¹ Laali yan to ay! nga ne ay ciya sanda turiize ceciko margu yano banda, sanda reyzin zugulu ceciko museyanon banda; reyzin ize zugulu sino koyne kan ga nwa, jeejey ize-jina kan ay bina ga lami mo sino koyne. ² Goy hanno teko mana cindi koyne labora. Adilante mo sino borey game ra koyne; i kulu bare solante yan kuuri mune yan se, afo kulu gono ga kumsey hirri nga nya-izo se. ³ I kambe ga wasi hari laalo teyan ga: Koy-ize go ga borey tillasandi, citikoy go ga banandi baatu, i ra i beero mo goono ga nga binya cabe, i kulu goono ga maragu ga te mee fo. ⁴ Bora kan daama nda i kulu no ga hima nda karji, i ra addilanta nga no jaase karji gumbi laalo yan. Ni goje yano zaaro kan annabey salan gono ga kaa. Watin din cine no i ga furo bonhawey ra. ⁵ Ma si naaney ni cora ga, ma si ni bon talfi ni bine-bakwa ga ; ma hin ni meyo ba weybora kan ga kaani ni ganda ra din se. ⁶ Zama ize aro ga donda nga baaba, ize wayo mo ga ture nga nya gaa, ize aru wande ga ture nga anzurey waybora gaa; booro windo borey ga bare ga te ni ibare yan. ⁷ Amma ay wo Rabbi do harey no ay ga ay moyduma bare, I ma ay beeja kulu dan a faaba Irkoyo ga; I Irkoyo mo gatu ay se. ⁸ I ibaro ma si ay haahara, ba ay kan, ay ga tun; Rabbi ga cia ay kaaro, ba ay go ga gooro kubey ra. ⁹ Ay ga hin Rabbi futta suro, zama ay no na zunubi te a se, kala wati kan se a nay fansa kay no cimi; a ga kande ay kaari ra, ay ga di mo a adilitara. ¹⁰ Ay ibarro ga di wodin hawi mo. Nga (wayboro) kan ga ne ay se: "Mana Rabbi ni Irkoyo?" Ay ga farhan mo da ay moyey di'a. Waati din ga no i ga taamu sanda bulungu fondo cine. ¹¹ Zaro kan i ga ye ga ni birney cina, zaro din i ga ni hiirey hibandi ka moorandi. ¹² Zaro din ra, I ga kaa ni do ka fun Assiriya, da Misira kwara beerey ra, Za Misira kala isa ga. Za teeko kala teeku fo ga, nda za tondi kuuku fo, ga koy a fo ga. ¹³ I ga laabo alandaba a laabizey sabey se, nda a te goyey se. ¹⁴ Ni jama kuru nda ni kubey goobo, ni kuro kan ni tubu, kan go ga bafuney nga hine karmel saajo bindo ra! I ye ga kuru Basan bon nda Galaadi ra sanda waato. ¹⁵ Sanda hano kan hane ni fata Misira laabo ra, ay ga nan ni ma di ay dambara harey. ¹⁶ Dumi cindey ga di woodin, da ngey hina bero kulu ga bare bonhawey ra; i ga kambe dake ngey meyey gaa zama wokan i go ga maa beeri nda hangey. ¹⁷ I ga kusa han danga gondi cine, danga alamaney kulu kan gandabiri ganda cine; I ga fatta ngey tuguyaney do da humburkumey beeri; I ga jiijiri Rabbi Irkoyo jine, i ga humburu ni mo. ¹⁸ Koy fo no ga hima nda ni, kan ga laala teko yaafa a ma zunubi mo bisandi nga wane tubo kan cindi din se. A futa si kuu, zama bakarawkoy no. ¹⁹ A ga bakkar iri se ba sohon, a ga ir taaley dan nga cey cire; I zunubey mo kulu ni gi catu i ma sundu teeko ra. ²⁰ Ni ga adiltarey seedandi Yakuba se, ni gomno mo, Ibrahim se, mata kan cine ni na zee d'a iri kaayey se za wato.