¹ A ya caa U Tienu diegu kani, ŋan fangi a yuli. A ya caa likani, ŋan diadi a tuba. ŋan da jegbi mi maama po, ki da jegbi ki niani U Tienu ñɔnianuba kuli, ki nan ki bani wan nua ŋa yeni a tuada maama. ² Da yaadi a ñɔbu, ki jegbi, ki maadi. ŋan ŋa mi yantonma, ki da ti jegbi ki fiini maamaba U Tienu nintuali. U Tienu wani ii, ye tanpoli, fini mo ye tinga po. ŋan maadi ki dagdi. ³ Mi maalcianma n kpedi yeni ti dangbiadi. Mi maacianma mo n kpendi yeni mi tudma. ⁴ . A ya niani U Tienu bonli, ŋan tuodi ki ŋmiani, kelima U Tienu ki cengi yanluodaano maama. ⁵ A ya ki niani , li tu yeni ŋan niani , ki da cɔlni a ñɔnianu. ⁶ ŋan da cedi a ñɔbu ń kuani a i tagli nni, ŋan da ti maadi o salga yidkaciamo, ke a bi tudi i. A ya tieni yeni, a ba fiini U Tienu pali, wan pua ŋa yeni mi biadma ki biidi ŋan lingi yaali. ⁷ Kelima, ti dangciandi nni, nani mi maacianma nni yeni n pia ti maayuoyuodi. Lanwani ii, ŋan fangi U Tienu. ⁸ A ya la ke bi cagni, o luodo, ki wangi o fala, ki muni o o mɔmɔni, ke teginma ki ye, lan da yaalidi a nani nilo ki bani lipo ka, kelima, yaaba n wangi o fala yeni pia yaaba n paa ki cie ba, ki guu ba, ke u paaciamu danba mo ye liiga, ki guu bimo. ⁹ Min ba pugni yaali n tie ke ki tinga po ń luoni yaali kuli tie yuakuli yaali i, O bado mɔno duu u kuanu nni jiema po i. ¹⁰ Yua n bua ligi kuli, kan baa yin dagdi o, yua n lingi ŋalmani kuli, o li lingi ki pugdi i. Lani mo tie fanma i ¹¹ A baali ya pugdi, yaaba n di li baali yeni mo pugdi i. Li baali ji ba pugni li daano be ya ñuadi i. Li nan ya ki tie, wan bili, o nunbu ń ya ñuadi baba yaaka? ¹² O tuonsɔnlo pia mi gɔmanma, wan dini ki guo bii wan dini waamu, ama, o ŋamandaano ŋalmani kan puni o gɔmanma. ¹³ N go la yebiadma bá, ki tinga ne po: O ŋalmandaano n yeni, ke o taa o ŋalmani kuli , kki guuni nani o ya baa yebiadma nni, ki nan ji cagni. ¹⁴ O yuli den bɔni, ke o taa o ŋalmani kuli, ki kuani kpenkpedi tingbali nni, O bijua, wan mali yua mɔno yaadi yeni nuukuomi i. ¹⁵ Nani o nilo naá ń mali o mubili yeni, o go ba ña mi yema nni mubili i. Waa juodi yeni liba kuli o tuonli kuli po. ¹⁶ Yaali n bia opo yeni, nani wan mali maama yeni, o go ba guani ki lebdi yeni i. Lanwani ii, o nilo ń tuuni fanma yeni, li ñuadi mo tie be i? ¹⁷ O yema nni, o den ye, ki di yeni pabɔnli i, ke u yianu yeni ti yanyagdi, li pabienli mo ti ludi o. ¹⁸ Diidi, mini ń la ke yaali n tiegi, ki ŋani, li ke nilo ń di ki guo, ki ñu, ki guo, ki di o tuoni ñuadi. Nani ti tuuni ki tinga ne po, U Tienu ń puni ti ya yema dana kuli yeni, ti tuonli ñuadi n baa tie ti biinu. ¹⁹ U Tienu ń puni yua mi piama, ŋalmani yeni ya sanu ke ba tɔgni, ki di o tuonli ñuadi, ki mangi o yema, lani tie yenpaabu i. ²⁰ Ama o kan tiadi wan ba waagi ya dana, kelima U Tienu cedi ke o fiini o tuonli po yeni o pamanli yeni o yemanma po i.