¹ Haŋne fo no Zelofehfad izey wayey tun. Zelofehad din manti kala Hefer ize no, Jileyad ize ,Macir ize, Manasse ize. Manasse kunda jama ra boro no. Nga mo Yusufu ize no. Wandiyey maayey neeya: Mala, da Noha, da Milka, da Hogla, da Tirza. ² I kaa Musa, Alfaga Eliyezar, da i jine borey, da i jama kulu margu. I go Rabbi humkumo jarga, i ne: ³ iri baaba bu teneera ra, a si mo kwaarey ,da jama, da borey kaŋ murte Rabbi ga. Amma a bu nga zunubo sabbay se, a sinda mo ize alboro kulu. ⁴ I fo se no i ga iri baaba maayo ka almayaalo ra, zama se a sinda ize alboro? ni ma iri no iri ba tubo nga izey game ra. ⁵ Musa kande i sanno Rabbi do: ⁶ Rabbi mo ne Musa se: ⁷ Zelofehad izey wayey gonda cimi. Ni m'i no tubu i baaba nya ize game ra. Ngey se no ni ga i baaba tubo no. ⁸ A banda , ni ma salaŋ Israyla izey se ga ne: da alboro bu nga no a sinda ize aru kulu , a tubo ga ciya a izey wayey wane. ⁹ Da a sina ize wayyaŋ, a m'a tubo no a nya izey alborey se. ¹⁰ Da a sinda nya ize kulu mo, araŋ ma tubo no baabo nya izey se. ¹¹ Daa sinda baabo nya izey , araŋ ma tubo no boro kaŋ ga manu a ga gumo a almayaalo ra. Saadino a ga ciya lordi da hini sanney kaŋ Rabbi no Israyla izey se, sanda mate kaŋ cine na no Rabbi na Musa lordi nda. ¹² Rabbi ne Musa se: ni ma kaaru Abrahim tondi kuuko boŋ g fonnay ga di laabo kaŋ ay ga no Israyla izey se. ¹³ Ni ma guna, amma ni si furo a ra, mate kaŋ cine ni beero Haruna bu a mana furo a ra. zama araŋ wangu ga te wo kaŋ ay ci araŋ se noodin sin teneera ra, waato kaŋ Israyla izey zinini ay ga. ¹⁴ zama araŋ mana ay maayo hannandi jama jine harey do, sanda Kades zinini harey nooya, noodin sin teneera ra. ¹⁵ Musa salaŋ Rabbi se ga ne: ¹⁶ ya Rabbi, nin kaŋ ga ti gaham biyey kulu Irkoyo kala ma suubaŋ boro fo a ma ciya jama wo se jine boro. ¹⁷ kaŋ ga fatta ga furo i jine, kaŋ g'i ka taray, a ma ye ga iyeeti, hala Rabbi jama ma si ciya feejiyaŋ kaŋ sinda kuruko. ¹⁸ Rabbi ne Musa se: ma suuban Yasuwa Nun izo, boro no kaŋ no ay biya go a boŋ, ma ni kamba mo dake a boŋ. ¹⁹ Ma kanda kayandi Alfa Eliyezar nda jama kulu jine , n'i ma goyo ci a se mo jama kulu jine ²⁰ Ni m'a ni beera zumandi a boŋ, kaŋ ga nan Israyla izey kulu m'a gana. ²¹ nga mo ka kay Alfa Eliyezar jine kaŋ ga Urim ciito asariya hǎ Rabbi ga a se.Yasuwa,nga Israyela izey, da jama kulu . Alfa Eliyezar lordo boŋ no i ga fatta, a lordo boŋ mo no i ga furo. ²² Musa mate kaŋ Rabbi ci a se. A na Yasuwa ce, ga kayandi Alfa Eliyezar da jama kulu jine. ²³ A na nga kambey dake a boŋ, g'a goyo kulu ci a se, mate kaŋ Rabbi n'a ci da Musa do.