadma ke ki tinga po diema kuli ba la lan tua bipo kasiedi. ¹⁸ N ba fii ki sedi yaaba n den loli ŋantaadi, ki padi ki naatonga, ki jia ga kaani lie, ki pɔndi i siiga n nintuali, ki nan go yuandi ki miidi li ŋantaado yeni, ¹⁹ Juda yeni Jerusalema yudanba kuli den pɔndi ban den padi ya naatonga, ki jia ga kaani lie yeni siiga, bani yeni bi paatieba yeni salga yidkaaba yeni mi diema nni nigbenga kuli. ²⁰ N ba taa bikuli ki tieni bi yibalinba yeni yaaba n lingi ke ban gbindi bi miana nui nni, bi gbannandi ba tua jiema tanpoli po nuani yeni ki tinga po yandi po. ²¹ Lanwani ii, n ba taa Juda bado Sedesiyasi yeni o kpaaga kuli ki tieni bi yibalinba yeni yaaba n lingi ke ban biani bi miali nui nni, yeni Babiloni bado tɔgola yaaba n fii ki ba tuogi yi yeni bu tɔbu yeni. ²² Didi, N ba cabi ba u sanu, ki cedi ban cua ki tuogi u naa dogu, ki pua bu tɔbu, ki juu li dogu. kelima n ba cedi Juda dogi kuli ń tua diegbendi, nilo ń ki kua naani.'"