¹ Alwato din da Efraymu salan humburkumay bambanta no : a tun beene Israyla, amma a koy ga Baal gana, hala a bu mo. ² Hala sohõ mo i go zunubu teeyaŋ ga, i ga himandiyaŋ soogu nda ngey nzorfey, ngey lasabey boŋ, tooruyaŋ kaŋ i zamey ga te i se i ga ne i boŋ : borey kaŋ yaŋ koy sargey te ga tooru handeyze sunsum. ³ Woddin se i ga hima sanda susubay da himay buru, sanda haranda kaŋ ga wasu ga daray, sanda dũ kaŋ i go ga faaru du bandu ra, sanda dullu kan go ga fatta hinayan fu ra. ⁴ Ay mo no ga ti Rabbi, ni Irkoyo za ni go Misira laabo ra. Ni sinda koy kulu kala ay. Faabako kulu sino kala ay. ⁵ Teneerera ra no ay na ni bay, koogandi batama ra. ⁶ I kungu no i kurey batamey ra, i naŋ kungu kulu i te boŋbeerey, woddin sabey se i dirgan ay ga. ⁷ Ay ga ciya i se sanda muusu beeri, sanda Mari ay ga gum g'i batu fonda boŋ. ⁸ Ay g'i kar da laalayaŋ sanda Urs kaŋ i na izo sambu, ay g'i gandey kortu mo; ay l'i ŋwa sanda mate kaŋ cine muusu way ga te, saajo ra almane-izey mo g'i pati-pati. ⁹ Haya kaŋ kande ni halaciyaŋo Israyla, ga ti kaŋ ni na ay di yenje, ni yenje nda bora kaŋ nga hinne no ga hine ga ni faaba. ¹⁰ Mana ga ni bonkoono ? A ma ni faaba kwaarey wo kulu kambe ra ! Man ni ciitikey kaŋ yaŋ ma gaa ni ne : ir no bonkooni nda koy yaŋ ? ¹¹ Ay futa ra ay na ni no bonkooni, ay futay beero ra mo ay g'a kaa. ¹² Efraymu taalo go jisante, a zunubo mo go daabante. ¹³ Hayzaŋey dooro ga ka a ga, ize no kaŋ sinda lakkal, kaŋ ga wanji ga fatta ŋaŋo gunda ra. ¹⁴ Ay g'i faaba alaahara hino gaa. Ay g'i wa nda buuyaŋ. Ya buuyaŋ mana ga ni fotto ? Ya alaahara man ni halaciyaŋo ? Amma tuubiyaŋ fatta ay moyey cire. ¹⁵ Ba kaŋ Efraymu te arzankante nga izey kulu game ra, wayna funay hawo ga kaa Rabbi ga hawo funsu ga kaa ga fun teenerera ra, a g'a day, da hari moyey kulu koogandi, i g'a arzaka nda jisiri darzantey kulu ku. ¹⁶ Samarya mo i g'a gooje, zama a ture Rabbi ga. Takuba ga i kulu zeeri, i izey kayney lo i g'i tutubu, i g'i wayboro gunde koyey mo goundey kortu.