¹ Laali yan hariyan no ngey kan yan ga dabari laaloyan mille, i ga laala goy-yan soola ngey daarey bon. Da moo-bo i ga i te, waati kan i du dabaro ngey kambe ra. ² I ga bini farri yan se, i ga i taa mo, I ga windi yan kom, i ga ngey laala dake boro bon, da bora da nga tubo. ³ Woodin se Rabbi saano kan a saalan ne: "Guna, ay ga balawu soola dumi woone se, aran si hin ka aran jindey halasi, aran si hin ka dira ka aran bon sambu beene, zama alwaati wooneyan ga ciya i laalo. ⁴ Zaaro din ra i ga aran ciya mulsay missa. I ga bakaraw heeni te, iringa ne : Iri mulsu, a ga ay jama baa no boro foyan se. Ifo binde A ga kulu ta. A ga ir farey fay ibarey se!" ⁵ Woodin se no ni si du boro kan ga korfo candi ka nga baa neesi se Rabbi jaama ra. ⁶ I go ga ne: "Wa si annabitarey woone dumi yan te. I ma si hayey wo dumi annabitarey te! Hawantey sinda kookoro." ⁷ Ya nin Yacuba jaama, ni ta ga salan yacine? Rabbi ga waasi ga futu no? ya cine no a hima ga te? Wala ay sanney manti i hanno yan no boro kan ga dira cimi ra se? ⁸ Zaa geyan i jaama goono nga tun ga key danga ibaryan. Aran go ga borey kan yan fun wangu baani-samey, kwaayey berey kaa i ga ka cindi i kayney. ⁹ Aran na ay jaama wayborey kaa ngey kaa ngey windey kan i ga baa ra. Aran na ay darza kaa hala abada Ii izey gaa. ¹⁰ Wa tun ka dira! zama nangu wone manti fulanzam yan nangu do no. Ziibi sabey se no, taabi yan ga bara, taabi laalo yan. ¹¹ Hala dey boro gono ga zuru hawo bande, ga sintin ga taari ka ne: "Ay ga annabitarey te ni se duvan da baaji gaabi-koney bon, to bora din ga cia jaama din se annabi." ¹² Ay ga aran kulu margu nin Yacuba, ay ga Israyla cindo margu,i ga margu sanda kaali ra feeji cine, sanda kuru kan go nga kurey batama ra, borey konsongu beero ga te. ¹³ Bora kan na yulba te nga no ga furo i jine. I ga kalo mayo bagu ka fatta, koyo ga furo i jine, Rabbi mo ga cia i bono.