¹ Juda bado Sedesiasi ń den ga li bali ya yognu, li binnaali ya ŋmaamuulo, Gabewɔn yua, Asuuri bijua Hananiya, o sawalpualo, den yedi nni O Diedo diegu nni, salga yidkaaba yeni li nitaanli nintuali. O den yedi, ² "O Diedo, U Paaciamu kuli daano, Israyeli Tienu yedi ya maama ne: N cie Babiloni bado ń den niini ki lani yi ya yonbipianli. ³ Ne yeni bina lie kuli, n ba cedi ban guani yeni ya tiadi n tie O Diedo diegu tiadi, Babiloni bado Nabukanesaari ń den taa ya tiadi ki gedi yeni ti Babiloni dogu nni yeni. ⁴ N ba guani ki kpeni yeni Juda bado, Josiakimi bijua Josiakini, yeni ban den gedi yeni yaaba ti yonbidi Babiloni po, nekanba ne, kelima, N bua min cie Babiloni bado yonbipianli; O Diedo ñɔmaama n yeni." ⁵ Lanwani ii, o sawalpualo Jeremi den yedi o sawalpualo, Hananiya, salga yi dkaaba yeni li nitaanli yaaba n den ye O Diedo giegu nni nintuali. ⁶ O sawalpualo Jeremi den yedi, "Ami, U Tienu ń gbadi n ñɔbu nni ki tieni nani ŋan maadi maama yeni! O Diedo ń guani yeni U Tienu diegu tiadi yaadi n ye Babiloni yeni yaaba n ye ti yonbidi lanpo kuli nekanba na. ⁷ Ama, ŋan cengi min ba kpaandi ki maadi ya maama fini yeni li nitaanli nintuali, yin gbadi. ⁸ Ya sawalpuaba n den liidi ki cua yeni nni yeni fini hali yognu bá den pua sawali ke li bia i nibuoli yeni mi diema boncianla po, ki li tie bu tɔbu, mi koma yini u yianbiigu ya po. ⁹ Lanwani ii, ya sawalpualo n pua sawali ki yedi mi yanduanma maama, ki mi tua nani wan pua sawali maama yeni, li tie i mɔmɔni, ke O Diedo n sɔni o." ¹⁰ Ama, o sawalpualo Hananiya den landi li pianli, o sawalpualo Jeremi tulu nni, ki cie. ¹¹ Hananiya, den maadi li nitaanli nintuali, ki yedi, "O Diedo yedi ya maama ne: Ne yeni bina lie ne siiga, N ba cie i nibuoli boncianla tuli nni Babiloni bado, Nabukanesaari ń niini ki lani ba ya yonbipianli. " O sawalpualo Jeremi den ñani ki taa o sanu ki ban caa. ¹² O sawalpualo Hananiya ń den cie li yonbipianli Jeremi tulu nni, ke li pendi, O Diedo den maadi yeni Jeremi ya maama ne, ki yedi, ¹³ " Gedi ki la Hananiya, ki yedi o ya maama ne: 'O Die do yedi a yaama ne: A cie u baabu ya yonbipianli i, N ji ba piani ti kudi ya pianli i.' ¹⁴ Kelima, O Diedo, U Paaciamu kuli daano, Israyeli Tienu yedi ya maama ne: N lani ya nibuoli ne kuli ti kudi yonbipiana, ke boa ya tuuni Babiloni bado Nabukanesaari po i, li tia taladi i ke ban sɔni opo mo. N go puni o ti muayandi ke tin todi o o tuona nni." ¹⁵ O sawalpualo Jeremi den yuandi ki yedi Hananiya, o sawalpualo, "Cengi n maama, Hananiya! O Diedo ka sɔni a, ama a nan pua mi tofaama sawali bipo, ke bimo ga a maama. ¹⁶ Lanwani ii, O Diedo yedi ya maama ne: Diidi, N ba deli ki ñani a ki tinga nni. A ba kpe ya binli ne nni i, nani ŋan fiindi mi yenyiema O Diedo po yeni." ¹⁷ Li binli nni, o ŋmaalelelo, Hananiya, o sawalpualo den kpe.