¹ Wa hangan ay kan Rabbi Irkoy go ga ne : Tun ga kay, koy ga fansa tondi kuukey jine, tondi-darey mo ma maa ni jinda. ² Tondi kuukey, wa hangan Rabbi Irkoy ciito, da'aran mo ndunŋa gangi gabey ! Zama Rabbi Irkoy gonga ciiti da nga jama, a ga baa nga ma fansa da Israyla. ³ Ay jama, ifo no ay te ni se ? I fo ra no ay na ni fargandi ? Tu ay se. ⁴ Zama ay nin kaa Misira laabo ra, ay nin komandi ga kaa tamtaray fuwo ra, ay na Musa, Haruna nda Mariama samba ni jine. ⁵ Ay jama, fongu ay kan Moab bonkoono Balak sijira, da hay kan Balaam, Beor izo tu a se ga ne, za Sittim ga koy kala Jilgal, ni ma du ga Rabbi Irkoy te-goy hanney bay. ⁶ Ifo no ay ga sambu ga koy kay Rabbi Irkoy jine, kan ga nan ay ma'ay boŋ keynandi Koy beero jine ? Ay ga kaa da sargay kan i ga ton no, wala nga yeeji-ize kan gonda jiiri fo ? ⁷ Rabbi Irkoy ga yaada ga feeji zambar da zambar yaŋ ta ? Wala ji gooro hala zamba way ? Ay ize hay-jina no ay ga noo ay ga noo ay zunubey yaafa se ? Wala hay kan fun ay teelo ga, ay fundo zunubo sabbay se ? ⁸ Ya adam-izo, i caabe ni se wo kan ga boori, wo kan Rabbi go ga batu ni ga, ga ti ni ma goy da ciimi, ni ma bã bakaraw, ni ma dira mo boŋ ye ganda yaŋ ra, ni koyo jine. ⁹ Rabbi Irkoy jinda go ga kaati kwaara ga, boro kan gonda lakkal mo ga maa beerandi. Wo hangan sarro se, da boro kan go ga kar. ¹⁰ Arzaka yaamo yan cindi boro laala fuwo ra no ? Wala zamba neesiji, laali yan hari. ¹¹ Boro ga hin ga hannan da taariyan neesiji, wala ay ma fodo kan go konu, tinandi ? ¹² I arzakantey to da laalyaŋ, i kwaara borey ga sallan da taari, i deney mo manti kala zamba i meyey ra. ¹³ Woddin se no, ay ga taabi zumandi ni boŋ, ay ga ni halaci mo ni zunubey sabbay se. ¹⁴ Ni ga ŋwa, ni si kungu, haray mo si bay ga ban ni gaa, ni ga ŋwaari kaa wani amma a kulu ga daray, wo kan ni ga du ga ye kambu ga mo, ay ga say da takuba. ¹⁵ Ni ga duma, ni si wi mo, ni ga zatun kankam ni si du mo ji kan ga yoonu, ni ga reyzin kankam amma ni si haro hã. ¹⁶ I go ga Omri namey gana, i go ga Achab windo ce dirrawo gana, aran mo go ga dira i yaamaryaŋey boŋ; Woddin se no ay ga halciyaŋ zumandi ni boŋ; borey ga donda'ni kwaara borey, aran ga ay jama taalo jare.