¹ Israyla ye ga ka Rabbi ni Irkoyo do, zama ni kaŋ ni taaley sabay se. ² Wa sanni yaŋ sambu aran bande ga ye ga kaa Rabbi ga. Wa ne a se : Ni ma iri talley yaafa, ni ma kubayaŋ hane te iri se ! Ir me sanney no ir ga sarga ni se, yejiyaŋey nango ra. ³ Asiriyanca si ir faaba, ir si karu bari boŋ, iri si ye ga ne mo ir kambe goyey se: iri Irkoyo zama ni jarga no alatumi ga dubakaraw. ⁴ Ay g'i jan ga adiltara hanse, ay ga barey cimi wone, zama ay futa bara ga fun i ga. ⁵ Ay ga ciya Israyla se sanda harandan cine, a ga zay sanda waaliya boko cine , a kajey mo ga zey sanda Liban turi ŋya. ⁶ A kambey ga feri; a boriyaŋo ga ciya sanda zeytun ŋya, nda Liban ŋya hawo cine. ⁷ I ga ye ga ka ga goro a biya cire, i ga ye ntaasu far, a ga zay mo sanda reyzin ŋya; i maa bera ga hima da Liban reyzin haro cina. ⁸ Efraymu, ifo no ay ga tu a se, ay ga hagoy da, ay ga ciya a se danga Sipres ŋya biikoy. Ay do no ni ga du ni nafa. ⁹ Boro kan gonda lakkal ma hagoy da hayey wo ! Boro kan ga caram ma faham dey ! Zama Rabbi fondey si siiri; hannantey ga dira i bon, amma hanga sandey ga kan a boŋ.