¹ Israyeli buolu kuli nitaanli den cuo li cenli, ki ñani Sini fanpienma nni, ki ŋua O Diedo ñɔmaama. Bi den caani bi jongu Rifidimi, ama, ñinñukaama den ki ye ke bi niba ba ñu. ² Ke li nitaanli jalgi Moyiisi bi yebiadma po, ki tua, "Teni ti mi ñima tin ñu." Moyiisi den yedi ba, "Be ya po i, ke i kɔni yeni nni? Be ya po i , ke i bua bigni O Diedo?" ³ U ñuñuunu den gbadi li nitaanli, ke bi fabni, ki fu yeni Moyiisi, ki tua, "Be ya po i, ke a ñani ti Ejipti diema nni? ŋaa bua u ñuñuunu ń kpa tinba yeni ti bila yeni ti yandi kuli ka aa?" ⁴ Ke Moyiisi yigni ki mia O Diedo, " N ji ba tieni ledi i, yeni ya buolu ne? Li sieni waamu yeni ban lugdi nni a tana." ⁵ O Diedo den yedi Moyiisi, "Ga li nitaanli liiga, ki lugdi Israyeli nikpelba ban yegi yeni a. Gedi yeni ŋan den pua li mɔgli yeni ya gbiamu yeni. ⁶ N ba guudi yi liiga, Orebi juali po, ku tangbaagu kani, a ba pua ku tangbaagu, mi ñima ń pudi ku niinni, bi niba ń nu." Moyiisi den tieni yeni i, Israyeli nikpelba nintuali. ⁷ O den yini li kani Masa yeni Meriba (li kɔnli yeni li biginli), kelima Israyeli yaaba den tieni li kɔnli li kani, ki go bigni O Yudaano ki buali, "O Diedo ye ti siiga nni bii, waa ye i?" ⁸ Amaleki yaaba tɔgoli den cua ki woli Israyeli yaaba bi tɔbu po, Refidimi kani. ⁹ Moyiisi den yedi Josuwe, "Lugdi ya jaba n ba ña yeni a, ki gedi ki pua bu tɔbu yeni Amaleki yaaba. Saala n ba sedi li juali yuli po, ki ya muubi U Tienu gbiamu n nuu nni." ¹⁰ Josuwe den gedi ki kɔni yeni Amaleki yaaba nani Moyiisi ñɔmaama ń yedi maama, li sua ka Moyiisi, Haarɔn yeni Huuri gedi ki se li juali yuli po. ¹¹ Moyiisi ya den duoni o nui poli po, Israyeli yaaba n den yi paadi; O ya jiini o nui, ki ba fuodi, Amaleki yaaba n den pia u paalu ¹² Moyiisi nui ń den ti kpiagi o po ya yognu, ke Haarɔn yeni Huuri baa tanli, ki bili, ke o kali. Lanyognu, ke Haarɔn yeni Huuri sedi yendo o ganu, tiano mo, o jienu, ke bi tiebi o nui ki duoni. Lanwani ii, Moyiisi nui den tiegi poli po i, hali ke u yienu ban baá. ¹³ Yeni i, ke Josuwe den kɔni ki paadi Amaleki yaaba yeni ki jugsiega. ¹⁴ O Diedo den yedi Moyiisi, "Diani li tili nni, ki cogi li Josuwe ń gbadi, kelima N ba buoni Amaleki yaaba maalima cain, ki tinga po." ¹⁵ Moyiisi den maa salga binbindili, ki yini li, "O Diedo n tie tuudi maalma." ¹⁶ O den yedi, "Kelima u nuu den yugdi ki poli, ki yie O Diedo, o balkalkaanu kani - Yeni ke O Diedo mo baa pua yeni Amaleki yaaba bu tɔbu, nifiima ń tuu nifiima."