¹ Rabbi salaŋ Musa se ga ne : ma lordo no Israyla izey se, ma ne i se mo: ² A ga himanda, araŋ ma kande ay se alwaato kaŋ ga hagu ra, sargarey kaŋ i ga tone danji ra, kaŋ yaŋ ga kaanu ay se. ³ Ni ma ci i se ga ne: woone ga ti sargay kaŋ i ton da danji kaŋ araŋ ga salle Rabbi se: zaari kulu feeji jiiri fo ize, i hinka kaŋ sinda larru, a ma ciya duumi sargay summaare kaŋ i ga ton. Ni ga feeji-ize fa sarga susubay, A fa mo ⁴ wiciri kambu. ⁵ Sarga mo se ni ma haamni baano, sanda zaka hinka cine tonton a ga, k'a kaasum nda zeytun gabante-jii butal fo da jare cine. ⁶ Duumi zargay kaŋ i ga ton nooya, sanda mate kaŋ cine i n'a te nda Sinayi tondo boŋ, sargey kaŋ i ga ton do danji no, kaŋ a hawo ga kaanu Rabbi se. ⁷ Feej'ize fo kulu sarga se, i ga sambu duvan hari litar fo da jare nangu hannanta ra no i ga duvan haro sarga ga dooru Rabbi jine. ⁸ Feej'ize hinkanta mo ni ga sarga wiciri kambu mate cine ni te susuba ra wono se, yaadin cine no ni ga te nga mo se. Sargay no kaŋ i ga ton danji ra kaŋ a hawo ga kaan Rabbi se. ⁹ Fulunzamay zaari kulu hane araŋ ga feeji gaaru jiri fo ize hinka kaŋ sinda laru sarga , da hamni baano zaka iddu kaŋ i diibi da ji, d'i hangaŋ sarga mo. ¹⁰ woone ga ti fulanzamay zaari kulu hane sarga kaŋ i ga ton, kaŋ manti sarga kaŋ i ga ton duumi, nda haŋyaŋ sarga. ¹¹ Hundu taji kaŋ yaŋ kulu araŋ ga kande haw yeeji ize hinka, feji gaaru fo, da feji ize kaŋ yaŋ goŋda jiri kaŋ yaŋ sinda laru. ¹² Da ga sargey kulu, haw yeeji kulu se mo no araŋ ma kande hamni baano zakaŋ i ga kassoum da ji. Nda kaŋ sargarey no feji gaaro se mo, araŋ ga kande hamni zaka kannaŋdi waw ra i hinza ra, i ga kassoum da ji. ¹³ Nda kaŋ sargarey no feji ize se mo no, araŋ ma kande hamni bano kannadi way ra a fo, zaka hinkaŋta kaŋ i kassoum da ji.Sargey yaŋ no kaŋ i ga ton daŋji ra, i ga kaanu gumo Rabbi se. ¹⁴ Hanyyan Sarga mo duvan litar hinza no haw yeeji fo se, feji gaaro fo mo se litar hinka nda jeere, feji ize fo kulu no se litar fo nda jeere. ¹⁵ woodin banda ng hincin jindi fo salle Rabbi se zunibi. ya fayan saragey kaŋ ga wana duumi sarga kan i ga ton nda hanyaŋ sarga. ¹⁶ Jiiro handu sintina, a jirbi way cindi taacanta hane. Rabbi Paska batu no. ¹⁷ Hando din, way cindi guwa hane batu bambata zari no. Jirbi iyye nda care game ra, i ga buuru nwa kaŋ sinda dalabu. ¹⁸ zari sintina din ra, i ga marga hannanta te: araŋ ma i si goy kulu kaŋ ga tabandi te. ¹⁹ Araŋ ga sargay yaŋ kaŋ i ga ton danji ra salle Rabbi se: Haw yeejiize hinka, feji gaaru fo nda feji jiri fo ize iyye kaŋ sinda laru kulu. ²⁰ Ma kande mo i nwaari sargayey, hamni baano kaŋ i kaasum da ji. feeji fo kulu se wa no zaka yagga, feeji gaaru fo kulu se mo zaka iddu. ²¹ Feejize iyya mo a fo kulu se zaka hinka. ²² Araŋ ma hincin jindi fo salle zunubi yaafa yaŋ sargay, hala a ma sasabandiyaŋ te araŋ se. ²³ Sargayey din kulu kaŋ araŋ go te si susubay kulu duumi sarga ganji. ²⁴ Mate kaŋ araŋ ga hima ga te ne zaari kulu kala jirbiyye, dwaari sargey kaŋ i ga ton danji ra kaŋ hawo ga kaanu Rabbi se. Nooyaŋ woodin yaŋ ga fan nda sargay summaara kaŋ i ga tun, nda hanyay sarga mo. ²⁵ Zaari iyyanta hane, araŋ ma marga hanante te , araŋ ma si goy kulu kaŋ ga taabandi te. ²⁶ Boŋ-jina bato hane alwato kaŋ araŋ ga kande hamni taji sarga Rabbi jine habu iyya banda, kala araŋ ma marga hanante te araŋ ma si gay kulu kaŋ ga taabandi te hano din. ²⁷ Day araŋ ma sargay yaŋ kaŋ ga kaanu Rabbi se salle nda wane: haw yeejo hinka, feeji gaaru fo, da feeji izey iyye. ²⁸ Araŋ ma daŋ i bande i sargayey kaŋ ga hima: hamni baano kaŋ i kasume da ji. haw yeeji fo kulu se i ma ka zaka yagga. feeji gaaru fo kulu se i ma ka zaka iddu. ²⁹ Feejiize fo kulu mo i ma se zaka hinza, feejize iyya kulu mo se. ³⁰ Araŋ ma hincin jindi fo sarga i ma do ga sasabandi te araŋ se mo. ³¹ woone yaŋ kulu no i ga tonton duumi sarga kaŋ i ga ton gaa, da hawro sarga gaa, da haŋyaŋ sarga ga. ira baa a fo ma si bara nda laru.