¹ Ay ne: " Wa hangane ka maa Yacuba jine borey, Israyla windo koy izey manti aran no hima ka cimi ciiti bay bo? ² Aran ga konna gumo i hanno ga baa i laalo, aran kan go ga i gaaham-kourey foobu ka kaa i ga, k'i hamo mo kaa i ga ka fanda gaham biryey. ³ Aran kan yan ga i jama hamo nwa, aran kan go ga i gaaham-kourey foobu ga kaa gani nwa, kani biryey ceeri-ceeri. Cimi aran goono ga ni dumbu-dumbu, danga hay kan i go ga dan kusu ra ka hinna. ⁴ Ga no i na jinde sambu Rabbi gaa, amma a si tu i se. Alwato din ra a ga nga moyduma tugu i se, zama i na teera laalo-yan te. ⁵ Ya no Rabbi ci annabey bon kan yan na ay jama darandi, kan yan ga lakalkaney ci, da i hinjey gonda hay kan yan ga kaama, amma i ga wangu fee da i maana du hay kan i dan ngey mayey ra. ⁶ Wodin sabey se no cino ga to aran ga, aran bangandiyaney ma darey aran se kala kuubay, wayna ga kaan annabey ga, zaaro ga te kubay i bon. ⁷ Guna koy ga furo bonhawey ra. Zimmey mo hawi g'i di, i kulu ga ngey kambey daabu, zama Irkoy si tuu i se. ⁸ Amma ay wo, ay to da gaabi da Rabbi biya, ay to da cimi da hima hala ay ma Yacuba cabe ay taalo, Israyla mo ay zunubo. ⁹ Wa hangane woone wo Yacuba windo may koyey da Israyla windo bonkonizey. Aran kan si baa cimi, aran ga cimi fondo kayyantey siirandi. ¹⁰ Aran kan Sihiyona na cina da kuuri, Ursalima mo addiltarey janey. ¹¹ A koyey ga ciiti te da nukkandi yan, a Alfagey ga cawandi banandi se, a Annabey mo ga gunayan te nooru se. I ga yarda ga jeeri Rabbi ga, i ma ne: "Manti Rabbi go iri game ra, masiba kulu si to iri ga mo." ¹² Wodin se no, aran ga Sihiyona faare danga faari cine, Ursalima mo ga cia tondi zanjaarmi. Rabbi windo tondo ga hima nda tuuri gumbi.