¹ Sohon binde jama koyo, ma si wongu jama kulu margu, zama i na ir windi, i na goobu dan ga Israyla ciitika kar garba gaa. ² Ni mo Baytalhamia afrata, nin kan ga ti i kulu i kayna Yahuda jama ra, ni ra no bora kan go may Israyla boŋ ga fatta nga kaŋ kajo gono za don zamaney ra, za don kan sinda me. ³ Woddin se no ay ga'i noyandi, kala weybora kaŋ go ga hay-zaŋey ma hay jina, wato din ga no Israyla ŋya-ize cindey ga ye ga ka a do. ⁴ A ga kay i jine, a ga may nga Rabbi Irkoy gaabo nda a koytara, i ga du nangorey tabbatante, i ga beerandi mo nangu kala hala ndunŋa me. ⁵ Nga no ga kande lakkal kaney, alwaati kaŋ assiriyanca ga ga kande wangu ir laabo gaa, ga ne nga ma furo ir bonkooney windey ra, ir ga boro yaŋ taŋ a ga, kuruko iyye, da koy hakku jama ra. ⁶ I ga Asyria laabo halaci nda takuba, nda Nemerod taabo mo kala a birni meyey gaa. A ga'ir faaba ga ir wa nda asyriyanca, waati kaŋ a ga kaa ga ne nga ma furo ir batamey ra. ⁷ Yakuba dumo jara ga bara taabey ra jama boobo game ra, sanda haranda kan fun Rabbi do, sanda hari kaŋ go subu boŋ : a si ga kaaba boro fo gaa, a baafuna si adamayze kambe ra mo. ⁸ Yakuba dumo jara ga bara labey ra, boobo game yan ra. Sanda muusu beeri kan go saaji almaney game ra, sanda muusu beeri ize kaŋ go feeji kuru yaŋ ra, naŋ kaŋ a ga bisa kulu, a ga tutubu, a ga kortu kortu boro kulu si hin ga ne hay fo mo. ⁹ Ni kamba ma hin ni yanje kaarey, ni ibarey kulu mo i m'i halandaaba. ¹⁰ Rabbi Irkoy ne : zaaro din hane, Ay ga wangu bariyey, nda ni torkey kul halaci. ¹¹ Aybga ni laabo kwaara beerey kulu halaci,bay ga cinari beerey kulu zeeri. ¹² Ay ga ziimataray kulu dumi kaa ni kamba ra i si ye ga du gunako ni kwaara. ¹³ Ay ga tooru nda bundu jabante kulu halaci ni laabo ra, ni si ye ga suduudu ni kambe goyey se koyne. ¹⁴ Ay ga ni waybo himandi tooro halaci, waato ga ay ma ni kwaarey alandaaba. ¹⁵ Ay ga ay alhako kaa dumey kaŋ yaŋ mana ay cimandi gaa, nda dukuri, nda futay laabo.