¹ Balawo banda da mo, Rabbi ne Musa nda Eliyezar , alfa haruna izo se. ² Araŋ ma Israyla izey kulu kabu, za jiiri waranka me kala a ma koy bene , a fo kulu nga kayey almayaley boŋ, wo kaŋ yaŋ ga hin ga koy wongu. ³ Musa nda alfa Eliyezar salaŋ i se Mowab battamey ra, Urdun isa me ga kaŋ go Yeriko jerga. I ne: ⁴ iri ga jama kulu kabu, za jiiri waranka ga koy beene,mate kaŋ no Rabbi na lordi nda Israyla izey se wato kaŋ i fatta Misira laabo ra. ⁵ Ruben Israyla hay-jina, a izey ga ti: Hanoku, kaŋ gonda izey bobo, da Pallu , a gonda izey bobo, ⁶ da Hezron mo gonda izey bobo, da mo Karmi, a gonda izey bobo. ⁷ Ruben almayaaley kunda no yaa. borey kaŋ yaŋ i kabu i ra si kala boro zambar waytaaci cindi hinza nda zangu iyye nda waraza. ⁸ Pallu izo mayo ga ti: Eliyab. ⁹ Eliyab izey mayey neeya: Nemuwel,da Datan, da Abiram. Ngey no ga ti borey kaŋ yaŋ i ce jama marga jine, kaŋ yaŋ yanje nda Musa nda Haruna, waato kaŋ i na banda bare Rabbi gaa. ¹⁰ Hano din hane, no laabo na nga meyo feri, ga i goone nga nda Kora marga buuyanŋo ra, danji na boro zangu hinka da waygu nwa. wodin no ciya i se alaama hari. ¹¹ Amma kora izey mana bu. ¹² Simeyon izey ne ya, a fo kulu din kunda boŋ: Nemuwel ga no Nemuwelancey funu; da Yamin, ga no Yaminancey funu; da Yacin ga no Yacinancey funu; ¹³ da Zera, ga no Zerancey funu; Sawul ga no Sawulancey funu. ¹⁴ wo ne ga ti Simeyon kunda jama. boro zarmbar waranka cindi hinka da zangu. hinka. ¹⁵ Gad izey ne ya, ngey alamayaley boŋ: Sefon ga no sefonancey funu, Sunu ga no, suniyaŋancey funu. ¹⁶ Da Ozni ga no, ozniyancey funu, da Eri ga no,Eriyancey funu, ¹⁷ da Arod ga no arodancey funu, da Areli ga no areliyancey funu. ¹⁸ Gad kunda almayaaley no ga , i ni lassabu: ngey boro zambara waytaci nda nda zangu gu . ¹⁹ Yahuda izey no ya: Er nda Onan, ingey wo bu kanaana laabo ra. Yahuda izey kaŋ du bandaa, afo kulu nga ²⁰ almayaalo boŋ: Sela ga no selaniyancey funu, ²¹ Farisa ga no farsancey funu, Zera ga no zerancey funu. ²² Yahuda kunda almayaalo no ya, i ni lassabu: ngey boro zambar wayye cindi iddu nda zangu gu. ²³ Isakar izey kunda ne ya , a fo kulu nga almayaalo boŋ: Tola kaŋ ga tolancey funu, ²⁴ Yasub, kaŋ ga yasubancey funu. Puwa, kaŋ ga puwancey funu. Yasub, kaŋ ga yacubancey funu , Simro kaŋ ga simroncey. ²⁵ Isakar kunda almayaaley no ya. i mi lassabu: ngey boro zambar weydu cindi taaci nda zangu hinza. ²⁶ Zablula izey kunda ne ya, a fo kulu nga almayaalo boŋ Saredu ga no sareduyancey funu, Elon ga no, Eloyancancey funu, Yaleyel ga no yaleyancey funu. ²⁷ Zablula kunda almayaaley no ya boŋ, kaŋ i ni lassabu: i boro zambar weydu nda zangu gu. ²⁸ Yusufu kunda izey ne ya, a fa kulu nga almayaaley boŋ: Manasse nda Ifraymu. ²⁹ Manasse izey ne ya: Macir ga no Macirancey funu. Jileyad ga no jileyyancey funu. ³⁰ Jileyad izey ne ya: Yezer ga no yezerancey funu, Helek ga no helekancey funu. ³¹ Azrigel ga no azriyancey funu, Sekem ga no sekancey funu. ³² Semida ga no semidancey funu. Hefer ga no Heferancey funu. ³³ Zelofehad no ga ti Hefer ize aru fo, nga wo sinda alboro, kala ize wayboro yaŋ.Zelofehad ize wayborey maayey ga ti: mala nda Noha, da Hogla, da Milka, da Tirza. ³⁴ Manasse kunda almayaaley no ya, i ni lassabu: nguey boro zambar waygu cindi hinka da zangu iyye. ³⁵ Ifraymu izey kunda ne ya, afo kulu nga almeyaalo boŋ: ³⁶ Sutela g no sutelancey funu, Beker ga no bekerancey funu, Tahan ga no tahancey funu. Sutela izey ga ti Eran, a ga Erancey funu. ³⁷ Ifraymu kunda almayaaley nooya, i ni lassabu: ngey boro zambar waranza cinda hinka da zangu. wone kulu Yusufu izey kunda no afo kulu nga almayaalo boŋ. ³⁸ Benyamin izey kunda ne ya, afo kulu nga almayaalo boŋ: Bela ga no belancey funu, Asbela ga no asbelancey funu, Ahiram ga no ahiramcey funu, ³⁹ Sefufam ga no sefufamcey funu, Hufam ga no hufamcey funu. ⁴⁰ Bela izey ga ti: Arda nda Naaman, Arda ga no Ardancey funu, Naaman ga no Naamancey funu. ⁴¹ Benyamin kunda almayaalo no ya, i ni lasaabu: ngey boro zambar waytaaci cindi gu da zangu iddu. ⁴² Dan izey kunda ne ya, afo kulu nga almayaalo boŋ: ⁴³ suhan ga no suhancey funu. nga hinne ga no Dan kunda jama funu. Suhan kunda almayaaley nooya, i ni lasaabu: ngey boro zambar waydu cindi taaci nda zangu taaci. ⁴⁴ Aser izey kunda ne ya , afo kulu nga almayaalo boŋ: Imna ga no Imnancey funu, Isbi ga no, isbiyancey funu Beriya ga no , beriyancey funu. ⁴⁵ Beriya izey ga ti: Heber, kaŋ ga heberancey funu, nda Malciyel, kaŋ ga malciyel funu. ⁴⁶ Aser ize waybora maayo ga ti Sera. ⁴⁷ Aser ize kunda almayaaley nooya, i ni lasaabu: ngey boro zambar waygu cindi hinza nda zangu taaci. ⁴⁸ Naftali izey kunda ne ya, afo kulu nga almayaalo boŋ: Yazeyel ga no, yazeyelancey funu, Guni ga no, guniancey funu, ⁴⁹ Yezer ga no, yezerancey funu. Sillem ga no, sillemancey funu. ⁵⁰ Naftali kunda almayaaley nooya, i ni lasaabu: ngey boro zambar waytaaci cindi gu nda zangu taaci. ⁵¹ woone gaŋ ga ti Israyla izey kaŋi kabu, i si kala ngey boro zambar zangu iddu nda zambar fo nda zangu iyye da waranza. ⁵² Rabbi salaŋ musa se ga ne: ⁵³ i ga laabo fay i game ra, a ma ciya i wane, i mayey dimma boŋ. ⁵⁴ Borey kaŋ yaŋ jama ga baa, i m' i no baa beeri, borey kaŋ jama si baa, i m'i no baa kayna. I ma boro kulu no nga jama baayaŋ boŋ. ⁵⁵ Kulu nda yaadin, caca boŋ araŋ ga laabo fay i se. I kaagey kundey maayey boŋ no, i g'a du ngey nangey. ⁵⁶ Caca boŋ no i ga laabo fay borey kaŋ gonda jama ngey da care game, borey kaŋ sinda jama mo ngey da care game. ⁵⁷ Borey kaŋ yaŋ i lasaabu lawitey kunda neeya, afo kulu nga almayaalo boŋ: Gerson kaŋ ga gersonancey fun, kohat, kaŋ ga kohatancey fun, Merari, kaŋ ga merariancey fun. ⁵⁸ Lawitey almayaaley neeya: Libna jama, da Hebron jama, da Maliya jama, da Musa jama, da Kora jama. ( Kohat no na Amram hay). ⁵⁹ Amram wando maa ga ti Yokabed, lawiti waybora fo no kaŋ i hay lawitey kunda ra, za i go Misira laabo ra. Nga no na Haruna, da Musa , da i waymo Mariyama hay Amram. ⁶⁰ Haruna izey kaŋ a du neeya: Nadab, da Abihu, da Eliyezar, da mo Itamar. ⁶¹ Nadab nda Abihu wo bu, hano kaŋ hane i na danji kaŋ mana hima nda diyandi Rabbi se. ⁶² Alborey kaŋ yaŋ i lasaabu lawitey kunda ra, za handu fo ize ga koy beene, i si kala ngey boro zambar waranka cindi hinza no. ngey wo i mana i daŋ Israyla izey lasaabu yaŋ o ra, zama i mana batama kulu tubu israyla izey banda. ⁶³ woone yaŋ ga ti Israyla izey kaŋ Musa, da Alfa Eliyezar kabu. i na Israyla kabu Mowab batama ra Urdun isa jarga. kaŋ ga tanjay nda Yeriko. ⁶⁴ Amma borey kaŋ yaŋ Musa da Alfa Haruna jin ga kabu, za i go Sinayi teneera ra, baa a fo mana cindi borey wo ra. ⁶⁵ Zama Rabbi na ci i se ga ne: " i kulu ga bu teneera ra , ba afolloŋ si cindi kala day Yefunna izo Kaleb, da Nun izo Yasuwa.