¹ N go la cancagindi, yebiadma bá ŋanduna nni ne, ke li yema bia o nisaali po boncianli. ² U Tienu ń puni o nilo ŋalmani, li nuukubli yeni ti kpiagdi, hali ke waa pia wan bua yaali, o yuli po, ki ba mangi o pali. Ama u tienu ki puni o ya sanu ke wan mangi o yema. Nitiano n di o piama. Ne tie fanma yeni solindi i. ³ Li nilo ya mali bá bila kobga, ki kpelgi mi yema nni, ki tieni a bina hali boncianla, ama o ya ki mangi o pali yeni o piama, ke bi naa pii o yeni ti kpiagdi, lanwani ii, N ba yedi ke ban mali ya biga ke o kpe, ki lebdi ya yema tu yeni lanya nilo. 4 Kelima li biga mali fanma i, bi mali o li wuoli nni i, obakuliki tiani kipo. ⁵ Bayeni ke li biga ki la u yienu, kaa bandi libakuli, o fuodi, ama o nilo yeni wani ki fuidi. ⁶ Bá li nilo ya tieni bina tuda lie mi yema nni, kaa bandi wan ba mangi o pali maama yeni o piama, o ba juodi kaanyendu i, nani yuakuli yeni, mi kuuma. ⁷ O nilo ń tuuni yaali kuli, li tie o ñɔbu po i, ama, o nan ki kpeli ki yedi ke o guo. ⁸ Ti ya ba maadi i mɔni, o yanfodaano cie yanluodaano ledi i? O luodo ya bani wan cuoni maama bi niba siiga, li ba pugni o be i? ⁹ A ya mangdi a pali yeni ŋan nua yaali, li tu yeni a maalma ń ba tulni ki kuani a kaantianu, li mo tie fanma i, nani o nilo ń deli mi faama yeni. ¹⁰ Yaali n ye kuli den tuodi ki pia li yeli, bi go tuodi ki bani o nisaalo naani yeni yua. Lanwani ii, ki niagi yeni yua n pia ti kpiagdi ki cie ŋa ki pia todmaba kuli. ¹¹ Mi maacianma nni, ti maabiidi mo n yabi, lani mo ba pugni o nisaalo be i? ¹² Kelima ŋma n bani yaali n ŋani o nisaalo po,o yema ń tie nani junjungu yeni, kelima, wan pia ya dana waamu, ki ba tieni? ŋma n ba waani o nisaalo yaali ba yuandi ki cua o kuuma puoli po? ^{11 12} njhbo,lm!: :