¹ Lanwani ii, Moyiisi yeni Israyeli nitaanli den yini ya yanbu ne O Diedo po. Ban den iini maama n ne, "N ba yini O Diedo po, kelima O kɔni, ki paadi, li seli yeni tikpiagdi nni; Ya taami yeni ya tanjagla ke o luni mi ñincianma nni. ² O Diedo tie N paalu yeni n yanbu, wani n tua n candaano. N Tienu n yeni i, N ba kpiagi O yeli, N yaajanba Tienu, N go ba dondi ki kpiagi O yeli. ³ O Diedo ti Jakɔndo i; O Diedo n ti O Yeli. ⁴ O luni Farawɔn tɔbturdi yeni O tɔtieba li mɔgli nni. Bi den luni ki biani Farawɔn Seje yudanmɔnma Ku mɔgmɔngu nni. ⁵ A ñingola den yili ba Bi den mii mi ñima tiipo nani a tana yeni. ⁶ O Diedo, A nuujieni yanbdi ye ti kpiagdi nni; O Diedo, Anuujienu pua ki biani bi tɔtieba. ⁷ A kpiagciadi yabindi po, a pua ku guli yaaba n den fii ki nia yeni a. A sɔni a pabiencianli ke li juu ki buodi ba nani ti baadi yeni. ⁸ A den piebi a fawaama ke mi ñima piani ki golni miba; Mi ñinpuubkaama den den sedi belbi nani guonli yeni. Mi ñincianma ñima den kpandi ñintanli li mɔgsielili nni. ⁹ Bi tɔtieba den yedi, ' N ba ŋɔdi ki naa ba, n buama ba tii, N ba nandi ki fagi ba; N ba ñani n payiani bi kani i. N ba nɔdi n jugsiega. N nuu ba pua ki biani ba cain.' ¹⁰ Ama A den piebi a faama, ke li mɔgli yili ba; Bi den mii mi ñincianma nni nani bonkpiaga yeni. ¹¹ O Diedo, ŋma n ba fidi ki nandi yeni a i tieni kuli siiga? ŋma n tie nani fini yeni, Ti kpiagdi nni ŋandi, li seli nni kpiagdi, yua n tie yaalidgu bancianma? ¹² A yugdi a nuujienu i, ki tandi, ke ki tinga nali ba. ¹³ A yikodi sanu nni, ke a ciandi ŋan faabi ya buolu. A paaciamu po, a ciandi ba ŋan lugdi ya kaanu n gagdi ki ŋani, Fini abá ń ye naani. ¹⁴ I buoli ba gbadi li maama, bi ba digibi ti jawaanciandi po; Filisti niba bi jie ki tadi. ¹⁵ Ti jawaandi ba kua Edomi yaaba; Mohabi sejenba ba ŋɔni bi banu ti jawaandi po. Yaaba n kua Kanana kuli gbanu ba kpe, bi jigi ń sedi. ¹⁶ Ti jawaanciandi ba kua ba, bi gbanu ń ŋɔa. A nuu paaciamu po, li ba nii ba ban tua nani a tana yeni. O Diedo, hali yeni A buolu ń ba pendi, ki gedi, hali yeni ŋan faabi ya buolu ń ba pendi bi diema nni. ¹⁷ A ba gedi yeni ba, ki kaani ba a faali juali po, Ya kaanu ke, Fini O Diedo ń ŋanbi ya kaanu, ki baa ye. T Diedo, Ya kaangagdiŋamu, ke a nui maa, ki ŋanbi. ¹⁸ O Diedo ba diedi bonli kuli hali ya bina n ki pia gbenma." ¹⁹ Kelima, Farawɔn taami bia mi limɔgli nni yeni o tɔbturdi yeni o tanjagla. O Diedo cedi ke li mɔgli ñima guani ki yili ba. Ama Israyeli yaaba wani, tɔgni li mɔgli siiga nni, ki puodi yeni i taakuomi. ²⁰ Miriyama, ya pua n tie sawalpualo, ki tie Haarɔn ninsalo den taa ki gangaaga, ke bi puoba kuli mo taa mu gangaamu, ki taani o ke bi jeli. ²¹ Miriyama den yiini bi po nanda: " Yiini mani ki dondi O Diedo, kelima o baa li seli yeni ti kpiagdi. O luni o taamo yeni o tanjalo li mɔgli nni." ²² Moyiisi den cedi ke Israyeli yaaba fii li mɔgmɔnli kani, ki cuo u sani Cihuri fanpienma nni. Bi den cuoni dana taa, kaa la ñinñukaama. ²³ Bi den pundi Maara, ama bi den kan fidi ki ñu li ñima kelima mi den to i. Lani n den cedi ke bi yini li kaanu Mara. (lani n tie tie 'u tonu') ²⁴ Lanwani ii, bi niba den fuu yeni Moyiisi ki tua, " Ti ji ba ñu be i?" ²⁵ Moyiisi den yigni ki mia O Diedo, ke O Diedo waani o tiibenli. Moyiisi den luni li benli mi ñima nni, ke mi tua ñinŋanma. Lankani i ke O Diedo den ñani o ñɔbonli ki bili ba, lankani goga i, ke o den bigni ba. ²⁶ O den yedi, "I ya cengi O Diedo, i Tienu maama, ki tie yaali n tiegi o nintuali, i ya luodi i tuba ki cengi o ñɔmaama, ki cɔlni o yikodi - N kan pua yi, min pua Ejipti yaaba yeni yeni ya yianbiadi, kelima, Mini n tie O Diedo yua n tebi yi." ²⁷ Israyeli buolu den pundi Elima, naakani ke piiga n ñinbuna lie ye, ke kpakpaldi piilele see. Bi den caani bi jongu likani, ki kali ki kuli mi ñima.